რაღაცნაირი ბლოგი

new life-new style ! ..

მგონი ადრე ერთ-ერთ პოსტში ვახსენე, რომ იმიჯის შეცვლა მინდა მეთქი. ვიჯექი და ვფიქრობდი რა მინდოდა..რანაირი იმიჯი არ მაქვს გამოვლილი- იყო პერიოდი, როცა ჯაჭვებასხმული დავდიოდი, მერე ქუსლებზე ავხტი, მერე ისევ ჩამოვხტი და ბოლოს საერთოდ ფეხებზე მეკიდა რა მეცვა..ბოლო პერიოდში კიდე გამძაფრებული მოთხოვნილება მქონდა რამის შეცვლის.

ცოტა ხნის წინ ლექციებზე დაგვიანების სურვილით შეპყრობილი მივფრატუნობდი მეტროსკენ. ვარკეთილის მეტროში მოგეხსენებათ ათასი ფინტიკლუშკა იყიდება. ამათ თვალიერებაში უცებ ბეევრი ფერადი კოლგოტები შევნიშნე. მივედი, ვათვალიერე და მუქი მწვანე და მუქი ლურჯი ვიყიდე.. ისე ამიტაცა ამ ფერადი კოლგოტების ჩაცმის იდეამ, რომ მთელი დღე ჩემს ახალ სტილზე ვფიქრობდი.

მოკლე კაბა მიხდება..განსაკუთრებით მაღალ ქუსლზე..მაღალ ქუსლებს ვერ ვიტან! იმიტომ,რომ იმდენს დავდივარ, რომ ნამდვილი თვითგვემა იქნებოდა ჩემი მხრიდან ამის გაფიქრებაც კი. მაგრამ გამოსვალი ყოველთვის არსებობს! ავდექი და ვიყიდე  პლატფორმიანი ფეხსაცმელი

• რამდენიც არ უნდა იარო, ფეხი არ დაგეღლება, იმიტომ, რომ ერთ სიბრტყეზეა და გინდა დაბალზე გივლია, გინდა მაგაზე..
• ფეხს უფრო ლამაზს აჩენს იმჰო..

მოკლედ, ვიყიდე აგერ გამოსახული ფეხსაცმელი, ჩავიცვი ჩემიმწვანე კოლგოტი და კმაყოფილი სახით გავედი გარეთ.  მართალია ყველა მწვანე ფეხებზე მიყურებდა, მაგრამ..

მოკლედ, გამოვიდა იდეალური :

• ფერადი კოლგოტი
• მოკლე ქვედა ბოლო
• საროჩკა [: D ]

ნუ თავისთავად ამით არ შემოვიფარგლე, თმას მივხედე.. ვინაიდან ძალიან ძნელია ჩემნაირი თავხედი თმის მორჯულება ყოველ დღე, მივაგენი ერთ შესანიშნავ გამოსავალს. საკმარისია დედასთან მიბანცალდე და სთხოვო – “თმა დამიწანი”, მაშინვე შესანიშნავ ვარცხნილობას მიიღებ.. აი ისეთ ნაწნავს ვიკეთებ, ქე რო ფჩოლკიდან იწყება. ამ ვარცხნილობას + მსუბუქი მაკიაჟი. ჩემი მაკიაჟი მარტო თვალების ჩახატვით შემოიფარგლება. შავი წენი ქუთუთოზე, თეთრი- თვალის ქვეშ და წარბის ქვეშ, ტუში და ვსო.. უხდება ჩემს თვალებს : )  მოკლედ, როგორც იტყვიან “ქალ დევემსგავსე”, რაც არაერთხელ აღნიშნეს გარშემომყოფებმა.

ამ ყველაფერს კიდე თუ სათვალეს მივუმატებ ხოლმე ჯორჯი დანახვისთანავე “schnell, schnell, gut, gut” -ს გაიძახის :mrgreen:

გუშინ თსუ-ს ფორუმის ადმინისტრაციის შეკრებაზე, ფორუმის დიზაინის ფერებში გამოწყობილი გავემართე. ხოდა მეტროში ზემოთხსენებული საქმიანობით გავერთე ისევ. ახალი ფერები მოუტანია იმ ქალს. მაშინ რომ ვიყავი ცოტა ჰქონდა. თვალები გამიბრწყინდა და დავხვეტე. ისეთი აჟიტირებული ვიყავი ყველას ვახარე, ახალი კოლგოტები მაქვს მეთქი.
ამჟამად მაქვს მუქი ვარდისფერი, იასამნისფერი, სტაფილოსფერი, მწვანე და ლურჯი. აუ ძალიან კარგ ხასიათზე მაყენებს ფერები : ))

ახლა კიდე ევროსტანდარტულ გემოვნებაზე :
გუშინ დედას ქონდა დაბადების დღე. ხოდა შეკრებიდან მალე წამოვედი, რომ ყვავილების ყიდვა მომესწრო. მეტროსთან თითო-ოროლა გამყიდველიღა იყო დარჩენილი. მაგარი ადგილია ეგ. შედიხარ თუ არა ყვავილების ასარჩევად, მაშინვე ათასი ხმა გეძახის. მაგრა დავიბენი. ბოლოს ერთმა ვარდისფერმა თაიგულმა მიიქცია ჩემი ყურადღება და მივედი. გამყიდველიც რაღაც საყვარელი იყო.. მოკლედ, ვიყიდე და ფულს რომ ვაძლევდი იმ ქალმა მითხრა :
ყოჩაღ შვილო, კარგი არჩევანია, ნამდვილად ევროსტანდარტული გემოვნება გაქვს! :D სულ ფხუკუნ-ფხუკუნით მოვედი სახლში.

პ.ს. წუხელ ძილის წინ საწოლის გადასაფარებელი გადავბერტყე ფანჯარაში და მობილური გადავაყოლე :| კი გავიგე ლაწანის ხმა, მაგრამ ვერ მივხვდი რა იყო. ცოტა ხანში მეზობელმა ამომიტანა. არაფერი არ სჭირს oO მესამე სართულიდან გავისროლე არადა.

18 Responses to “კოლგოტების ერა და ევროსტანდარტული გემოვნება”