რაღაცნაირი ბლოგი

forum.ge-ზე გუშინ ვნახე უსათაუროში აპინული თემა სათაურით “გაიღე სისხლი უანგაროდ”.. იქ ეწერა:

ოთხშაბათს, 27 იანვარს თბილისის სახელმწიფო სამედიცინო უნივერსიტეტის III კორპუსში გაიმართება დონორთა კლუბის აქცია. 12 საათიდან ყველა მსურველს შეეძლება მოვიდეს და ჩააბაროს სისხლი.

წამის მეასედის მანძილზე გავბრწყინდი ისე გამიხარდა- რა მაგარია, წავალ და ჩავაბარებ მეთქი, მაგრამ მაშინვე დავეშვი.  საქმე ის არის, რომ მჭირს ძალიან სერიოზული ფობიები ავადმყოფობებთან დაკავშირებით. სულ მგონია, რომ რამე მჭირს- არადა არც სიმპტომები მაქვს არაფრის და არც ხშირად ვხდები ავად.

ერთი პერიოდი მჭირდა ასე:

გავიგებდი რამე  დაავადების სიმპტომებს და მაშინვე მემართებოდა. მაგის გამო ლამის ექიმ ჰაუსის ყურება შევწყვიტე.  უკვე მართლა ვწუხდებოდი საკუთარი შიშებით. თან  კი ვიცოდი, რომ ჩემი აკვიატება იყო, მაგრამ სადღაც 1 % ეჭვი რომ არსებობს, უკვე  რაღაცას ნიშნავდა.. :D

მერე ცოტა დავწყნარდი და ვსო, სისულელეა მეთქი ვთქვი, დიდხანს ნახვეწნ სისხლის ანალიზზეც დავთანხმდი ჩემებს. ცოტაც და გული წამივიდოდა სანამ ანალიზების  პასუხი მოვიდოდა.

ეს ერთი პანიკა რომ გადავლახე და ანალიზმაც არ თქვა – კვდებიო, მერე  ცოტა ამოვისუნთქე, მაგრამ მაინც პანიკიორი ვარ და  ყოველთვის მეშინია, სულ მგონია რომ არიქა რაღაცა დამემართება. აი ზღვაზე რომ ვიყავი მეგონა, რომ წყლიდან ავიკიდები რამე საოცარ დაავადებას და მერე დიდხანს მოვუნდებოდი მკურნალობას :D

მოკლედ, როგორც კი სისხლის გადასხმაზე მიდგა საქმე, მაშინვე წამოყვეს თავი ამ ჩემმა ფობიემბა და ბახ, დავიხიე უკან. ასე მგონია სისხლის ჩასაბარებლად რომ მივალ მეტყვიან რაღაც გჭირსო და ვერ ჩაგაბარებინებთო :| არადა ძალიან მინდა წასვლა. იქნება დავარწმუნო თავი იქამდე, ან ვინმემ ძალით წამათრიოთ :D

აქცია ტარდება ჯოენის კლინიკასთან ერთად. პროცედურა ჩატარდება ყველა წესის დაცვით. თუ რამე დამატებითი კითხვები გაგიჩნდათ გადადით ამ ლინკზე და გიპასუხებენ. ძირითად ინფორმაციას დავაკოპირებ ფორუმიდან:

დონაციის პროცესის დროს გამოიყენება მხოლოდ ერთჯერადი მასალა და მაღალი ხარისხის ტესტ–სისტემები,რომლებიც მინიმუმამდე ამცირებს სისხლის ინფიცირების რისკს. ყველა დონორი მოწმდება შიდსის BB და C ჰეპატიტის და ათაშანგის გამოსარიცხად. ხდება სისხლის ჯგუფის და რეზუსის დადგენა.

*  სისხლის უანგარო დონორობა სისხლის უსაფრთხოების უპირველესი გარანტია.
* თქვენ მიერ გაცემულმა სისხლმა შეიძლება სამი ადამიანის სიცოცხლე იხსნას.
* სისხლის დონორობა არამარტო უსაფრთხო არამედ სასარგებლოცაა ჯანმრთველობისთვის.
* სისხლის დონორი შეიძლება გახდეს ნებისმიერი ჯანმრთელი ადამიანი 18–დან 65 წლამდე.
* განმეორებით დონორობა დასაშვებია მხოლო ორ თვეში ერთხელ.
* სისხლის დონორმა დონაციის ანკეტაში შეტანილ ყველა შეკითხვას გულახდილად უნდა გასცეს პასუხი.
* თუ რომელიმე შეკითხვაზე ან არ ვერ გასცემს პასუხს უმჯობესია სისხლი საერთოდ არ ჩააბაროს.

15 Responses to “MONEY ISN’T EVERYTHING”