რაღაცნაირი ბლოგი

როდესაც დილით, კარგ სიზმარ ნანახიან და გაღვიძებისთანავე სასიამოვნო ესემესდახვედრებულ ქალს მაშინვე აიძულებ სახლი დაალაგოს, ეს უკვე დანაშაულია ერის წინაშე ! თუმცა ყველა ხომ არ იქნება უცოდველი. აი დედაჩემს კი დიდი ცოდვა ადევს იმის გამო, რომ მე ყოველ დილას იმის მაგივრად, რომ საწოლში კომპიუტერი და ყავა მომართვას [რისი გაკეთებაც მომავალში აუცილებლად მოუწევს ჩემთან მცხოვრებ მამრს] , სახლის დალაგებას მთხოვს. ვინაიდან არც დედაჩემს მოურთმევია დილით საწოლში კომპიუტერი და არც მამრი მყავდა ახლო-მახლო, ჩემით მივირთვი კომპიუტერი და ჩამოვუარე ყველაფერს, რაც სანახავი მქონდა. კარგია, რომ მოვასწარი, იმიტომ, რომ მალე ჩამოჰკრა უბედურების ზარმა !

ავდექი ჯიჯღინ-ჯიჯღინით და დავიწყე საწოლის გარშემო მიყრილ-მოყრილი ჩემი ტანსაცმელების ახვეტა. თქვენ არ იცით  [ან იცით], რა ძნელია თან ლაგება და თან მესიჯობა. კიდევ კარგი ძალიან ადრე იყო და ჯერ ონლაინ არავინ იყო, რომ პარალელურად მელაპარაკა. პარალელური მესიჯობა , ყველაზე მძიმე მაშინ არის, როცა იმ ოთახში, რომელსაც ახლა ალაგებ, ცოცხით ხელში დამდგარს და ტელეფონს მიშტერებულს, ყურებამდე პირგახეულს, ნეტარი ღიმილით მდგარს დედა მოგისწრებს და ისეთი გულნატკენი სახით გიყურებს, გრცხვენია და გვას განაგრძნობ..

მოკლედ, თუ რამით არ გაირთე თავი, შეიძლება გაგიჟდე დალაგებისას. არც იმესიჯო, არც ფორუმი დაარეფრეშო, ეგრე სად არის ? :სპყ:  რადგან არ არის, ალბათ უმრავლესობის მეთოდი ამ განსაცდელის ჟამს, არის ფიქრნი მტვრის პირას.. დღეს ვფიქრობდი, ვფიქრობდი და უცებ მომაფიქრდა, რომ როგორი იქნებოდა პოსტი იმაზე, რეებს ვფიქრობ, როცა სახლს ვალაგებ. დღეს დალაგებისას ვფიქრობდი :

ფიქრი ნომერი 1 [კომპიუტერიდან ახალ გაძევებულზე განაფიქრი ] :

• მე რომ ვიყო სერენა, ანუ ვინმე რომ წერდეს ჩემზე ბლოგს, საინტერესო იქნებოდა ?

გუშინ, მუზიკ ბოქსზე ვუყურე gossip girl-ის ანონსს. ეს არის სერიალი ერთ გოგოზე, რომელზეც ვინმე ჭორიკანა გოგო წერს ბლოგს. ეს ჭორიკანა თვითონ არ ჩანს..   ამ დილას ჩავუჯექი. უკვე ორ სერიას ვუყურე და მომწონს. [გადმოსაწერი ლინკი] . ხოდა გაგიკვირდებათ ახლა, შენც ხომ წერ ბლოგზე და თანაც შენს თავზეო, მაგრამ იმჰო სულ სხვაა სხვისი თვალით დანახული ჩემი თავი. ბევრი ფიქრის შემდეგ, დავადგინე, რომ სერენაზე არანაკლებ საინტერესო იქნებოდა ჩემზე დაწერილი ბლოგი !  ამ სერიალზე ცალკე პოსტს ვაპირებ თავისთავად..

ფიქრი ნომერი 2 [ეს ფიქრი წარმოიშვა საძინებელში სარკის წინ მტვრის წმენდისას] :

• ეს ორი-სამი დღეა ლამაზი ვარ

ჩემი ყველაზე ცუდი თვისება ის არის, რომ ზე კრიტიკულად ვუყურებ ჩემს თავს. ერთი პერიოდი დაკიდებულ რეჟიმში გადავედი. არ მიყენდება თმა ლამაზად? დაე იყოს დებილურად ! მეზარება გაკეთება.. და ჰოი საოცრებავ, თურმე სულიერი მდგომარეობა რამდენს ცვლის გარეგონობაში. თმასაც ვივარცხნი და ჩემს სახეს რომ ვუყურებ და სიმშვიდეს ვაფრქვევ მაგაზე ვგიჟდები ისე მომწონს..

ფიქრი ნომერი 3 [საწოლის ქვეშ შეყრილი ნასკების გამოყრისას შთაგონებული ]:

• … იფ იფ იფ ..

[18 წლამდე ასაკიანებისთვის არარეკომენდირებული ფიქრი ბლოგზე არ დაიშვება ! ] :mrgreen:

პ.ს. დილით ჩემს დას დედაჩემმა შეუღიტინა და ნინის კისკისში  აღმოხდა :

ლა თაობა მოდის ლაა…. :D

პ.პ.ს. გუშინდელი ერთი-ორი სურათი :

დოდკა,კიბორგა და როკო

სვითი,ლილიანი და პრიკოლინა

სტუდენტები :ლოვე:

და ბოოლოს :

სვითის წარმატებული პროექტი. ანუ მე და ლანდიშა !

12 Responses to “ფიქრნი მტვრის პირას”