რაღაცნაირი ბლოგი

დღეს მე მივიღე გადაწყვეტილება, რომ უნდა ავმხედრებულიყავი მაღალ ქუსლზედ.  მოკლედ, ავმხედრდი და სამყაროს რამდენიმე სანტიმეტრით (აქ წესით უნდა ეწეროს ჩემი ჩექმის ქუსლის სმ-ული მოცემულობა, მაგრამ საწოლიდან ადგომა და გაზომვა დამეზარა) ზემოდან დავუწყე ყურება :D

აი სახლიდან გასულიც არ ვიყავი, რომ მივხვდი სახლში ცუდ ხასიათზე დავბრუნდებოდი მაგის გამო. საუკუნეა მაღალ ქუსლზე არ გამივლია (ტანგეტკები არ ითვლება, ადვილი სასიარულოა). როცა სისტემატიურად არ გაცვია, ერთი დღით ჩაცმა ნამდვილი კოშმარია. სისტემატიურად კიდევ მგონი ორი წლის წინ მეცვა, როცა ნამეტანი მაღალი მამრი მახლდა ხოლმე გვერდით და მინდოდა გამეგო რას ჩამომძახებდა ხოლმე ზევიდან :D

რამდენს ვლაპარაკობ.. მოკლედ, დღეს ჩავიცვი და წავედი.

რამდენიმე მისია მქონდა შესასრულებელი:

მაღალ ქუსლზე როცა დგახარ, არ უნდა დაგავიწყდეს და მხრებში არ უნდა მოიხარო. არ უნდა მოხარო მუხლები და ა.შ.  იმისათვის, რომ ჩემს მიერ წოდებული “ცხენის ეფექტი” არ დაგემართოს და ჯაყ-ჯაყით არ იარო. რამდენჯერ მინახავს ქალები, რომ ისე საშინლად იხრებიან ხოლმე ფეხებში მაღალ ქუსლზე სიარულისას, რომ შეგაჯავრებენ მაღალი ქუსლის  ხსენებას..ქალისასაც :D

მოკლედ, რასაც თავად ეწინააღმდეგები, შენთვითონ არ უნდა დაგემართოსო ნათქვამია. გამართული სიარულისას იჭიმება ფეხის ეს ნაწილი:

აი ქვედა ნაწილი დამეჭიმა დღეს მეც ფრიად :D

მოკლედ, ეს დაჭიმვები გაიძულებს მოიხარო. თავიდან ასაცილებლად  უნდა წარმოიდგინო, რომ წიგნი გადევს თავზე და არ უნდა გადმოგივარდეს:D  აი უჟას, მაგრამ იმდენად ვერ ვიტან ჯაყ-ჯაყით რომ დადიან, რომ მთელი დღე ერთი წუთით არ დამვწყებია ზემოთ ჩამოთვლილი მისიები. აუ, თან სულ მეგონა, რომ ფეხი უნდა დამცდენოდა სადმე :|

სახლში მაგარი დაღლილი მოვედი, თან სამშაბათობით სულ ბევრს დავდივარ ხოლმე და რას ჩავიცვი არ ვიცი. ახლა ერთი-ორი თვე (ან მეტი) მემახსოვრება ეს განსაცდელი და აღარ მომინდება ჩაცმა :D

არადა თავის დადებითები ამასაც აქვს, ძალიან უხდება ტანს..და უფრო სექსაპილნიც არს, მაგრამ ამდენ ტანჯვად არ ღირს, დაბალ ქუსლიანებშიც მშვენივრად გამოვიყურები. არ გამოვიყურები და არც ეგ მაინტერესებს :spy: :D

15 Responses to “ქუსლნი”