რაღაცნაირი ბლოგი

კატეგორიიდან ნახევარდიასახლისა

საკუთარ თავზე გაბრაზებული და შესაბამისად ცივ წყალ მომარჯვებული, განვისვენებ საყვარელ ტახტზე და  “რა სად როდის”-ს ბატონი წამყვანის ხმების ფონზე ვცდილობ ხუთდღიან პაუზას ბლოგზე ბოლო მოვუღო. პაუზის გამომწვევი მიზეზი მარტივია: რამდენიმე დღეა მარტო ვარ სახლში და ვტკბები სიწყნარით. თუმცა მთლად დატკბობა ვერ ეთქმის- დედას წასვლის დღისით, დამშვიდებული რომ წასულიყო, სასტუმრო ოთახის გენერალური დალაგება დავიწყე..შუა გზაში ვიყავი დედა რომ წავიდა და მაშინვე დავკარგე სტიმული. დავბოდიალებდი სახლში და “სად გამექცევა”-ს ძახილით სახლის დალაგების მეტს ყველაფერს ვაკეთებდი. რომ მივხვდი, რომ სინდისი მაწუხებდა, წუხელ რამის დილამდე სამზარეულოს ხეხვა ავტეხე, მერე ცოტა დავიძინე და გაღვიძებისთანავე დიდი შემართებით წამოვედი კომპიუტერთან- გადავხედავ რაღაცებს და შევუდგები ისევ დალაგებას-მეთქი, მაგრამ ჰოი-ო ნათქვამია!.. რომ მივხვდი, რომ ფორუმს, ფეისბუკს და  ათას უბედურებას [:D] მოვედე, არადა უკვე 4 საათი სრულდებოდა, მოვუხმე მთელ ჩემს ფანტაზიას მოტივაციის საძებნელად. ხოდა ხომ იცით, მეგობარი ჭირში უნდა ამოგიდგეს მხარში :D

ჩემსავით მოწუწუნე ცოტნეს, რომელსაც ხვალ გამოცდა აქვს და ჩემსავით ვერ წყდებოდა ინტერნეტს, შევთავაზე “მოსანაძლეო” რაღაც. 4 საათიდან 9 საათამდე კომპიუტერები გამოვრთოთ და ვაკეთოთ რაც გასაკეთებელიაო. რომელი ჩვენგანიც ვერ მოითმენდა და ნეტში გამოჩნდებოდა 9 საათამდე, იმას დიდი ოდენობით ლუდი ექნებოდა საყიდელი, ამიტომ ორივემ ერთგულად შევასრულეთ პირობა. ვაღიარებ-გამიჭირდა. ჩემი კომპი რომ გამოვრთე, სანამ აქეთა ფლანგს ვალაგებდი ტელევიზორი მართობდა, იქეთ რომ გავედი აშკარად ითხოვდა მუსიკას სახლი :D ხოდა ჩემების კომპიუტერი  სულ ხელის კანკალით ჩავრთე- ინტერნეტისკენ არ წამიცდესთქო, ჩემი პლეილისტის ჩართვა მინდოდა უბრალოდ. წარმატებით ჩავრთე მუსიკა და  მერე გავერიდე სასწრაფოდ კომპიუტერს. [ ისე ბოლო დროს უცნაური ფიქრი მახასიათებს. სხვა დროს თუ  ფიქრის დროს ჩვეულებრივ ყველაფრის კეთება შემეძლო, ახლა ფიქრის დროს ვშეშდები oO სახლის დალაგების დროს  ვჭედავდი- შუა იატაკის ხეხვის დროს (ცოტნე რაც გაიფიქრე ყველაფერი შენ!) გავჩერდებოდი და ჩავფიქრდებოდი ხოლმე ხან რაზე, ხან-რაზე :D.. ]შედეგები კარგია პრინციპში. აი რაების დალაგება მომიხდა:

ახლა რაც შეეხება იმას, რატომ ვარ ჩემს თავზე გაბრაზებული:

მშია! დიახ, მშია! იმის გამო, რომ ორი დღეა მიწაზედ ფეხი არ დამიდგამს, რაც თავის მხრივ იმის ბრალია, რომ გარეთ გასვლა მეზარება, სახლში პური არ მაქვს :|  მაკარონის ჭამით მოვკვდი დღეს, მაგრამ მე თუ პური არ ვჭამე.. შოკოლადს ვჭამ  კიდე დიდი რაოდენობით.. ყველაზე საუბედურო ის არის, რომ არ ვიცი როგორ ხერხდება და დედას წასვლისთანავე მაცივარი ცარიელდება.  უფრო სწორად მე არ მიყვარს უწი-პუწი საჭმელები :D სამაგიეროდ ჭკვიანი კუჭი მყავს და არ ბუნტდება პატრონი რომ რაღაც საშინელებებს აჭმევს ხოლმე. ან თუ არ აჭმევს საერთოდ :D  აღმოჩნდა, რომ დედა ხვალაც არ ჩამოდის და ამიტომ ხვალ მაინც მომიწევს დაბლა ჩანარნარება :|

***

ბოლო დღეებია საშინელ “სულიერ შიმშილს” განვიცდი :D პრინციპში ბოლო დღეები არ ეთქმის, კარგა ხანია დამეწყო რაღაც-რაღაცეების გადამკიდეს. საშინელი წელი მქონდა [უნივერსიტეტში]. წელი კიარა მეორე სემესტრი უფრო. უბრალოდ ისე საოცრად ვიყავი, რომ ნამდვილად არ მახსოვდა სწავლა. ხოდა წლის ბოლოს ისეთი გაბრაზებული ვარ საკუთარ თავზე, არ ვიცი როგორ ვიძიო შური :D შურისძიების რა გითხრათ, მაგრამ ვიფიქრე, რომ დროა დავუბრუნდე ჩემს ჩვეულ ცხოვრებას- წიგნებიანს.  კარგი იყო ხოლმე ძალიან. მთელი დღეები არაფერი არ მახსენდებოდა კითხვისას. ახლა კიდე როგორც იტყვიან “ღობე-ყორეს ვედები” და კითხვის გარდა ყველაფერს ვაკეთებ.. ჩემი საყვარელი ჟანრების  მაგიერ ამჯერად   ფილოსოფიის ისტორიას შევეჭიდე. ეს წიგნი ბასილ კობახიძემ აჩუქა მამას ეპისკოპოსად კურთხევის დღეს : ) ფრიად სქელი წიგნია და თავიდან შემაშინა ცოტა, მაგრამ მაინც გავბედე და დავიწყე. ხოდა ახლა ვაპირებ ანტიკურიდან უახლეს ფილოსოფიამდე ყველაფერი შევიმეცნო :D.. “ფილოსოფია მშია” !

ამასობაში რა სად როდის-იც დამთავრდა. მოაზროვნეებმა ისე საყვარლად მოიგეს გული ამიჩუყდა : )) და ფრიად მესიამოვნა  ბლოგების ასეთი დაფასება ბატონი წამყვანის მხრიდან და ლინგვისტუსმა რაც თქვა- იმეებმაც გული ამიჩუყეს ” ბლოგები საუკეთესო საშუალებაა დასვენება-შემეცნებისთვის და ბლოგებმა შეცვალეს ინტერნეტ სამყაროვო”.. თავისთავად უფრო კარგად თქვა, ახლა არ მახსენდება სამწუხაროდ  მთლიანად..

ხო მოკლედ, ასე  ვასრულებ 5 დღიან პაუზას იმედით, რომ მომავალი 5 დღეც ასეთი პაუზიანი არ იქნება :)

10 Responses to “პაუზის შემდეგ..”