ცოტა შორიდან დავიწყებ:  ძალიან ცუდად ვერკვევი შოუ ბიზნესში. უფრო სწორად, მუსიკალური არხები, მოგეხსენებათ საქართველოში არ გვაბადია წესიერი. აბა, პირველ სტერეოზე გადართავ და ციფრული ფოტოაპარატით გადაღებული ქართული კლიპები დაგხვდება, music box-ზე კიდევ ყველანაირი მუსიკაა (ოღონდ პირველ სტერეოს არ ვადარებ, გაცილებით უკეთესია) და ამიტომ  მხოლოდ მაშინ ვრთავ, როცა მაგალითად სამეცადინო მაქვს და ჩემი ჩვევის გამო, რომ რაღაც აუცილებლად უნდა ხმაურობდეს- ხმაურობს კიდეც და ისეთი მუსიკაცაა, რომ არ ვუსმენ და მეცადინეობაში ხელი არ მეშლება.

როცა არ ვუსმენ ყურადღებასაც არ ვაქცევ ვინ არიან და რა უნდათ. თან დიდად არ გამოვირჩევი შოუ ბიზნესური სიახლეების ინტერესით. ბოლო დროს დავინტერესდი, რომ მივხვდი რომ  ვაკუუმში ვიყავი მოქცეული იმდენი სიახლეა.

რამდენიმე თვის წინ youtube-ზე justin timberlake-ს რომელიღაც სიმღერის ძებნისას შემომეყარა ერთი ბავშვის ვიდეო, რომელიც რაღაც ძალიან ჩვეულებრივი სახლის ჩვეულებრივ დივანზე იჯდა გიტარით ხელში და მღეროდა ტიმბერლეიკის სიმღერის ქავერს. ისე მომეწონა ბლოგზეც დავდე ვიდეო და ფეისბუქზეც დავლინკე.

აი ახლა, დაივიწყეთ რომ ეს  “ის” ჯასთინ ბიბერია და უყურეთ ჩვეულებრივ youtube-ზე ნაპოვნი ვიღაც ბავშვის ვიდეოსავით:

ხო იტყვით, რომ საყვარელი ნიჭიერი ბავშვია?  ისეთი მელოდიაა, რომ ძალიან ძნელია საინტერესოდ იმღერო თან მარტო გიტარით. ტიმბერლეიკიც ვერ იმღერებდა ასე:D

რომ დავლინკე მერე მითხრეს, რომ ეს ბავშვი  ამ ვიდეოს მერე კარგადაც გაიზარდა და ვარსკვლავიც გამხდარა.

მერე, თუ არ ვცდები, დოდკამ მომიყვა, რომ თურმე ეს ბავშვი დებდა თავის ვიდეოებს youtube-ზე, იპოვა usher-მა, მოეწონა, ჩაწერა დუეტი და ასე ნელ-ნელა გააSTAR. უფრო სწორად, გასტარდა, თორემ რაც არ უნდა დიდმა ვარსკვლავმა გარეკლამოს, თუ ნიჭი არ გაქვს ვინ აიტაცებს?

ამ სიტუაციის გარკვევის შემდეგ უკვე მხვდებოდა თვალში FB-ზე (უეჭველი იქამდეც იყო და მე, რა თქმა უნდა, ყურადღების მიქცევა არც მიფიქრია). საქართველოშიც ძალიან ბევრი ფანი ყოლია და იმდენივე HATER-ი.

ჰეთერების ნაკლებობას არც მთელი მსოფლიოს მასშტაბით უჩივის.

მართლა ძალიან დამაინტერესა რატომ სძულდათ ასე ძალიან და ილიას ვკითხე, ხომ არ იცი მეთქი? ილიამ თქვა მგონი იმიტომ, რომ ყველგან ატენიანო :D  კარგი, დავკმაყოფილდი პასუხით, მაგრამ ბოლომდე ვერ ჩავწვდი მაინც. მერე შევიხედე სხვადასხვა ჰეით პეიჯებზე და რას ვხედავ:

[P.S. some people from foreign  (and also from georgia o_O) thinked, that i'm also hater :D no, that's not right...and if you can't reading georgian languague, that's P.S. is for you :D i just said, i   also don't like bieber and miley, but that Haters sucks, really :P ]

ამ ბოლოზე გული მომიკვდა მართლა :(

ხოდა სერიოზულად დავფიქრდი რატომ სძულთ ასე. რა თქმა უნდა, იმავდროულად საფიქრალია რატომ ყავს ფანები :D მაგრამ მართლა არ არის ისეთი, რომ გძულდეს. JB დაირქვა და gayB-ს ეძახიან, აკეთებენ აი ასეთ საშინელ სურათებს (მეტი საქმე რატომ არ აქვთ), აგინებენ ლექსიკონის ამოწურვამდე, მიდიან კონცერტზე იმისთვის, რომ თავში შუშის ბოთლი ესროლონ o_O

მიზეზი: ყველაფერი ვერ აქვთ დალაგებული თავში :D რას უშავებთ, დგას და მღერის. აბა თუ შნო აქვთ, თვითონ დადონ youtube-ზე სიმღერები და ისე კარგად იმღერონ, რომ ვინმე ვარსკვლავმა იპოვოს და “ხელი მოჰკიდოს”.

მეორე, რაღა ამომავალი და უკვე ამოსული ვარსკვლავი სულ ახლახანს გავიგე- miley cyrus და ის ის იყო მეგონა ბაზარში ყველა რვეულზე და სასკოლო ჩანთებზე გამოსახული hanna montana-ც კიდევ ერთი ახალი იყო, FB-ზე ამიხსნეს, რომ ეს ორი ერთი და იგივეა :D

შემოქმედებაზე ვერაფერს ვიტყვი, ერთი სიმღერა მაქვს მარტო მოსმენილი. ჩვეულებრივი პაპსაა ნუ… მაგრამ ამასაც ბევრი ფანი და ბევრიც მოძულე ყავს.

hate-რების ტენდენცია შევამჩნიე- ბიბერი ბიჭებს სძულთ, ეს გოგო გოგოებს.

ნამდვილად არ მომწონს ეს ახლად გამომცხვარი ვარსკვლავები (კიდევ რამდენიმეს სახელი გავიგე ბოლო დროს და რამდენიმე დღის წინ მუზიკ ბოქსს დაკვირვებით ვუყურე, რომ ცოტა გამეგო რა ხდება) და უეჭველი კიდევ იქნებიან ვიღაცეები, ვინც არ ვიცი, მაგრამ მაინც პატივს ვცემ რომ ამდენს აღწევენ.

რატომ უნდა მძულდნენ აბა. რამდენჯერ მიოცნებია (yes,ახლაც  ვაგრძელებ) საკუთარ სტუდიაზე, კლიპზე, სოლო კონცერტზე და პოპულარობაზე და აბა სად არის? :D ისე, რომ იყოს, ერთი რამე ვიცი- ფსიქოლოგთან სიარული მომიწევდა ისე დავითრგუნებოდი ამდენი მოძულე რომ მყოლოდა. შეიძლება ეს მე ვარ სუსტი და იმიტომ იმოქმედა ერთი ცინგლიანი შეყვარებული გოგოს გახსნილმა გრუფმა i hate tinatin osefashvili თავის დროზე, სადაც მერე კი მაგრად გავერთეთ მთელი ჩემი სამეგობრო, მაგრამ ხო ფაქტია ვიღაცას იმ მომენტში ისე ვძულდი მუქარის წერილებიდან დაწყებული გვერდის გახსნიანად ყველაფერი ქნა ოღონდ ბოღმა ამოენთხია :D

ხოდა ავიწყდებათ, რომ ისინიც ჩვეულებრივი ბავშვები არიან, ინტერნეტთან დაახლოებულებიც (ჯასტინი განსაკუთრებით) და ხედავენ ამ ყველაფერს. რომ არაფერი ვთქვათ საკუთარ კონცერტებზე დაშენილ მძიმე საგნებზე.  არ უარვყოფ, მეც მაღიზიანებენ ვიღაცეები ზოგჯერ ისე, რომ მზად ვარ ყურებიდან ბოლი გამოვუშვა, მაგრამ ცოტა არ იყოს მანიაკიზმია თუნდაც ასეთი სურათების გაკეთება. ასკროლეთ, კარგად დააკვირდით სურათებს  და წარმოიდგინეთ ადამიანი, რომელმაც ესენი გააკეთა როგორი არსება უნდა იყოს…

ისე კიდევ, თინეიჯერებო, ალბათ ოდესღაც გადაგივლით (თუ არ გადაგივლით არც ეგაა ტრაგედია) ამათი ფანობა  და რომ გადაგივლით, მერე გირჩევთ X factor-ის ყურება დაიწყოთ, იქ იპოვით ნამდვილ ნიჭიერებს და ნამდვილ მომღერლებს, რომლებიც უფრო იმსახურებენ პოპულარობას. აბა უყურეთ მაგალითად ამას, ხომ არის დაბადებული ვარსკვლავად :)) (ამის გარდა კიდევ ძაალიან ძალიან ბევრია, უბრალოდ ეს ბოლო დროის ფავორიტია ჩემი, გაჭედილი მაქვს დღეში 9-ჯერ ვუყურებ :D )

შემოდგომიდან მოყოლებული, სულ მეზარება სახლიდან გასვლა. ერთადერთი მიზეზი, რაც მაიძულებდა სახლიდან გავსულიყავი ლექციები იყო. ახლა ეგ მიზეზი აღარ მაქვს და ვზივარ სულ სახლში. ვიცოდი, რომ ასე მოხდებოდა, ამიტომ სანამ დასვენება დამეწყებოდა, გეგმები დავსახე: იქ წავალ, ამას ვნახავ, იმას მოვიკითხავ, წავიკითხავ, ვივარჯიშებ, ხეს დავრგავ, შვილს გავაჩენ.. ა, ეგ სხვა ტექსტია :D

ვაპირებდი ვიოლინო დამეკრა ხშირად და ვიდეო პოსტიც ჩამეწერა ჩემს ვიოლინოსთან ერთად (რა გამბედაობაა, ღმერთმანი..)

ვაპირებდი დამელაგებინა ჩემი აბურდული ტანსაცმელი, კოსმეტიკა, საკანცელარიო ნივთები

ვაპირებდი მენახა ჩემს კომპიუტერში გადმოწერილი ფილმები

ზაფხულში დაახლოებით 10 წიგნი წამოვიღე ყვარლიდან და სასწავლო წლის მანძილზე უნდა წამეკითხა იდეაში.  რადგან  სწავლის პერიოდში საოცრად დაკავებული ვარ (:D) არდადეგებისკენ გადმოიწია მაგ გეგმამ

სინამდვილეში კიდევ: 

• მძინავს ჩვეულებრივზე მეტი.

• დილით შენელებულ კადრში ვალაგებ სახლს ენერგიული მუსიკის ფონზე, რომელიც საერთოდ არ შეეფერება ჩემი გადაადგილების სიჩქარეს :D

• “საღამოს ძილის” (7 საათის ძილის) ჟამს, ჩაძინებამდე ვუყურებ ჩემს დებთან ერთად მულტფილმებს(ეს ოთხი ძალიან მევასება :D )

• წიგნის ხელში აღება ჩაძინებით მთავრდება
• ვზივარ კომპიუტერთან- აქ ვჭამ, აქ ვსვამ.
• უარს ვამბობ გარეთ გასვლის ყველა შესაძლებლობაზე (თუ საოცრება არ ხდება:D)

მოკლედ, ყველა გეგმა ჩავფუშე და მობილიზებასაც ვერ ვახერხებ, რომ რამე გავაკეთო. მგონი ასე ვისვენებ. ერთადერთი  გეგმა, რაც მაქვს არის ის, რომ ავატარი უნდა ვნახო აუცილებლად.მე და ქრისტინემ გადავწყვიტეთ წასვლა ერთად და ველოდებით ბილეთები როდის იქნება.. ან როდის მობეზრდება ხალხს :D

რაც მთავარია, ასეთი გაზარმაცებისპ დროს ძნელია პოსტების წერა :D რომ იცი, ბევრი დრო გაქვს და შეგიძლია ყოველთვის დაწერო, მუზა მიდის დასასვენებლად, ჰმ! ეს ერთადერთი მიზეზია, რის გამოც ჩემი თავის მობილიზება მინდა. მოკლედ, გარეთ უნდა გავიყვანო თავი როგორმე.. უბედურებაა:

რაც მეტი დრო გაქვს, მით უფრო ნაკლებ რამეს ასწრებ!

პ.ს. დღის აღმოჩენა:

შემიყვარდა ეს ბალღი :O