რაღაცნაირი ბლოგი » 3D

Alice in Wonderland

Tiny — Wed, 10 Mar 2010 21:53:38 +0000

დღეს andy-ს და კინოთეატრ ამირანის წყალობით alice in wonderland-ზე წავედი(მოსაწვევით), როგორც იქნა! პირველივე დღეებში მინდოდა წასვლა, მაგრამ ეს რიგებში დგომა.. ავატარზეც ასე მომივიდა,მგონი ყველაზე გვიან ვნახე :D ნუ,ამჯერად გადავრჩი “ყველაზე გვიან”-ს და ვნახე ალისა..

სანამ კონკრეტულ განხილვაზე გადავალ, რჩევები მათთვის, ვისაც ჯერ არ უნახავს:

არ უსმინოთ ვინ რას ამბობს და ვინ როგორ აკრიტიკებს. პრინციპში, მე მოსმენა კარგად წამადგა- ისეთ საშინელებას ველოდებოდი სხვების მონაყოლის მიხედვით, იმასთან შედარებით ჯაყოს ხიზნებიც შედევრად მომეჩვენებოდა ალბათ :D
მაქსიმალურად ეცადეთ თავი აარიდოთ ამ ფილმის შედარებას წიგნთან, სხვა ვერსიებთან, ავატართან. იმიტომ, რომ :

ტიმ ბარტონს არ დაუდია ფიცი ერისა და ღვთის წინაშე, რომ აუცილებლად წიგნის მიხედვით გადაიღებდა ფილმს.
ეს სულ სხვა საფეხურია.. 3D ბევრს ნიშნავს
ავატარს რატომ ადარებენ ვერ გავიგე. ნუ ერთი მიზეზი ის არის, რომ ორივე 3D-ა. მაგრამ რამდენი განსხვავებაა დაფიქრდით- ავატარი საერთოდ სხვა რამეა! მაგას ალისა კიარა არაფერი არ უნდა შეადაროთ (გაიგეთ, ოსკარების გადამცემლებო? :mad: ). მოკლედ, თუ ავატარს შეადარებთ, გაგიცრუვდებათ იმედები, აბა რა იქნება : ))

ახლა გადავიდეთ განხილვაზე..

პერსონაჟები (ქასთით კმაყოფილი ვარ):

Alice- Mia Wasikowska

ალისას პერსონაჟი არაფრით გამორჩეული, ვგულისხმობ სახასიათო თვისებებს- ხასიათს, გრიმს და ა.შ. გარეგნობით სწორად იყო შერჩეული, მოუხდა ფილმს, მაგრამ არ ვიცი ბარტონს დავაბრალო თუ მიას, რაღაც ეკლდა. ალბათ ის, ჩვენ რომ მარილს ვეძახით ხოლმე. თუმცა, დიდი დანაკლისი არ მიგრძვნია დანარჩენი პერსონაჟების “გადამკიდე”

Red Queen- Helena Bonham Carter

ჰელენა იმათაც კი მოეწონათ, ვინც ფილმიდან 15 ლარის დაკარგვის გამო გამწარებული გამოვიდა :D გენიალური იყო! კარგად შერჩეული როლისთვის, კარგად “გამმართლებელი” ბარტონის და მაყურებლის იმედების და მოკლედ, ნამდვილი red queen-ი! და რაც ყველაზე ძალიან მომეწონა- გაბრაზებსგან რომ წითლდება! <3

white Queen- Anne Hathaway

ვაიმე ულამაზესი <3 გრიმზე და კოსტიუმებზე ცალკე მინდა ლაპარაკი, მაგრამ არ შემიძლია არ აღვნიშნო რა ლამაზი იყო თეთრი დედოფალის პერსონაჟი.. ენი ძალიან კარგი იყო. რამდენჯერმე მოვისმინე, არაბუნებრივიაო, მაგრამ არა!- ვისაც ნანახი გაქვთ, ის სცენა გახსოვთ? ჩვეულ “ნარ-ნარ“-ს რომ უცებ მოსწყდა და ძაღლისკენ გაიქცევა? ძალიან მაგარი მომენტი იყო <3

და ბოლოსთვის შემონახული

Mad Hatter- Johnny Depp

აი, ვისაც რა უნდა ის უთქვია, როგორც გინდათ ისე გააკრიტიკეთ ჯონი დეპი კაპიტნის ელემენტების შერევისთვის, მაგრამ ამ პერსონაჟმა მთლიიანად დაიპყრო გული და თვალიც! :D ეს ტრაგიკულ-კომიკური (ამ ორიდან, თავისთავად ტრაგიკულმა დამიპყრო:| ) პერსონაჟი ჩემთვის ერთადერთი ემოციური წერტილი იყო ფილმში. ბოლოს მისი ცეკვა aww, ყველაზე ემოციური მომენტი <3

კოსტუმები და გრიმი:

ერთ-ერთი დიიდი ღირსება ფილმის! red queen-ის და mad hatter-ის გრიმები განსაკუთრებით..

და მთაავარი, 3D ეფექტები:

ჯერ, 3D-ს გარეშე, ულამაზესია wonderland-ი. წითელი ჯადოქრის სასახლე, გარემო, Cheshire Cat-ი.. (ხო,ეს ცალკე განზომილებაა!)

ისეთი მაგარი იყო, რომ ჩახუტება მომინდა! :D

ძლიერი ეფექტები აქვს. ძაალიან ალამაზებს 3D. ორმოში ჩავარდნის სცენა, ალისა რომ გადაწყვეტილებას მიიღებს იბრძოლოს თეთრ დედოფალთან ერთად ეგ სცენა, ჩეშირის კატა სადაცაა ყველა ის სცენა, ბუნების ეფექტები, კიდევ ის სცენა- გიჟი კურდღელი რომ რაღაცას გააქანებს კარისკენ, ეგ განსაკუთრებით შთამბეჭდავია:D (ეს ხუმრობით. უბრალოდ, ისე შევხტი, ენდი მოკვდა სიცილით :D )

კი, მართალია, რომ სცენარი “დიდი არაფერი” არ იყო, რომ ყველა მეტს ელოდა და ა.შ. მაგრამ რაც მთავარია, მოსაწყენი ფილმი ნამდვილად არ არის. თანაც ულამაზესია. არც ერთ შემთხვევაში არ გადაიფიქროთ სხვების კრიტიკების გამო ამ ფილმის ნახვა იმიტომ, რომ ჩემი აზრით, ძალიან კარგ სანახაობას მოიკლებთ! უმაგრესი ვიზუალია, უმაგრესი ეფექტებია, უმაგრესი გრიმი და კოსტუმებია!

პ.ს. ავატარისკენ გამექცა ისევ თვალები. სანამ დამთავრდება მგონი კიდევ ერთხელ უნდა

წავიდე!

I SEE YOU

Tiny — Mon, 08 Feb 2010 17:49:41 +0000

avatar

რაც სახლში მოვედი (აგერ უკვე 4-5 საათია ), მას შემდეგ გახსნილი მაქვს new post-ის ფანჯარა, მაგრამ ვერ ვიწყებ წერას. იმდენი ემოცია მაქვს მოზღვავებული ერთად, აღარ ვიცი საიდან დავიწყო..

თავიდან დავიწყებ (რა ლოგიკურია)

ჟანრი: ფანტასტიკა, სათავგადასავლო, ტრილერი, მძაფრ-სიუჟეტიანი- სულ თითზე ჩამოსათვლელი ფილმებია, რაც ამ ჟანრში ნანახი მაქვს და დიდად არ მომწონს, ჩემი რომანტიკები მირჩევნია, მაგრამ რეკლამა რას არ იზამსო ნათქვამია. “3D, მსოფლიოს ისტორიაში შემოსავლით #1 ფილმი”… მოკლედ, ყველამ იცის ალბათ ავატარის დამსახურებები. ისე მე ცოტა გარე სამყაროს მოწყვეტილი ვარ ხოლმე და ფეისბუქზე რომ “ავატარული ავატარების” დაყენება დაიწყეს, თავიდან ვერ მივხვდი რა ხდებოდა:D ნუ, თავისთავად გავიგე მალევე, გამოვძვერი ჩემი სტაბილური ჭურიდან. მერე რ2-ში, ნიჭიერის ოფისში ეს კალენდარიც ვიხილე:

მერე შედგა პრემიერა ამირანში, აჭრელდა ინტერნეტში ყველაფერი და ნელ-ნელა (ნელ-ნელა რა, ერთი დღე დამჭირდა სულ გადაწყვეტილებისთვის) დავრწმუნდი, რომ ეს უნდა მენახა!

მაგრამ რიგებზე რა ამბავი იყო, თქვენც მოგეხსენებათ. 90-იანების პურის რიგებს ადარებდნენ. მე კიდევ რიგში დგომას ვერ გადავიტანდი. სუსტი ნერვები მაქვს და ქართულ რიგებს ვერ ვიტან- ყველა შენს უკან მდგომი ნელ-ნელა “შენს გვერდით და ოდნავ წინ” ინაცვლებს :D

ვილოდე, ვილოდე და გუშინ გავაღწიე ამირანამდე. ავიღე ბილეთები და რომ დავიგულე ჩემს ხელთ, დამეწყო მოუთმენლობა, ერთი სული მქონდა როდის მოვიდოდა “ხვალ”. მივედი როგორც იქნა, რომ მივლაგ-მოვლაგდი, სკამზე მოვკალათდი და სათვალე გავიკეთე, იმ მომენტიდან ამ წუთამდე მოზღვავებული ემოციებიდან ვერ გამოვდივარ :D

შინაარსი ალბათ უმეტესობამ უკვე იცით ვინც ნახეთ, ვინც არ ნახეთ ლანდიშას პოსტი ნახეთ, ამომწურავად უწერია და რომ წავიკითხე ვეღარ მოვიფიქრე რა უნდა დამემატებინა ან ახალი რა უნდა მეთქვა და ვრცელ პოსტზე აღარც მიფიქრია.

ულამაზესი ფილმი იყო!საუნდტრეკებიც ძალიან მაგარი აქვს, შინაარსიც (თავის ცოტაოდენი რომანტიკებითაც)დამიჯერეთ, ნაკლს ვერ უპოვნით ვერც ერთ ასპექტში ფილმს! 2.45 წუთი ისე გავიდა, რომ ვერც გავიგე და საერთოდაც, კიდევ დიდხანს დავტკბებოდი პანდორას ყურებით :| კიდევ ერთხელ ვნახავ აუცილებლად, სანამ შეწყდება სეანსები იქამდე..ისეთი მაგარი იყო, ვინც ნახა გამოცდიდა- დიდი ხანი გჭირდება დამთავრების მერე აზრზე მოსასვლელად და შეიძლება ნერვები მოგეშალოს, რომ სათანადოდ ვერ გამოხატავ იმ ემოციებს, რაც გაქვს (ახლა მასე ვარ მაგალითად, რამისაა მივშალო მთელი პოსტი იმიტომ, რომ ვერ გამომხატავს ვერანაირად და რაც არ უნდა ემოციურად დავწერო, ცივი მეჩვენება იმასთან შედარებით, რაც სინამდვილეშია :D )

გუშინ 2კიჯამ ფბ-ზე დაწერა:

ვატარი ავატარი ავატარი ავატარი :დდ გავარტყი ფილმს რომელიც 4 მილიარდს მოეწონება! პროტესტის ნიშნად არ ვუყურებ არასდროს!!!

არც იფიქროთ ასე მსჯელობა რომელიმემ, თორემ დაგჩაგრავთ! :D

განვედ ახლა მე, სიცხიანი და გაციებული ვარ და გრძელ პოსტს ვერ ვწერ, ენერგიებს ვზოგავ- ხვალ ჩემი პოსტი უნდა დაიდოს ნიჭიერის ბლოგზე და.. : ))