რაღაცნაირი ბლოგი

რამოდენიმე დღის წინ, როცა ბასილ კობახიძის წერილი მივიღე ფეისბუკში, ტექსტით:

გამარჯობა, არსებული რელიგიური სიბნელის პრობლემების გადაჭრის გზებზე მსჯელობისათვის, სამშაბთს, 9 ივნისს, 18 საათზე, კავკასიურ სახლში იქნება შეხვედრა ბექა მინდიაშვილთან. გთხოვთ, რომ მოხვიდეთ.

ვიფიქრე,  როგორც ყოველთვის, ვიტრიალებთ ერთ ადგილზე და ისევ იმას დავღეჭავთ, რაც აქამდე არაერთხელ გადაგვიღეჭია მეთქი. მაგრამ ცოდვა გამხელილი ჯობს და ბექას და  სხვა ძველი ნაცნობების სანახავად მაინც წავედი. თან ლილიანიც მომყვებოდა, თაზოც იქ იქნებოდა..  მაგრამ ისე განვითარდა სიტუაცია, რომ პირველად კავკასიურ სახლში ჩემი ვიზიტების მანძილზე [რაც  შარშანწინ ყოველკვირეულ ხასიათს ატარებდა] პირველად ამოვიღე ხმა! 

ძალიან თბილ ატმოსფეროში, ბექას პატარა შესავლის შემდეგ, ყველა ერთად ვმჯელობდით არსებული  სიბნელის აღმოფხვრაზე. გავიხსენეთ არაერთი ცნობილი ფაქტი [ჰელოვინი და მისთ.]  მართალია ყველაფერი ისე არ არის, როგორც 20 ან 10 წლის წინად, მაგრამ მაინც არაა სახარბიელო გარემო. მიუხედავად იმისა, რომ ყოველ ფეხის ნაბიჯზე ჯვრებს აღარ ურტყამენ უმცირესობებს,  საზოგადოებაში არსებული ზოგადი ფონი მაინც ერთნაირია. არა მარტო რელიგიაზე იყო საუბარი- სექსუალურ და ეთნიკურ უმცირესობებზეც

როგორც ზემოთ აღვნიშნე,  ჩემი მოლოდინი არ გამართლდა იმასთან დაკავშირებით, რომ ლაპარაკი ლაპარაკად დარჩება.. გადავწყვიტეთ, რომ აქტიური მოქმედება დავიწყოთ და 5 ადამიანი იქნება ამაში ჩართული, თუ 100, ყველა შემთხვევაში თავის ეფექტი ექნება ამას. ხვალ, შეხვედრა გვექნება და უკვე კონკრეტულ გეგმას შევადგენთ, ნებისმიერი მსურველი შემიძლია წავიყვანო. 7 საათზე იქნება ბესიკის ქუჩაზე [უფრო სწორად ქუჩაზე მდებარე ერთი მხატვრის სახელოსნოში. წინასწარ გული მიფანცქალებს რა მაგარი გარემო იქნება! ვინც არ იცის სად არის, მე მივიყვან. მეც არ ვიცი, მაგრამ მეც მიმიყვანენ :ლოლ: ]

პირველი გაბრძოლება ცხელ-ცხელი ამბის გარშემო იქნება. იაღოველმა მშობლებმა რომ ბავშვისთვის სისხლის გადასხმაზე უარი თქვეს. ეს ამბავი ორი დღეა ყველა საინფორმაციო გამოშვების პირველ ნიუსებშია გამოჭიმული. ამ დილას საერთოდ გადააჭარბეს გეგმას! პოლიტიკური სარჩული დაედო.. აჩვენეს საგანგებო კადრები, თუ როგორ უბრძანა პრეზიდენტმა ჯანდაცვის მინისტრს ბავშვის საავადმყოფოში დაბრუნება. ბექა ეს დღეები სულ მაგ საკითხზე მუშაობს და ზუსტად იცის, რომ იმ დროისათვის, როცა პრეზიდენტმა ეს თქვა, ბავშვი უკვე გადაყვანილი იყო საავადმყოფოში. ანუ მოხდა საკითხის გაპოლიტიზირება მიშას სასარგებლოდ. თაზომ თქვა, რომ ავტობუსში გავიგონე ნათქვამი “აგერ,მიშა მთლად მასონი არ ყოფილაო”- შედეგი მიღებულია! ჟურნალისტებმა მოახერხეს, რომ მთელ საზოგადოებაში გამოეწვიათ მასობრივი სიძულვილი არა მარტო ამ ორი ადამიანის [მშობლების], არამედ ზოგადად ამ კონფესიისადმი, რაც ისედაც არ ეკლდათ ზემოთხსენებულთ   :mrgreen:   ბექამ გვითხრა, რომ იმ სოფელში, საიდანაც ეს ადამიანები არიან, უკვე ამბობენ, რომ ამათ ჩვენ აღარ მივიღებთო და ა.შ. არადა იურიდიულად, თანხმობის გარეშე ამ ინფორმაციის გავრცელების არანაირი უფლება არ ჰქონდა არც ერთ ტელევიზიას! საერთოდაც, გახმაურების გარეშე შეიძლებოდა  ყველაფრის მოგვარება და იმ ბავშვისთვის სიცოცხლის შენარჩუნებაც.

რელიგიის პოლიტიზირება ისევ საზოგადოებაში არსებული სიბნელის შედეგია, საზოგადოების მოლოდინების ბრალია. არჩევნების დრო გავიხსენოთ- რეიტინგები ალბათ იმის მიხედვით იცვლებოდა, ვინ უფრო დიდხანს აჩვენებდა წინასაარჩევნო რეკლამაში პატრიარქთან გადახვევის კადრებს.. მოკლედ, ეს სამოქალაქო საზოგადოება ცალკე თემაა და ზოგადად, სათითაო საკითხს რომ ჩავუღრმავდეთ, ალბათ მე დილამდე ვერ მოვრჩები ლაპარაკს..

მთავარი ის არის, რომ ასეთ კონკრეტულ ქმედებაზე პირველად გადავდივართ. ეს არ იქნება ორგანიზაცია დარეგისტრირებული სახით. ეს იქნება უბრალო მოქალაქეთა გაერთიანება, რომლებიც თავის სიტყვას იტყვიან მიუხედავად იმისა, რომ სავარაუდოდ არც ერთი მედიასაშუალება არ გააშუქებს, ჩვენ ინტერნეტი გვაქვს.. ფორუმები, ბლოგები..

ბექამ თქვა, რომ აუცილებლად გააკეთებს ტოლერანტობის ცენტრი ბლოგს და შევპირდი, რომ მთელი საბლოგეთი აქტიურად დაეხმარება მათ ამ ბლოგის პოპულარიზაციაში : )

პოსტები დღევანდელ დღეზე ასევე შეგიძლიათ იხილოთ :

მნათეს პოსტი

ლილიანის პოსტი

თუ თაზოც დაწერს პოსტს,მერე დავლინკავ : )

p.s. ახალ კატეგორიას ვქმნი სახელწოდებით “კავკასიური სახლი”. იქ ვაპირებ ისევ აქტიურად სიარულის დაწყებას და რომელი თემებიც ჩემთვის საინტერესო იქნება ხოლმე დავწერ.

10 Responses to “კავკასიური სახლი 09.06.09”