რაღაცნაირი ბლოგი

რამდენიმე თვის წინ  ნიკასგან მომივიდა მაილი, რომ გაიხსნა ახალი ბლოგი, მენეჯმენტის შესახებო. თითოეულ ჩვენგანს, ეჭვი მაქვს ყურები ყოველ დღიურად გვაქვს გამოჭედილი ამ სიტყვით- იმის მენეჯერი, ამის მენეჯერი..მინიმუმ ამით უნდა მიხვდე, რომ მენეჯმენტი ყველა სფეროსთვის აუცილებელია! ასე რომ დავინტერესდი,  მივაკითხე ამ ბლოგს და გადავწყვიტე დღეს თქვენთვისაც მეჩვენებინა, იმიტომ, რომ ბევრი რესურსია იმისთვის, რომ ლიდერად ჩამოყალიბდეთ. ძალიან ისე ჟღერს, სარეკლამო სლოგანივით, მაგრამ სხვანაირად არ გამოითქმის უბრალოდ და სიტყვაზე მენდეთ, ფრაზა არ შეიცავს  შაბლონს! :Dმაშ ასე:

http://management.ge/

ზოგადი წარმოდგენა რომ შეგექმნათ და შესვლისას რომ არ დაიბნეთ სად რა უნდა ნახოთ, მოკლედ გეტყვით კატეგორიების შესახებ:

ჩემი საყვარელი კატეგორიაა GREAT LEADERS

[დაკლიკეთ სურათზე და სია გაიხსნება]

---

ამ კატეგორიაში არის მსოფლიოში ცნობილი წარმატებული ადამიანების შესახებ სხვადასხვა ცნობები-ბიოგრაფიული და + გვერდით არის მათი ფრაზების “ღრუბელი”, განსაკუთრებით ამ ფრაზების თვალიერება მიყვარს ხოლმე.აი მაგალითად [ფავორიტი ღრუბლები ამოვჭერი]

ბილ გეიტსი:

[ამას ჰკლიკეთ ობეზოწელნო:D]

შემდეგი სასარგებლო და ჩემი საყვარელი კატეგორიაა

ამ კატეგორიაში არის პოლიტიკური მარკეტინგი და Stephen Covey-ს წიგნის, “ძალიან ეფექტური ადამიანის 7 თვისება”-ს თარგმანი.ამ წიგნის 15 მილიონზე მეტი ეგზემპლარი გაიყიდა 70 ქვეყანაში, 38 ენაზე ითარგმნა..#1 წიგნი მე–20 საუკუნის ყველაზე გავლენიანი ბიზნეს–წიგნების რიცხვში!
ეს 7 რამე არის :

1. იყავი პროაქტიური
2. დაიწყე დასასრულით გონებაში
3. პირველ რიგში გასაკეთებელ საქმეებს მიუჩინე პირველი ადგილი
4. იფიქრე ურთიერთგამარჯვებაზე
5. გაუგე, რომ გაგიგონ
6. სინერგიზება
7. „გალესე ხერხი“ – თვითგანახლების პრინციპები

ამ დღეებში გავალ ბოლოში და იმედი მაქვს კარგად ავითვისებ! აქ აღარ დავლინკე სათითაოდ, პირდაპირ კატეგორიის ლინკს  დავდებ და იქ არის შვიდივე: http://management.ge/?cat=336

პოლიტიკურ მენეჯმენტს რაც შეეხება, ვინც პოლიტიკით არის დაინტერესებული, შეუძლიათ გაიგონ, მაგალითად რა არის პოლიტიკური მარკეტინგი, ისწავლონ როგორ უნდა გამოიყენონ ის..

კიდევ ერთი კატეგორია

ეს არის ლიდერობის 21 აუცილებელი კანონი ჯონ მაქსველისგან. ჯერჯერობით 6 დაიდო, ველოდები შემდეგებსაც. ეს არის  6:

1. სარქვლის კანონი
2. ზეგავლენის კანონი
3. პროცესის კანონი
4. ნავიგაციის კანონი
5. ჰათონის კანონი ~ “როცა ნამდვილი ლიდერი საუბრობს, ხალხი უსმენს”
6. მყარი ნიადაგის კანონი

ასევე მომწონს ბიზნესის კატეგორია, საიდანაც მაგალითად ვიგებ, რომ  Amazon-ის Kindle-ს აუდიო მენიუ და დიდი ფონტი ემატება ომგ :user:

მემგონი მინი  გზამკვლევის როლი შევასრულე, დანარჩენი თქვენ იცით : ))

პ.ს.-ის სახით:

12 Responses to “management.Ge”