რაღაცნაირი ბლოგი

Pრე  Sაზაფხულო  Gანწყობა!

ორ დღეში, როცა ჩემი ბოლო ორი გამოცდაც წარსულს ჩაბარდება, ოფიციალურად დაიწყება ზაფხული. ზაფხულის ოფიციალური დაწყება ჩემთვის მხოლოდ საყვარელი სახლიდან გასვლასთან ასოცირდება. საყვარელი სახლი რა, თბილისიდან გასვლა არ მიყვარს.  წელს რაღაც განსაკუთრებით არ მინდა არსად წასვლა.. ნუ ვაღიარებ, ზღვა მიხარია, მაგრამ მაინც..

დღეს დავიწყე ფსიქოლოგიური მზადება იმისთვის, რომ შეიძლება ინტერნეტ სამყაროს ძალიან მოვწყდე. ფსიქოლოგიური მზადება იმაში მდგომარეობდა, რომ მთელი დღე ინტერნეტში დავბოდიალებ-  ვეთხოვები :D არადა მეგონა, რომ ჯეო კონექტის ინტერნეტი მექნებოდა თან, მაგრამ დღეს ვნახე, რომ ერთი შეხედვით საწყალი ინტერნეტის წყარო [უსბ მოდემი] 219 ლარი ღირს. ამიტომ სასწრაფოდ დავარწმუნე თავი იმაში, რომ ზაფხულია და ჩემს ტვინს დასვენება სჭირდება!  თუმცა იმ აზრამდე ჯერ არ დავსულვარ, რომ ბლოგისგანაც მჭირდება დასვენება. როგორც წესი, მოვშორდები თუ  არა ინტერნეტს, მაშინვე მუზა მიკაკუნებს და მეწერინება. ამიტომ გეგმა შევიმუშავე- ვორდში დავწერ ხოლმე პოსტებს და  არ არსებობს, რომ კვირაში ერთხელ მაინც ვერ მოვახერხო ნეტთან მოხვედრა. ასე, რომ ბლოგი არ გავა შვებულებაში :D

აქვე შემუშავებული მაქვს “გეგმა B”-  დავიმარაგებ ფილმებს და ისე წავალ. ჯერ კიდევ არ მინახავს Gossip Girl-ის მეორე სეზონი, საყვარელ დორბლიან ფილმებსაც წავიღებ, იმ ფილმებს წავიღებ, რომლებიც მაინტერესებს და მგონი როგორმე გადავიტან :D ხო, ასევე დამჭირდება ბეევრი სამესიჯო. არადა არ მიყვარს მესიჯების წერა, მაგრამ ერთგვარი სუბლიმირებისთვის კარგი გამოსავალია იმჰო..

გუშინდელ შეკრებას რაც შეეხება კიდე.. ხო, ჯერ იმით დავიწყოთ, რომ აზრთა უმრავლესობა გავითვალისწინე ის ბოლოკაბა ჩავიცვი, რომელმაც მეტი მოწონება დაიმსახურა :D დაახლოებით ასე გამოვიყურებოდი :

მოკლედ, იმდენს დავრბოდი, კადრმაც კი ვერ გამაშეშა! :D სამწუხაროდ კადრში არ ჩანს სხვადასხვა ფინტიკლუშკები- სახლიდან სრულად მობილიზებული გავედი :D ხოდა შეკრებაზე 20 სულიერი არსება მოვიდა :user: ისეთი ბედნიერი ვიყავი, საკუთარ ორგანიზებულ შეკრებაზე ამდენს რომ ვხედავდი.. არც ერთ შეკრებაზე ამდენი არ ყოფილა. სხვათაშორის, სტრატეგიამ გაამართლა. შეკრების თემა რომ გავხსენი,  პირველ პოსტში ვინც კი გამახსენდა ყველა იძულებით ჩამოვწერე. თავისთავად მერე ნებაყოფლობითი სია შედგა, მაგრამ არც ძალიან ჩამორჩებოდა პირვანდელ ძალადობრივს. მთელი შეკრების განმავლობაში რაღაც მასპინძლად ვგრძნობდი თავს და ყველასთან სათითაოდ დავრბოდი, რომ არავის ეგრძნო თავი უყურადღებოდ. რამდენად მოვახერხე არ ვიცი, მაგრამ ხო ვეცადე :user: ბოლოს მადლობებიანი პოსტით დავხურე თემა [მერე ერთი-ორი წუთით იყო გახსნილი,მთხოვეს და იმიტომ არის დახურვის მერე კიდევ ორი გვერდი :D ჩეტავიკები! ] მოკლედ, დავბრუნდი სახლში და მერე სიამაყით ვუყურებდი დღის შთაბეჭდილებებით გაძეძგილ თემას.. :blush:

________

ზღვისთვის შერჩეული ფერი- სალათისფერი. მუზა:

_______

დღეს ეს ზედა ვიყიდე და ისე მომწონს, დედაჩემმა ძლივს გამხადა- ახლა სახლში ხარ, ნუ გაცვიაო :D ყელი აქვს უულამაზესი და ნაჭერიც ულამაზესია :love:

პ.ს. კაჭკაჭიზმი [ოღონდ მარტო ვერცხლი მიყვარს..ოქრო-არ!] :

6 Responses to “PSG”