რაღაცნაირი ბლოგი

რამდენიმე დღის წინ მითხრეს (და FB-ს ივენთიც მომივიდა), რომ კონფლიქტოლოგიის ცენტრი ICCN აწყობდა აქციას “შემოქმედება, ემპათია, არაძალადობა”. სხვა ამ აქციის ფარგლებში დაგეგმილ ღონისძიებებს შორის ყურადღება მიაქცია ცოხალი წიგნების ბიბლიოთეკამ. როცა ეს იგეგმებოდა, რამდენიმე თვით ადრე, iccn-ში ვისხედით და მაშინ ითქვა პირველად ამ იდეის შესახებ. უფრო სწორად, ამის ჩატარების პრეცედენტი ადრეც იყო და ახლა მეორედ უნდა ჩატარებულიყო. წარმოიდგინეთ, რა მაგარი რამეა, რომ კითხულობ მოსაწვევს და წერია: 

12 საათიდან კი კინოთეატრ ‘ამირანის’ ლიტერატურულ კაფეში გაიხსნება ცოცხალი წიგნების ბიბლიოთეკა. ცნობილი ადამიანები იქნებიან წიგნები, წამკითხველები კი სტუდენტები და ყველა დაინტერესებული ადამიანი. წიგნები არიან:

* გიორგი ხუციშვილი, პროფესორი, კონფლიქტოლოგი
* გიორგი ნიჟარაძე, ფსიქოლოგი, კულტუროლოგი
* ნანა ბერეკაშვილი, ფსიქოლოგი, ექსპერტი გენდერულ საკითხებში
* ბექა მინდიაშვილი, თეოლოგი
* ლეილა სულეიმანოვა, არაბისტი
* ია ანთაძე, ჟურნალისტი
* დათო ბუხრიკიძე, თეატრმცოდნე
* რუსუდან გოცირიძე, თეოლოგი
* მამა ზაზა თევზაძე
* თამარ პატარაია, ეროვნული უსაფრთხოება და არაძალადობა

ჯერ ჩამოთვლილი ადამიანი წიგნების სიას რომ გადავხედე, აღარც დავფიქრებულვარ ვინ რა წიგნი იქნებოდა, მაშინვე გადავწყვიტე წასვლა.

ცოტა წარმოუდგენლად ჟღერს “ცოცხალი წიგნი”, მაგრამ ძაან მარტივია:

მაგიდაზე იყო  ასეთი წიგნის ყდები. აირჩევდი ავტორს (წიგნს) და წახვიდოდით ავტორთან, წასაკითხად. ნუ ამ ყდას რომ გადაშლიდი, შიგნით ცარიელი იყო, ნაწერი თვითონ ავტორი იყო :))

ძალიან მაგარი იყო, მართლა! მე სამი წიგნის წაკითხვა მოვასწარი. ბაქრაძის წაკითხვა მინდოდა, მაგრამ ფრიად დააგვიანა და მაგ დროს მე უკვე ბექასთან ვიჯექი :D

ცოცხალი წიგნების წაკითხვის შემდეგ, ოთარ იოსელიანის ფილმი გვაჩვენეს, ძალიან მაგარი და კრეატიული! დანარჩენისთვის ფოტოკოლაჟი

(სურათს დააკლიკეთ და რომ გაიხსენება იქედანვე გადადით შემდეგ სურათზე. მაუსი გაუსვით და გამოჩნდება გადასართავი ისარი:D)

ძალიან დაღლილი ვარ ეხლა საიმისოდ, რომ დავწერო რომელ წიგნში რა წავიკითხე, მაგრამ ერთი რამე მაინც უნდა გითხრათ:
გაგა ნიჟარაძისგან გავიგე, რომ იაპონელებს გინება საერთოდ არ აქვს და მაქსიმალური შეურაცხმყოფელი სიტყვაა სულელი და არაწინასწარმეტყველებადი. ანუ ისეთი, რომელის საქციელიც არის არაპროგნოზირებადი. რა მაგარია :D

გული დამწყდა, რომ არც ერთი ბლოგერი არ იყო. არადა FB-ზე შემოერთებული შევნიშნე რამდენიმე. ჰმ, რა გამაზეთ არ იცით!

:D

15 Responses to “შემოქმედება, ემპათია, არაძალადობა.”