ვიწყებ პირდაპირ ამბის მოყოლით…

დღეს მე, თინი და პიკო მაკდონალდში ვისხედით და ვჭორაობდით ათას რამეზე (ნეტა რაზე?). თინი რაღაცნაირად დაგრუზული მოგვეჩვენა და გადავწყვიტე გამემხიარულებინა. ბედად გამახსენდა ბატონი ლანდიშას კომენტარი თინის წინა პოსტზე, რომელიც შემდეგნაირად გამოიყურებოდა:

ლანდიშას კომენტარი

ვინაიდან თინი აქტიურად ატარებს რეაბილიტაციის მემარცხენე პოლიტიკას პირად ცხოვრებაში და მართალია, რამდენიმე გადამრთველი ვარიანტი უკვე არსებობს, მე მაინც კიდევ ლანდიშა შევთავაზე (თითქო ჩემია და ვჩუქნიდე რა!)…

ჯერ თინი უარზე იდგა, ”არა, რას ამბობ, ძმასავით ვუყურებო” და სხვა მსგავსი ქალიშვილური ზახოდები… ნუ როგორც იციან. მერე რომ დავიწყე ქება დიდება და ხოტბის შესხმა სუბიექტის მიმართ, ცოტა მობლაგვდა. პირველი გასხივოსნება იყო – ”აუ, ერთი მაგის ბლოგებზე კარგად უნდა შევიდე”-ხასიათის ფრაზები… :D ხოოდა… როგორც იქნა სიაში შევიტანეთ. (ლანდიშ, ყურები არ გეწვოდა, სიხ? :D)

საბოლოოდ თინის ვთხოვე, რომ იმ სიიდან კიდევე ერთი ისეთი აერჩია ვინც ყველაზე მეტად მოსწონდა, დავაძრე ფურცელი და კალამი, აქეთ ლანდიშა დავწერე, იქით ის ბიჭი (რომლის სახელსაც არ ვასახელებთ, და თუ ოდესმე ვიტყვით მიწა გაგვისკდეს და თან ჩაგვიტანოს, ან ჯოჯოხეთის ალმა დაგვწვას ათასგზის და [...აქ ბევრი მსგავსი წყევლა და კრულვა, განსაკუთრებით ის, რაღაც ეშმაკის ცეცხლოვან გენიტალიებზე როა...]), შუაში ჩამოვუსვი ორი ხაზი და თინის ჩამოვაწერინე ყველა ის თვისება რაც მოსწონს მამაკაცში და უნდა რომ მის რჩეულს გააჩნდეს. ^_^

რახან ლანდიშა ჩემი წარდგენილი კანდიდატურა იყო, ხოტბას არ ვაკლებდი (არა, რით არის ცუდი ბიჭი, მე შენ გელაპარაკები, ჰაა?) და ნუ საბოლოოდ მივიღეთ ასეთი შედეგი:

ოპერაცია კოდური სახელწოდებით: Landish vs. MysteryX

რომელიღაცა რეკლამა გევუბნება (მგონი აქს ეფექტის) რომ მამაკაცები მუდამ მიისწრაფიან პირველობისკენო. ჰოდა, ახლა მოკლე გარჩევას მოვაყოლებ, რომ რამე პრეტენზიები არ ჰქონდეთ არც ლანდიშას და არც მისტერიქსას.

პარამეტრები:

1. ყურადღებიანი – აქ ვიგულისხმეთ ტელეფონზე დარეკვები, მოკითხვები, დღეში რამდენიმე ესემესი, იტაგდალე იტაგდალე. რაც შეეხება ქულებს, ლანდიშას მივეცით პაწუკა პლიუსი. მისტერიქსას ყურადღებიანობა კი საერთოდ არ არის ცნობილი, ასე რომ, მისტერიქსო, თუ საკუთარ თავს ამოიცნობ, მეტი ყურადღება, მეტი, მეტი!! (ხელები დამანახეეეთ! მარჯვენააააც!)
2. ბეჯითი (არა-ზარმაცი) – :D ბეჯითი გარდა იმისა, რომ ეროვნულ გამოცდებს კარგად აბარებს (Vote for Landisha!) ამასთანავე მუდამ მზად არის სხვა რამეებისთვის – მაგალითად, სექსისთვის (Vote for MysteryX!).
3. იუმორი – აეხლა ლანდიშა დაიწყებს წუწუნს რატო მიწერია იუმორში ძალიან პატარა პლიუსიო. აბა ძმაო კაი იყო  ”რაც ყველაზე ძალიან გიყვარს”-ზე ოტრჯერ რო იყავი იუმორის გასაგებად? სერიოზული სახით რო იჯექი და უტვინო რო დააკომპლექსე?… მაგას ვერ გაპატიებთ.
4. ხო, ნუ ფორუმელობა და ბლოგერობა რომ გვიწერია კრიტერიუმებში ეს არ არის სასაცილო ამბავი. რატომ და იმიტომ რომ სამივემ ერთხმად დავასკვენით, რომ ფორუმელი/ბლოგერი ბიჭები რაღაცა სხვანაირად აზროვნებენ… მოკლედ გვინდა, გვინდა! დამატებითი შეკითხვებისთვის ბოლო ხუთი წუთი გექნებათ რა!
5. აი, ბლოგერი რომ ცალკე დავწერე და არა ფორუმელთან ერთად, ეს ჩემი მზაკვრული ჩანაფიქრი იყო და ჩემ კანდიდატს ერთი დამატებითი ქულა მოაპოვებინა (ლანდიშ, შენთანა ვარ, ძმა!)
6. ტააკ, მერე რა მოდის, სიმპატიური - ორივეს პლიუსი აქვს (ოჰო!)
7. სექსუალური – აქაც ორივეს პლიუსი (ოოჰოოოო! გახურდა დარბაზი!)
8. 15 სმ და მზარდი -  კხმ… ისა… დაატოლებთ თუ ცალ-ცაკე გავზომოთ? :D (ნუ აქ პატარა იაღლიშიც მოგვივდა, ალბათ ხედავთ, რომ შემთხვევით მისტერიქსას დავუწერეთ დიდი(!) პლიუსი, მაგრამ მერე გადავშალეთ და დავწერეთ კთხვის ნიშნანი. ეს მოხდა იმიტომ, რომ თინიმ მოკრძალებულად განაცხადა, რომ აღარ ახსოვდა(!), ხოლო რა აღარ ახსოვდა, ეგეც ვეღარ გაიხსენა.)
9. რომანტიკა… აქ ლანდიშა იმარჯვებს აბსოლუტური უპირატესობით. მახსოვს მე მაგის ლექსები წავიკითხე სადღაც (თუკი ვცდები და არ წერ ლექსებს, არ შეცდე და არ შემისწორო! :D მაგ არარსებულმა ლექსებმა გადაგარჩინა, იცოდე!)
10. ჭკვიანი – თინი ირწმუნებოდა რომ მისტერიქსა ძალიან ჭკვიანიაო და დამამტკიცებელი საბუთებიც კი მოიყვანა, მეც ვირწმუნებოდი ლანდიშაზე ჭკვიანია მეთქი მაგრამ უცებ ვერ მოვიფიქრე დამამტკიცებელი ევრაფერი და ისევ ჩემს ჭაღარას სცეს პატივი და ეგრე დავაჯერე. ამიტომ ცოტა დიდი პლიუსი დავუწერეთ მისტერიქსას და ცოტა პატარა ლანდიშას. მარა პლიუსი – პლიუსია :D
11. არა-მურთაზი – ჰმ! ლანდიშას კომენტარი ჩემს პოსტზე. :მაინცხოამოვქექეიიშ:
12. თბილი, (სხეულის ტემპერატურა 35-40 გრადუსი ცელსიუსით) – ამაზე ერთხმად შევჩერდით რო დიდი პლიუსი ლანდიშას და გაურკვეველი ქულა მისტერიქსს.
13. ბოლოს მივამატეთ პუნქტი რო მწეველი არ უნდა იყოსო (ანუ მწეველის მაგივრად არამწეველი უნდა ეწეროს). შესაბამისად მისტერიქსა არ ეწევა და ლანდიშა ეწევა (ხო? o_O).

გაურკვეველი პუნქტები:

ლანდიშა – 2

მისტერიქსა – 4

საბოლოო შეჯამება:

ლანდიშა – 9 პლიუსი (2 წვრილი პლიუსი ერთად ჩაგეთვალა)

მისტერიქსა – 7,5 (ერთი წვრილი პლიუსი ამასაც აქვს და გამოგვრჩენია იქ დათვლისას)

P.S. ანუ დლია ასობა ადარიონნიხ – ლანდიშას დაენძრა…