რაღაცნაირი ბლოგი

ონლაინ შოპინგის შესახებ ბლოგის კომენტარებში და ფეისბუქის პმ-ებში მომრავლებული კითხვების გამო, ამ თემაზე წერა ისევ გადავწყვიტე.

ძირითადი კითხვები პირველ რიგში ეხება გადმომზიდ კომპანიას- საქართველოს სხვადასხვა კუთხეში თუ ხდება გადაზიდვა,  დამრგვალების პირობები, გადახდის მეთოდები, გადაფუთვის წესები, რეისების განრიგი და ა.შ. თუმცა სხვა ათასგვარი წვრილმანი კითხვებიც არის- ერგება, თუ არა იქაური ზომები აქაურ ფეხის ზომებს, სანდოა , თუ არა ესა თუ ის საიტი და ა.შ.

ვეცდები გარკვეულწილად ვუპასუხო რამდენიმე კითხვას:

როგორც usa2georgia-ს წარმომადგენელი საბლოგეთში (:D), მათსავე პირობებს გაგაცნობთ (დანარჩენი გადმომზიდების არც ვიცი და პრინციპში არც დიდად ვიწუხებ თავს რამის გასარკვევად. რაც ვიცი ისიც საკმარისია იმისთვის, რომ მათი მომხმარებელი არ გავხდე :)) ).

ბოლო დროის  ტოპ კითხვა:
რეგიონებში ტრანსპორტირება

ამ ზაფხულს რამდენიმე PM მივიღე ამ კითხვით. გარდა სხვადასხვა ქალაქებში მცხოვრები ადამიანების ინტერესისა  ამასთან დაკავშირებით, მათაც აინტერესებდათ, ვინც მაგალითად დასასვენებლად წასვლამდე რამდენიმე დღით  ადრე გამოიწერა რამე და უნდოდა სადაც იყო იქ მიეღო ამანათი.

რეგიონებში, მოგეხსენებათ ინტერნეტი მეტ და მეტ აქტუალურობას იძენს. ინტერნეტ კაფეებზე რომ არაფერი ვთქვათ,  უკვე საკმაო რაოდენობის ოჯახს აქვს სხვადასხვა რაიონებში პერსონალური კომპიუტერი ინტერნეტითურთ. ასე რომ,  ლოგიკურად ონლაინ შოპინგი მათთვისაც ხელმისაწვდომი გახდა. თუმცა დამეთანხმებით, ცოტა ძნელია მაგალითად  ბათუმში რომ ცხოვრობ და თბილისში რომ უნდა მოგივიდეს გამოწერილი ამანათი.

ამ ზაფხულს, usa2georgia-მ თავის მომსახურებას დაამატა ახალი სერვისი –  1 აგვისტოდან მათი მომსახურეობით სარგებლობა უკვე რეგიონებშიც გახდა შესაძლებელი. ამ ეტაპზე  7 ქალაქში მუშაობს:

• გორი
• ხაშური
• ქუთაისი
• ზუგდიდი
• სენაკი
• ბათუმი
• ფოთი

ქალაქის ასარჩევი ფუნქცია თვითონ usa2georgia-ს ფორმატშიც დაემატა საიტზე.

რეგიონებში საკურიერო მომსახურეობა 10 ლარი ღირს ერთ რეისზე- ამანათების ზომის, წონის და რაოდენობის მიუხედავად. სულ 2 კვირის წინ კი ერთი სასიხარულო ინფორმაციაც დაიდო მათ ბლოგზე:

“როგორც მოგეხსენებათ, რეგიონების საკურიერო მომსახურება ერთ რეისზე ამჟამად 10 ლარს შეადგენს, ამანათების რაოდენობის მიუხედავად. იმის გამო, რომ ამერიკიდან უკვე კვირაში 5 რეისი ჩამოდის, ჩვენ გადავწყვიტეთ, რომ 10 ლარი მომხმარებელმა გადაიხადოს 1 კვირის განმავლობაში ჩამოსულ ყველა ამანათზე ჯამურად და არა ცალ-ცალკე რეისების მიხედვით. ამით მომხმარებელი მნიშვნელოვნად დაზოგავს თანხებს.”

საკურიერო მომსახურეობა შაბათ-კვირას მოქმედებს რეგიონებში, თუმცა ინვოისის დაგვიანებით გადახდის შემთხვევაში  აღარ იქნება.
რაც შეეხება მიღების წესებს, პარასკევს მიღებული შეტყობინებით, თქვენ გეცოდინებათ სად და როდის გაჩერდება საკურიერო მანქანა. წარმოადგენთ პირადობის მოწმობას (ასევე ვის სახელზეც არის ჩამოსული)  და წაიღებთ ამანათს :)

შესაბამისად, ფაქტია გაცილებით ადვილია ბათუმში გამოწერილი ამანათი ჩამოგივიდეთ 10 ლარად, ვიდრე თქვენ თვითონ წამოხვიდეთ თბილისში. მგზავრობის ფასი ბათუმი-თბილისი შეადგენს 20 ლარს. წასვლა-წამოსვლა= 40 ლარი. რა ჯობია, 10 ლარი გადაიხადოთ, თუ 40? :D

ამ ზაფხულს ამ  სერვისს საკმაოდ მოყვა გამოხმაურება და მაშინვე გამოჩნდნენ მომხმარებლები. ერთ-ერთ კლიენტს  პირდაპირ პლაჟზეც კი მიუტანეს კუთვნილი ამანათი!

შემდეგი კითხვა, გადახდის წესები (რაც ფაქტობრივად წინა თემის გაგრძელებადაც შეიძლება ჩავთვალოთ) :

გარდა ჩვეულებრივი გადახდის აპარატებიდან და ბანკებიდან გადახდის ფუნქციისა, დაემატა თიბისი ბანკის ინტერნეტ ბანკინგით გადახდაც. ინტერნეტ ბანკის
განყოფილებაში “ოპერაციები” აირჩევთ “სხვადასხვა გადასახადები”-ს და იქ დაგხვდებათ usa2georgia. მიუთითებთ ოთახის ნომერს და გადახდა მაშინვე დაფიქსირდება.

განრიგი და დამრგვალება:

ამანათები ცოტა ხნის წინ დამრგვალების გარეშე გაცემის რეჟიმში გადავიდა. 0,5 და 1 კგ.მდე წონიანები აღარ დამრგვალდება. მაგალითად, თუ მიიღებთ 0,3 კგ. წონის ამანათს, გადასახდელიც შესაბამისად იქნება $1,7.  ეს უკანასკნელი ძააალიან ძალიან მიხარია იმიტომ, რომ სულ მალე დისკი უნდა გამოვიწერო და მცირე წონა აქვთ დისკებს,
მოგეხსენებათ…

რეისების განრიგშიც ცვლილებაა- უკვე ყოველდღე ხორციელდება. ანუ მაგალითად ამერიკაში ორშაბათს მისული ამანათები,  გამოიგზავნება სამშაბათს.სამშაბათს მისული ოთხშაბათს, ოთხშაბათს მისული ხუთშაბათს და ა.შ.

რაც შეეხება ონლაინ შოპინგის სანდოობას, ძირითადად urbanog.com-ზე, amazon.com-ზე და forever21.com-ზე მეკითხებიან ხოლმე და შეგიძლიათ ენდოთ! ხო მართლა, მალე ზემოთხსენებულ დისკს შეიძლება რამდენიმე წიგნი და სხვადასხვა ნივთები მოვაყოლო ამაზონიდან და ეს იქნება შემთხვევა, როცა პირველად გამოვიწერ amazon.com-დან და ვეცდები ტუტორიალი დავწერო :)) ალბათ სვითის პოსტიც გამომადგება წიგნების იაფად გამოწერასთან დაკავშირებით: http://sweet.ge/how-to-buy-books-cheap/

ფეხსაცმელების ზომებიც ზუსტია (ყოველ შემთხვევაში, თუ რაღაც განსხვავებული სტილი არ არის და მაგალითად სიგანეში ვერ ჩაგეტიათ, ეგ იმათი ბრალი არ არის). აი აქვე დაგიდებთ ცხრილს, რომელშიც ჩამოთვლილია მსოფლიოში ფეხის ზომები და ცხრილის მიხედვით შეგიძლიათ მიუთითოთ გამოწერისას:

მოკლედ, ამ ეტაპზე მგონი სულ ეს იყო და თუ კითხვები გაქვთ, შეგიძლიათ მკითხოთ და შეძლებისდაგვარად გიპასუხებთ. თუ ვრცელი პასუხი იქნება საჭირო- პოსტითაც კი :))

მოკლედ, იმის თქმა მინდა, რომ რეალურად არაფერს არ აგებ, პირიქით იგებ და ფასების გარდა რა ღირსებები აქვს ონლაინ შოპინგს ახლავე გეტყვით:

საშუალება გაქვს განუსაზღვრელი რაოდენობის ტანსაცმლიდან ამოირჩიო. თანაც ისეა დაყოფილი კატეგორიებად, რომ სულ არ გიწევს კითხვა-კითხვით სიარული და ფეხების დაწყვეტა სასურველი პროდუქტის მისაგნებად.  მაქსიმუმ თვალები დაგეღალოს და ნერვები აგტკივდეს იმის გამო, რომ ყველაფერს ვერ დახვეტავ, რასაც ონლაინ მაღაზიებში ნახავ  :D

თანაც, შოპინგზე რომ მიდიხარ, ასეა, რომ იმ დღისითვე ყიდულობ რაღაცას. არა,ზოგი  არის, რომ თვეობით შეუძლია იაროს ერთი რამის ასარჩევად, მაგრამ მე თუ გავედი, სახლში ცარიელი არ ვბრუნდები, თუნდაც არც ისე კმაყოფილი ვიყო შენაძენით (მეორედ გასვლის ნერვები სადღა მაქვს). ონლაინ მაღაზიებში კიდევ შეგიძლია არჩიო რამდენ ხანსაც გინდა (თუ მაინცდამაინც სეილში მყოფი რაღაც არ გინდა სეილის ბოლო დღეს).

გარდა ამისა, ადვილად შეგიძლია უამრავ ადამიანს ჰკითხო აზრი- ღირს, თუ არა კონკრეტული რამის გამოწერა. აი, თაას მაგალითს განახებთ, როცა მან ფორუმზე და ფეისბუქზე გამოკითხვასავით მოაწყო და უმრავლესობის “გადაწყვეტილებით” იყიდა ერთი ფეხსაცმელი: http://taa.ge/2010/05/ვიყიდე/

ვაიმე, რამდენჯერ მინახავს თბილისში რაღაც კონკრეტული ჩექმა  “მოდებული”. ყოველ მეორეს რომ აცვია)) მეც შემხვედრია ჩემნაირ ფეხსაცმელიანი და მაშინვე სევდას მივეცემი ხოლმე. ონლაინ შოპინგი მეტნაკლებად ხსნის ამ პრობლემას…