რაღაცნაირი ბლოგი

ციკლიდან “ნახევარდიასახლისა”

დღეს ავიჩემე, რამე საჭმელი უნდა გავაკეთო მეთქი. ოღონდ ჩვეულებრივი- კვერცხი, კარტოფილი, პიურე, სუპები, სოუზები და  ა.შ. არ მიიღებოდა, რამე განსაკუთრებული მინდოდა :D

ამ “განსაკუთრებული”-ს ძებნაში მივადექი ფორუმზე კულინარიის განყოფილებას და იქ აღმოვაჩინე მუზა:

ოღონდაც მარტო ეს ეწერა:  სოკოს წვნიანი ნაღებით+პერლოვკით+ოდნავ ნივრიანი ,დაწითლებული პურის ნაჭრებით.

სოკო მიყვარს ძალიან, ნივრის გემოც პრინციპში.. აეს პერლოვკა ვერ მივხვდი რა იყო :D მოკლედ, მთავარი ის იყო, რომ სოკო და ნივრიანი პური იყო ნახსენები და ვიფიქრე, დანარჩენს მეთვითონ მოვიფიქრებ მეთქი. თან რაღაც სტრანნად ვიყავი, აი თუ დაგმართნიათ- ხელები რომ გექავება რამე საჭმლის გასაკეთებლად, არადა დღეს ქანცი გამძვრა იმდენი საქმე მქონდა სახლში. დედა სოფელშია წასული და დამაწვა კისერზე მამა, ძმა და  და :D

კარადაში სოკოს კონსერვი მეგულებოდა. გადმოვიღე და ვუყურებდი, მეთქი მარტო ამისგან რა უნდა გავაკეთო.. და გამახსენდა, რომ დიიდი მარაგი გვაქვს რაღაც სოუზების, გერმანიიდან ჩამოგვდის ხოლმე დროდადრო :))  ავიღე სამი ვარიანტი, უნდა ამერჩია რომელიმე და ბოლოს ნამეტანი ექსპერიმენტი რომ არ გამომსვლოდა, სოკოსი ავიღე. ხახვი, ნიორი, სოკოს კონსერვი, ეს სოუზის ფხვნილი (რომელიც გუდვილშიც იყიდება, ვგონებ) დავაწყე და შევუდექი..

პირველი ეტაპი:

ხახვის მოშუშვა. შესაბამისად- დაფრცქვნა, გარეცხვა, წვრილად დაჭრა, ტაფაში ჩაყრა

მეორე ეტაპი:

სოკოს კონსერვის გახსნა და ქვაბში ჩაყრა მოშუშულ ხახვთან ერთად. კონსერვის გახსნა ცალკე თემაა, ვერასოდეს ვერ ვხსნი მეთვითონ :D ჩემი ძმა მოვიხმარე და გამიხსნა იმან.. წყალი უნდა გადაავლოთ სოკოს და ისე ჩაყაროთ ქვაბში და წყალი დაასხით იმდენი, რომ პროსტა დაიფაროს სოკო. მოშუშულ ხახვსაც ქვაბში ჩაუძახეთ და შემოდგით ცეცხლზედ.

მესამე ეტაპი:

სოუზის გაკეთება.. თითო კოლოფი იხსნება 500 გრამში. ცივ წყალში უნდა ჩაყაროთ, მერე ათქვიფოთ და კარგად რომ გაიხსნება მერე ასადუღებლად დადგათ.. ადუღებისთანავე გამორთეთ.

მეოთხე ეტაპი:

სანამ ეს რამეები ადუღდება, პურის კუბიკებად დაჭრასაც მოასწრებთ.  ისე, თავიდან “ნივრიანი პური” რომ დავინახე, ვიფიქრე ალბათ იყიდება მეთქი მზა, მაგრამ ვერ გავიხსენე, რომ სადმე გაყიდვადი მენახოს და მეთვითონ გავაკეთე. კუბიკებად(თითქმის:D) დავჭერი პური. ნიორი დავჭყლიტე და ზეთი და წყალი ავურიე (ეს მე მოვიფიქრე და გული მისკდებოდა თან, რა გამოვიდოდა არ ვიცოდი). მერე ისე უნდა მოასხათ ამ კუბიკებს ეს ნიორი, რომ შეძლებისდაგვარად ყველგან მოხვდეს, მოურიეთ.. დაბრაწეთ :sun:

მეხუთე ეტაპი:

სოუზი და სოკო ერთმანეთში აურიეთ, ერთ ქვაბში მოაქციეთ და თუ რომელიმე მათგანი გაციებულს გავს (ანუ თუ ჩემსავით სწრაფები არ ხართ და ყველაფერი პარალელურ რეჟიმში ვერ მოასწარით :D), ერთი წამოადუღეთ

მეექვსე ეტაპი:

გადმოიღეთ ჭურჭელში, ჩაყარეთ ნივრიანი პური  და ხელის კანკალით წაუღეთ გასასინჯად ძმას და დას :D ორივეს მოეწონა. ქეთი სოკოს ვერ იტანს, მაგრამ იმასაც მოეწონა :D მერე მამა მოვიდა სახლში და იმასაც რომ მოეწონა უფრო გამიხარდა. ან შეიძლება არ მოეწონა და გული არ გამიტეხა :user: მაგრამ ორჯერ დაიმატა და რავიცი :D მეც მეგემრიელა, მგონი გამომივიდა..

საბოლოოდ ასე გამოიყურება, მაგრამ ისეთი სურათია, მადა არ აღგეძრებათ და სიტყვაზე მენდეთ- გემრიელია :sun:

ამ ერთი კვირის მანძილზე, სანამ დედა ჩამოვა, ვაპირებ გავაკეთო ხოლმე რაღაც მსგავსი, ექსპერიმენტალურები და თუ ხახვიანი ხელებით სურათების გადაღება ისევ არ დამეზარება, დავდებ ხოლმე :D

პ.ს. ბონუსები

მთელი გაზი გადაჭედილი მქონდა.. მერე ჭურჭლით გამევსო სამზარეულო, მგონი არაპრაქტიკულად ვაკეთებდი რაღაცეებს.. და სოუზი მიმეწვა ცოტა, ქვაბი დავაზიანე და ძლივს გავაცალე მიმწვრები:user:  ა და კიდე მარილი მომივიდა თავიდან ბევრი და მერე წყლის დამატება და ახლიდან წამოდუღება მომიწია. საბოლოო ჯამში, დაახლოებით ერთ საათში (შეიძლება ცოტა მეტი) ყველაფერი მზად იყო.

21 Responses to “განსაკუთრებული..”