რაღაცნაირი ბლოგი http://tiny.ge T i N y. Ge Sun, 22 Jan 2012 17:43:09 +0000 en hourly 1 http://wordpress.org/?v=3.3.1 some cake http://tiny.ge/somecake/ http://tiny.ge/somecake/#comments Sun, 22 Jan 2012 17:40:35 +0000 Tiny http://tiny.ge/?p=6186

დიდი ხანია კატეგორია “ნახევარდიასახლისა” არ განმიახლებია…

როცა კვირა დღეს სახლში ატარებ, საყვარელი სერიალის ყურებასაც წყვეტ იმ მიზნით, რომ მთელი სეზონი ერთ დღეში არ შემოგეყუროს, შეყვარებულს კი ბევრი საქმე დაატყდა თავს და ვერ იცლის შენთვის, ისღა დაგრჩენია სამზარეულოს მიაშურო :)) საერთოდ, მოწყენილობისას ძალიან კარგი საშუალებაა გასართობად საჭმლის კეთება, გამოცხობა…

საახალწლოდ დედას ელექტრო ღუმელი ვუყიდე, რომლის ყიდვაც ძალიან იაფად, 100 ლარის ფარგლებშია შესაძლებელი და ძალიან პრაქტიკულია ცხობისთვის. ადრეც გვქონდა, მაგრამ ის ცოტა ნაკლებ ფუნქციებიანი იყო. გაზის ღუმელი კიდევ რაღაც არ ვარგა…

რამის ცხობას რომ გადაწყვეტთ, პირველ რიგში უნდა გადაწყვიტოთ რა უნდა გამოაცხოთ. ჩიზქეიქს ვაპირებდი, მაგრამ სათანადო ყველი ახლო მანძილებში არ იშოვებოდა :D მერე ბევრი ვეძებე თუ ცოტა, შარშანწინ წიგნის ფესტივალზე ნაყიდ წიგნს ძველი და მამაპაპური რეცეპტების წიგნი ვამჯობინე და ერთ-ერთი ტორტი ამოვირჩიე. პრინციპში მთლად ტორტი არ ერქმის, მაგრამ გამომდინარე იქედან, რომ ისეთი მასალებისგან შედგებოდა, სახლში მარაგის სახით რომ მოიპოვებოდა და სპეციალური შოპინგის მოწყობა არ იყო საჭირო, ეს ამოვირჩიე.

 მასალა:

  • კვერცხი – 2 ცალი
  • შაქარი – 3 ჩაის ჭიქა
  • კარაქი – 350 გრამი
  • რძე – 2 ჩაის ჭიქა
  • კაკაოს ფხვნილი – 2 სუფრის კოვზი
  • შესქელებული რძე – 1 კოლოფი
  • სოდა – 1 ჩაის კოვზი
  • ძმარი – 1 ჩაის კოვზი
  • 1 დიდი ფორთოხალი

მომზადების წესი:

2 კვერცხით და ორი ჩაის ჭიქა შაქარით გავაკეთოთ გოგლი-მოგლი. შევაზილოთ  100 გრამი დარბილებული კარაქი, ორი სუფრის კოვზი კაკაო, ერთი ჩაის ჭიქა შაქარი. დავასხათ ორი ჩაის ჭიქა ცივი რძე, დავამატოთ სოდა-გახსნილი ძმარში, ვანილი, ცოტა მარილი და კარგად გავთქვიფოთ. შემდეგ დავაყაროთ სამი ჭიქა ფქვილი და მოვზილოთ ცომი. [შიგადაშიგ, დაინტერესებულ პატარა დას უფლება მივცეთ თვითონაც გათქვიფოს მიქსერით მიღებული მასა :D ]

    

შემდეგი ეტაპი - მიღებული ცომის ღუმელში მოთავსება…

სანამ შევდგამთ, იქამდე უნდა გაცხელდეს. მერე ცხელ ჟარუნას (რა ჯანდაბა ჰქვია ქართულად?) წავუსვამთ ცხიმს, მოვაყრით ცოტა ფქვილს და ჩავასხამთ ცომსა:

 

250 გრადუსზე და 30 წუთზე დავაყენეთ ღუმელი, მაგრამ ცოტა არ იყოს შემოებრაწა ზედაპირი და 20 წუთი საკმარისი იყო. ამ დროს მთავარია არ გამოხსნათ და არ შეამოწმოთ აბა როგორ ცხვება ჩემი ძვირფასი ქმნილებაო :Dროცა გამოვდგი გამომცხვარი, მართალი გითხრათ უკმაყოფილო დავრჩი სიმაღლით იმიტომ, რომ რეცეპტის სათაური “ტორტი”, ცოტა სხვანაირ და უფრო გრანდიოზულ მოლოდინებს ქმნის. თორემ კექსი ამ სიმაღლის სრულიად ნორმალური იქნებოდა.

ცოტა ხასიათი გამიფუჭდა ამის გამო, მაგრამ არ დავნებდი და მოვიფიქრე ასეთი რამ:
ნამცხვარი გავჭერი შუაზე, ორსართულიანად გარდაქმნის მიზნით: )) გადასარევი ტორტის სიმაღლე გამოვიდა.
შუა ნაწილში კიდევ ფორთოხლები ჩავალაგე ცოტა კრემთან ერთად

 

რაც შეეხება კრემს…250 გრამ კარაქს ვთქვეფთ იქამდე, სანამ არ მიიღებს თეთრ ფერს. მერე ვურევთ 1 კოლოფ შესქელებულ რძეს [ჩვენს ენაზე მალაკოს :D]. ასე უნდა ვთქვიფოთ ეს ორივე, სანამ არ მივიღებთ ჰაეროვან მასას.

აქვე კარგი რეკომენდაცია – კრემი ხშირად “იჭრება” კარაქისგან. მერე ისეთი გემრიელი და ფაფუკი აღარ არის ხოლმე. დედაჩემმა შეამჩნია, რომ ამასაც ასე მოსდიოდა და მაშინვე თბილ ცეცხლზე გააქანა. მეგობარს უსწავლებია, რომ თუ შეატყო აჭრის ნიშნები, ორთქლზე, ან ნელ ცეცხლზე შეიძლება შეთბობა, რომ კარაქი სულ სულ ოდნავ გადნეს და კარგად გაიდღვიბოს.

რაც შეეხება მორთვას, ეს სპეციალური შაბლონები გვქონდა და კაპუჩინოთი მოვაყარე გულები :D

დაინტერესებული ნინი მიყურებს როგორ ვკრემავ :D

…ესეც შედეგი…

შედეგი, რომლითაც არც ისე კმაყოფილი ვარ იმიტომ, რომ გარეგნობა არ მომწონს აშკარად, მააგრამ თუ ექსპერიმენტები არ ჩაატარე, გამოცდილება არ მიიღე და ა.შ. ვერც ვერასდროს ისწავლი და შესაბამისად, ვერც ვერასდროს დახვეწავ კულინარიულ ნაშრომებს. კვირაში ერთხელ მაინც თუ გამოვნახე დრო ამისთვის, მთლად გადასარევი იქნება :))ასეთი იყო არც ისე კარგად გამოყურებადი, მაგრამ სამაგიეროდ ძალიან გემრიელი მოტორტო ობიექტის რეცეპტი და ინსტრუქციები. მომავალ კულინარიულ შედევრამდე! :D

]]> http://tiny.ge/somecake/feed/ 6 2011 წელი http://tiny.ge/2011year/ http://tiny.ge/2011year/#comments Fri, 30 Dec 2011 18:30:22 +0000 Tiny http://tiny.ge/?p=6155
წლის შემაჯამებელი პოსტის დაწერა, ყველა ბლოგერისთვის ისეთივე სავალდებულო და საპასუხისმგებლოა, როგორც მოსწავლისთვის გადამწყვეტი საკონტროლო წერა – არც გაცდენა შეიძლება, არც ცუდი ნიშნის მიღება და არც ზედაპირულად მოკიდება. შესაბამისად, მეც ავდექი და გადავშალე ბლოგის გვერდებზე 2011 წელს დაწერილი პოსტები.


აქვე უნდა ვთქვა, რომ ცოტა იმედგაცრუებული დავრჩი მთელი წელი რომ ბლოგის 2 გვერდში ჩამიტევია, მაგრამ სიზარმაცეს ვერ დავაბრალებ პოსტების ნაკლებობას.

მოკლედ, ვიწყებ 2011 წლის შეჯამებას იმით, რომ ვამბობ: ეს იყო ყველაზე კარგი წელი ჩემთვის, დანარჩენი 20 წლის ფონზე.  იმდენი მნიშვნელოვანი რამ მოხდა, მეშინია, რომ სათანადოდ ან ვერ ვიტყვი, ან ვერ დავტევ პოსტში.

2010-ის ბოლოს არც ისე კარგ ხასიათზე ვიყავი, მაგრამ:

იანვარი ნიჭიერით დაიწყო. რუსთავი2-ზე უკვე პრომოები გადიოდა და მართალია ძალიან მიჭირდა ამის აღიარება, მაგრამ ხელის ჩაქნევის პროცესი დაწყებული მქონდა და მეგონა, რომ წელს ვიქნებოდი მის გარეშე. ჩაწერების დაწყებამდე რამდენიმე დღით ადრე გავიგე, რომ დაწინაურებას ჰქონდა ადგილი :D პირველ სეზონზე ვიყავი კონკურსში გამარჯვებული ბლოგერი, ახლა ყველაფერი მბარდებოდა, მეტი შემოსავლით. მოკლედ, ამ კუთხით დავწყნარდი დროებით და კარგად შევეგუე ახალ პასუხისმგებლობებს.


თებერვალში, მეთვითონაც გაოცებულმა ამ საკითხით, ცხვირის ოპერაციის დაგეგმვა დავიწყე. საერთოდ, ამით მივხვდი, რომ ერთია “მინდა გავიკეთო ცხვირის ოპერაცია” და მეორეა მოქმედებაზე გადასვლა, რაც აუცილებლად გამოიხატება პირდაპირ კონსულტაციაზე მისვლაში. საბედნიეროდ, ჩემები დამთანხმდნენ და ყველაფერი ძალიან უცებ აეწყო. ასეც მინდოდა – არ უნდა მომესწრო დაფიქრება, რომ არ შემშინებოდა რამის. რამდენიმე კონსულტაცია და 2-3 კვირაში საოპერაციო მაგიდაზე აღმოვჩნდი.


მარტი პირდაპირ ოპერაციით დაიწყო, 2 მარტს უკვე ახალი ცხვირი მქონდა და გაბრუებული ვიწექი მეცხრე საავადმყოფოს რომელიღაც პალატაში. ოპერაციის ამბებზე ცალკე კატეგორია შევქმენი დაინტერესებულებისთვის – http://tiny.ge/?cat=2151 . ცხვირით 100% კმაყოფილი ვარ. მართალია ძალიან ბევრი კატაკლიზმა განიცადა დროთა განმავლობაში და რამდენიმე ფორმა გამოიარა, მაგრამ მას შემდეგ, რაც დასტაბილურდა, ყველა განვლილ ფორმაზე მეტად მომწონს. რა თქმა უნდა, ბევრი რამ შეცვალა ფსიქოლოგიური კუთხითაც. ძალიან ბევრი კომპლექსი ჩამომშორდა. შეიძლება ბევრიც დამრჩა, მაგრამ ისეთი არა, რომ 24 საათი მაწუხებდეს.

აპრილი და მაისი კარგად არ მახსოვს გარდა იმისა, რომ ნიჭიერს ვუთმობდი დიდ დროს და თან ვხვდებოდი, რომ ყურებამდე შეყვარებული ვიყავი :D ბლოგზე თითქმის არაფერი დამიწერია ამაზე, მაგრამ დავწერ როდისმე.

წინა წლის შეჯამებაში ვწერდი “მთელი წელია მშვიდად ვარ და არც ვაპირებ სიმშვიდის დარღვევას”, “ცხოვრებაში პირველად არ დავდივარ ურთიერთობებით დამძიმებული” და ა.შ.  “ცხოვრებაში პირველად”-ში წელიწადზე მეტი დრო იგულისხმებოდა და ახლა ძალიან კმაყოფილი ვარ ჩემი ამ გადაწყვეტილებით იმიტომ, რომ სრულიად Fresh შევხვდი ახალ ურთიერთობას, რომელიც ზუსტად ისე დაიწყო, როგორც მინდოდა – დაგეგმვის გარეშე, თავისთავად და თავიდანვე ძალიან ძლიერი გრძნობით. ფრაზები “ურთიერთობებით დამძიმებული”, “არ ვაპირებ სიმშვიდის დარღვევას”, თავისთავად მიუთითებს იმაზე, რა ძალიან არაჯანსაღი წარმოდგენები მქონდა ამ საკითხთან დაკავშირებით წინა გამოცდილებების ხარჯზე. ახლა არ ვიცი რას ნიშნავს დამძიმება, თუნდაც ჩხუბის დროს (ნუ ხო, ჩხუბის გარეშე ჯანსაღი ურთიერთობა არ არსებობსო ნათქვამია :D ). რომ დავიწყო ახლა, შეიძლება ჩამოვდნე და არ მოვრჩე არასდროს…ასე რომ, მოკლედ და კონკრეტულად: ძალიან შეყვარებული და ძალიან ბედნიერი ვარ.


ივნისში უნივერსიტეტი “დავამთავრე”. http://tiny.ge/after-4-years/ . ძალიან რთული გადასალახი იყო ივნისი – ივლისი იმიტომ, რომ გამოცდების პერიოდი ნიჭიერის პრეკასტინგების დაწყებას დაემთხვა. გზაში ვსწავლობდი ხოლმე და რა თქმა უნდა, ვერ მამახსოვრდებოდა წესიერად…შედეგად, ამ სემესტრში მაქვს კიდევ სასიარულო უნივერსიტეტში.

რაც შეეხება პრეკასტინგებს, დავფრინავდი რომ გავიგე მივდიოდი.  ერთი თვით ჩემოდნებზე შეჯდომა არ იყო ადვილი, ძალიანაც დავიღალე, მაგრამ ახლა, თვეები რომ გავიდა უკვე მზად ვერ მეორე წრეზე წავიდე :D გიორგიმ მითხრა, პრეკასტინგების მერე გახდი ჩვენიანიო :))

ზაფხულის ქრონიკები –  http://tiny.ge/precastings2011/

კასტინგების ბოლოსკენ, უკვე ვფიქრობდი რა მექნა ნიჭიერის მომდევნო სეზონამდე, რა სამსახური მეპოვა და ა.შ. ისე, ძნელია რამეზე ფიქრი, როცა ძალიან გიყვარს ეს და არ გინდა სხვა. დაბრუნებიდან მეორე დღეს, საბოლოოდ ვალაგებდით ანკეტებს და გიორგიმ მიხმო და ძალიან კარგი ახალი ამბავი დამახვედრა – ამჯერად ჯეოსტარი ჩამბარდა :))

მთელი აგვისტო, ნულიდან დასაწყებ საქმეს დავუთმე შესაბამისად. დაწვრილებით ერთ პოსტში მიწერია – http://tiny.ge/geostar/


სექტემბერში დაბადების დღე მქონდა, რომელიც პრინციპში პირველად ჩავატარე ძალიან მშვიდობიანად და როგორც მჩვევია, ისე ღრენა და ცუდ ხასიათზე ყოფნა არ დამიწყია. შეიძლება იმიტომ, რომ დილა მირიანით, ანტრეს ჩიზქექით და ძალიან cute საჩუქრით დაიწყო :D + ძალიან ბევრი მოლოცვა Fb-ზე


ოქტომბერი არაფერი ისეთი. დაღლას ვგრძნობდი უბრალოდ და ძალიან გაღიზიანებული ვიყავი. დიდი ხანია არ დამისვენია, არსად წავსულვარ სიმშვიდეში და როგორც ვატყობ, ახლაც ვერ მოვახერხებ მინიმუმ ზაფხულამდე. დროდადრო ეს გადაღლა ძალიან თავს იჩენს და მაწუხებს ხოლმე, მაგრამ ჯერჯერობით ვუმკლავდები.

ნოემბერში კიდე ისეთი ახალი ამბავი დამახვდა სამსახურში <3 ამჯერად, საქმე ისევ დაწინაურებას ეხებოდა. ამჯერად მარკეტინგის განყოფილებაში გადავედი და მთეელი რუსთავი2-ის ინტერნეტ მარკეტინგი ჩამბარდა. საკმაოდ საწვალებელი იყო თავიდან დალაგება ყველაფრის. ჯერ ის შედეგი არ არის, რაც მინდა იმიტომ, რომ საახალწლოდ არასდროს არავის არ სცალია, წინასწარი მზადება იყო და სეზონის ბოლო, რამაც ბევრი რამე გაართულა, მაგრამ მაინც კმაყოფილი ვარ. რომ ჩაივლის ეს საგიჟეთი, მერე ყველაფერს უკეთესად მივხედავ. ძალიან საყვარელ ოთახში, ძალიან საყვარელ თანამშრომლებთან ერთად ვარ :))

ჩემი ძალიან სამსახურეობრივი დაფა :D

დეკემბერს რაც შეეხება, ქეთის დაბადების დღეზე ლეკვი ვუყიდე და ახლა მთელი ოჯახის გასართობი ის არის :D ძალიან საყვარელია. დანარჩენი რა - მგონი დღემდე საახალწლო განწყობა მერყევად მქონდა – ხან კი, ხან არა. დღეს საახალწლო საყიდლებზე წავედით მე და მირიანი და ახლა კარგად შემომიტია წინასაახალწლო შეგრძნებებმა :) ხვალ,  31-ში, საღამოს ჯეოსტარის ფინალი გვაქვს. მერე კი, ცხოვრებაში პირველად დამოუკიდებლად გავაკეთებ საცივს და ოჯახს გარეთ შევხვდები ახალ წელს.

მოკლედ, ასეთი იყო 2011, ბევრი დეტალების გამოტოვებით იმიტომ, რომ ერთ პოსტში ყველაფერი არ ეტევა. თუმცა, მთავარი რამეები ვთქვი და წინ 2012 წელია, რომელსაც, დიდი იმედი მაქვს, ბლოგზე ორ გვერდზე გაცილებით მეტი დაეთმობა.

გილოცავთ წინასწარ <3

]]> http://tiny.ge/2011year/feed/ 6 ჩვენი სახლის ახალი ბინადარი http://tiny.ge/chveni-saxlis-axali-binadari/ http://tiny.ge/chveni-saxlis-axali-binadari/#comments Tue, 06 Dec 2011 20:36:56 +0000 Tiny http://tiny.ge/?p=6100 დიიდი ხნის წინ, ბლოგზე ერთი პოსტი მივუძღვენი ცხოველების თემას და განსაკუთრებით ძაღლს, რომლის სიკვდილიც, პრინციპში კარგა ხანს მიმყვებოდა ტრავმად.  http://tiny.ge/pet/
ციტატას მოვიყვან: “მაშინ (როცა მოკვდა) პირობა დავდე, რომ როდისმე ზუსტად ასეთი თაფლისფერი პუდელი მეყოლებოდა! მაგრამ რაღაცა სულ მაკავებს, ალბათ ის, რომ ისე ვიცი შეყვარება, მერე ძალიან მიჭირს ხოლმე გადატანა რამის..”
***
ამ კვირას, 11 დეკემბერს, ქეთი 11 წლის ხდება. ძალიან დიდი ხანია ქეთიც და ნინიც, ლამის ტირილით იხვეწებოდნენ ლეკვი გვიყიდეთო. საბოლოოდ, რადგან ყველაზე დიდი სურვილი ეს იყო  და დაბადების დღეზე სხვა არაფერი გაუხარდებოდა, გადავწყვიტეთ ბოლოსდაბოლოს ყველა იმ სირთულისთვის გადაგვებიჯებინა, რაც სახლში მსგავსი ბინადარის გაჩენას მოსდევს.გადაწყვეტა ერთია და შესრულება მეორე – თაფლისფერი პუდელი, ჯუჯა ჯიშის, არც ისე ადვილი საშოვნელია. ყოველ დღე სხვადასხვა საიტების რეფრეშირების შედეგად, ბოლოს mymarket.ge-ზე მივაგენი. აუცილებლად მალევე უნდა წამოგვეყვანა და დაბადების დღეზე, საჩუქრად და სიურპრიზად შემოტანა არ გამოვიდა – ერთი კვირით ადრე დაიდო ბინა ლეკვმა სახლში :))

წამოსაყვანად დიღმის ცხოველების ბაზრობაზე მივედით. ისეთი ხმაური იყო, ნინის და ქეთის კივილი ცას სწვდებოდა :)) რომ ამოიყვანეს ყუთიდან, აცახცახდა ემოციებისგან. ჩავიხუტე და ასე მყავდა აკრული სახლში მოსვლამდე. სხვათაშორის, არ ჰქონდა უცხოობები და დარდები, იმ საღამოსვე დაიწყო თამაში. ძალიან საყვარელი და მხიარულია.

იმ იასამნისფერ ჩანთაში ზის და გველოდება :)

 

ღამით იდეაში ყუთში სძინავს, მაგრამ რამდენჯერმე იღვიძებს, თამაში უნდა, მერე მოითენთება და ისევ იძინებს ოღონდ ამჯერად საწოლში, ჩემთან :D არ გვინდა ძალიან გავრყვნათ, რომ მერე მარტომ აღარ დაიძინოს, მაგრამ ისეთი საყვარელია, ვერ ვიშორებ თავიდან ასე ადვილად.

ჯერ გარეთ ვერ გაგვყავს, ერთი თვე მიწაზე სიარული და ფეხსაცმელებით ნასიარულებ იატაკზე დასმაც კი არ შეიძლება, რომ რამე არ შეხვდეს. სამაგიეროდ, შესაძლებლობების ფარგლებში დახტის, დარბის და გვეთამაშება <3 ძილი თუ უნდა, ჩემთან გამოცხადდება და ჩაიკუჭება ხოლმე კალთაში.

ორი პრობლემა გვაქვს:

1. zooplaza.ge-ზე ვნახე ძაღლისთვის კარგი რამეები. საწოლი მაგალითად. წავედით პეკინზე მდებარეში და ჯერ ერთი ძალიან მცირე არჩევანი იყო. რაც იყო, ამის ზომა არ იყო და ისიც ზედმეტად ძვირი ღირდა. დავადგინე, რომ ამ შემთხვევაში ამაზონიდან გამოწერა გაცილებით იაფი დაჯდება.


2. მეორე და მთავარი პრობლემა – სახელი ჯერ ვერ მოვუფიქრეთ. მამრობითი სქესის ბრძანდება :)) გვაქვს რამდენიმე ვარიანტი. თქვენც გკითხავთ და თუ აქ ჩამოთვლილებიდან არც ერთი, თქვენი ვარიანტი მომწერეთ, თორემ დაგვრჩა უსახელოდ ეს ლაწირაკი არსება:

View This Poll

http://worldsbestdognames.com/ - აქედან ამოვარჩიე რამდენიმე. ვერც ერთი ვერ მოვახდინე რაღაცნაირად და ვეღარ გავიგე რა ვქნა…

 

ბოლოს, ამონარიდი თავში ნახსენები ძველი პოსტიდან:

წარმოიდგინეთ, რა ნეტარებაა საღამოს, დაღლილი რომ მოვალ, რომ მომეხუტება, კალთაში ჩამიჯდება და ერთად დავწერთ ხოლმე პოსტებს :sun:

აი, ასე სძინავს ახლა მკლავზე და მე ვცდილობ, რაც შეიძლება ფრთხილად ვწერო, რომ ხელის მოძრაობაზე არ გაიღვიძოს:)

 

]]> http://tiny.ge/chveni-saxlis-axali-binadari/feed/ 4 tic-tac http://tiny.ge/tic-tac/ http://tiny.ge/tic-tac/#comments Tue, 29 Nov 2011 19:27:41 +0000 Tiny http://tiny.ge/?p=6091 ოპერაციის შემდეგ, საღეჭი რეზინის (იგივე ჟუაჩკა, კევი, საცოხნი (როგორც  რამდენიმე ჩემი სკოლის მასწავლებელი იტყოდა) ) ღეჭვა, გაბერვა, გემოს გასინჯვა (?) და ა.შ. არ შეიძლებოდა, რადგან დეფორმირება შეიძლება გამოიწვიოს და გარდა მაგისა, დიდად არ გიწყობს შესაძლებლობები ხელს, რომ “აღლაჭუნო” (ისევ მასწავლებლების ლექსიკონიდან).

შესაბამისად, ბავშვობის სიყვარულს, ტიკ-ტაკს მივაკითხე. სხვათაშორის, ყველა მაღაზიაში არ იყიდება. პუნქტები უნდა იცოდე :D

მალე, იდეაში საღეჭი რეზინის ვერ ღეჭვის ტანჯვის შემამსუბუქებელი საშუალება, ჩვევაში გადამეზარდა და ახლა, მიუხედავად იმისა, რომ შემიძლია ბიგ ბაბოლის უზარმაზარი ბუშტებიც ვბერო, ტიკტაკს მაინც ვერ მოვეშვი.

ყუთებს ვინახავ რატომღაც, მაგრამ ყველას ერთად ვერ მოვუყარე თავი. ზოგი სად დევს, ზოგი სად. ამით იმის თქმა მინდა, რომ ეს არასრული რაოდენობაა და შესაჭმელი კიდევ ბევრია!

პ.ს.

http://9gag.com/gag/753162

]]> http://tiny.ge/tic-tac/feed/ 7 Sticks + Stones http://tiny.ge/sticks-stones/ http://tiny.ge/sticks-stones/#comments Thu, 24 Nov 2011 19:58:45 +0000 Tiny http://tiny.ge/?p=5973

X Factor (uk) -ს წინა სეზონიდან, ჩემი ფავორიტი Cher Lloyd-ი იყო. ბლოგზე განხილვების წერისას, ყოველთვის ხაზს ვუსვამდი ხოლმე ამას. მართალია ვგრძნობდი, რომ ვერ გაიმარჯვებდა, მაგრამ
ფინალურ ოთხეულამდე მაინც მივიდა და დანარჩენებზე მეტად წარმატებული კარიერა მას აქვს, როგორც ვატყობ.

ზოგადად, ყოველთვის კრიტიკა იყო შერის ირგვლივ იმის გამო, რომ იქს ფაქტორი სხვა ფორმატია იდეაში და თავიდან ვერ შეეგუა მაყურებელი რეპსაც რომ ურევდა სიმღერას. თუმცა, მისი გამოჩენის შემდეგ, იმდენი რეპავს წლევანდელ სეზონებში, შეუძლია იამაყოს, რომ გადატრიალება მოახდინა :D

მოკლედ, რატომ მოვუარე შორიდან- ალბომი გამოუშვა ცოტა ხნის წინ. ძალიან ცოცხალი, დადებით მუხტიანი და ენერგიიანი სიმღერებია.პირატული ვერსიების გავრცელება არ არის კარგი საქციელი, მაგრამ შერი კარიერის იმ ეტაპზეა, როცა ძალიან ერთგული ფანების და იმათ გარდა, ვისაც დისკზე მაღაზიებში ხელი მიუწვდებათ, ალბათ ონლაინ იშვიათი გამოიწერს.

ხოდა იმისთვის, რომ უკვე შემდეგი ალბომისთვის ისე კარგად ჰქონდეს აწყობილი საქმე, რომ ყველა კარგად იცნობდეს და მოუნდეთ გამოწერა, ასე თავისუფალ რეჟიმში მოუსმინეთ. მოეწონებათ მათ, ვინც უსმენს R&B-ს, რეპს, პოპს…ერთი-ორი სიმღერა სხვანაირიც არის, უფრო ვოკალი ჩანს :)

01 Grow Up (Feat. Busta Rhymes)
02 Want U Back
03 With Ur Love (Feat. Mike Posner)
04 Swagger Jagger
05 Beautiful People (Feat. Carolina Liar)
06 Playa Boi
07 Superhero
08 Over The Moon
09 Dub On The Track (Feat. Mic Righteous, Dot Rotten & Ghetts)
10 End Up Here
Stay
ეს მთლიანი ალბომის გადმოსაწერი ლინკი: Sticks + Stones

ეს კიდევ, ძალიან cute კლიპი <3

]]> http://tiny.ge/sticks-stones/feed/ 0 Pay.ge http://tiny.ge/pay-ge/ http://tiny.ge/pay-ge/#comments Mon, 21 Nov 2011 10:34:36 +0000 Tiny http://tiny.ge/?p=6021 რამდენიმე დღის წინ, Liberty Bank-ისგან ახალი სერვისის პრეზენტაციაზე მივიღე მოწვევა. პრინციპში, ასე ძალიან ოფიციალურად ჟღერს და უფრო ბლოგერულ-შინაურულად გეტყვით – რეზიმ, რომელიც ახლა ბანკის ფეიჯს მართავს, დაგვპატიჟა ბლოგერების რანგში. არც ისე ხშირად ვესწრები მსგავს ივენთებს და მაქსიმალურად თავს ვარიდებ, მაგრამ ამან დამაინტერესა და თან, “დასაქმდი და დააასქმე”-ში ლადო გურგენიძის გამოჩენის შემდეგ, გამახსენდა რა კარგი დამოკიდებულება მქონდა ადრეც, “კანდიდატი”-ს “წამყვანი” როცა იყო.
ბანკის გენერალური დირექტორი, ალბათ ბევრს ნიშნავს საერთო იმიჯისთვის და ლადოს ვერ დავუკარგავთ ღირსებებს… ლიბერთი ბანკის ახალი პროდუქტის, pay.ge-ს პრეზენტაციაც თვითონ გააკეთა და ზუსტად ისე, როგორც მომწონს – იმის გათვალისწინებით, რომ თითქმის ყველა სამსახურიდან დაღლილი და მშიერი იყო მისული, მხოლოდ საკვანძო დეტალები ახსნა.
ადვილად ორიენტირებადია საიტი, რაც საუკეთესო გამოსავალია ჩემნაირი ზარმაცებისთვის რამის ასახსნელად. ვგულისმხობ, რომ ზოგჯერ რაღაც რომ მაინტერესებს და გასაგებად შევდივარ საიტზე, მხვდება დომხალი და გამოვდივარ, თავს ვანებებ.
რა არის pay.ge?გადახდის სისტემა, თანხების მართვა-რეგულირებისთვის მოსახერხებელი და ამ დროისთვის არსებული ყველანაირი ბარათით:
 VISA და MasterCard, Sმარტივით, eMoney-თ, სასაჩუქრე ბარათებით და ა.შ. რაც განსაკუთრებით კარგია, SMS-ით, Facebook-ით (ეს ამბავი მხოლოდ რამდენიმე ბანკს აქვს მსოფლიოში), ელ. ფოსტით ან თვითმომსახურების ტერმინალით (ფეიბოქსით).
მობილურ გადახდასთან დაკავშირებით, მაშინვე Mobipay გამახსენდა, რომელსაც ყველგან აქვს რეგისტრაციის პუნქტები და ძალიან ხშირად გამჩენია კითხვა, რომ ასეთ მოუხერხებელ რამეს როგორ იყენებენ და თუ ყველა ჩემნაირად ფიქრობს, ამხელა თანხებს როგორ ხარჯავენ იმ პერსონალის ხელფასზე, ვინც რეგისტრაციას აკეთებენ ხოლმე ნებით, თუ ძალით :D   pay.ge იმით არის განსხვავებული, რომ ჯერ ერთი, ლიბერთი ბანკის კლიენტების რიცხვი ძალიან დიდია, მეორეც, მრავალფეროვანია ფორმატი  და როცა შეზღუდული არ ხარ და შეგიძლია გადაიხადო მობილურით, პლასტიკური ბარათით, ინტერნეტით, ფეიბოქსით – ეს ბევრ რამეს ცვლის.

მათთვის, ვისთვისაც მარკეტინგი მნიშვნელოვანია (დიდი იმედი მაქვს ბევრია ასეთი :D ). პირველი პუნქტის გარდა, ყველა დანარჩენი ძალიან ეფექტურია. პირველი იმიტომ არ არის ეფექტური, რომ მე მაგალითად, გაზქურების, მაცივრების, ბინების, მობიფეით სარგებლობის სარეკლამო მოწოდებები რომ მომდის მობილურზე, ვბრაზდები.

სარეკლამო ან პრომო ინფორმაციის მიწოდება შესაძლებელი იქნება შემდეგი ხერხებით:

  • SMS-ების გაგზავნა თქვენ კლიენტებთან, ან მიზნობრივ სამომხმარებლო ჯგუფებთან ლიბერთი ბანკის მომხმარებლების მრავალათასიანი სიიდან
  •  Facebook-ის მეშვეობით თქვენი სარეკლამო ან საპრომოციო მესიჯის გავრცელება
  • ელექტრონული ფოსტის მეშვეობით ინფორმაციის მიწოდება შერჩეული აუდიტორიისათვის
  •  სარეკლამო წერილების და ბუკლეტების გაგზავნა თქვენ ან/და ლიბერთი ბანკის კლიენტებთან ბანკის საკურიერო ფოსტის Smartex-ის საშუალებით
  •  თქვენი პროდუქციის ან შეთავაზების განთავსება PAY-ის ონლაინ და Facebook მაღაზიაში
  •  თქვენი პროდუქციის ან შეთავაზების განთავსება თბილისის ავტობუსების გაჩერების ბანერებზე
ზოგს ჰგონია, რომ PAY.ge სისტემა მხოლოდ იურიდიულ პირებზეა გათვლილი. ეს ასე არ არის, რადგან PAY-ში ჩართული ბარათის აღება ნებისმიერ მსურველს შეუძლია.  ანუ, იქნება PAY ბარათი (და არა VISA ან MasterCard), ვიზა ბარათის მაგივრად. Sმარტივი-ს აღება (რომლის 1 წლის დაბადების დღე იყო პრეზენტაციის დღეს ^_^) შეუძლია ყველას და ბარათი  pay სისტემაში ჩართულია.
რაც შეეხება რეგისტრაციის ამ ფორმას:
ეს არის მერჩანტებისთვის. მერჩანტი დღის სიტყვა იყო სხვათაშორის, ამეკვიატა :D და ხშირად დასმულ კითხვებშიც არის:

ვინ არის მერჩანტი?

”მერჩანტს” ვეძახით საცალო ვაჭრობის ან მომსახურების კომპანიებს. ისინი ვინც ფართო მომხმარებლებს ემსახურებიან. ჩვენ გვგონია ”მერჩანტი” უკეთესად ჟღერს ვიდრე ”ვაჭარი”, რომელიც ინგლისური merchant-ის ზუსტი თარგმანია.

რეალურად, რეგისტრაციაში იგულისხმება ის, რომ ბანკი აწვდის ტერმინალს რომელიც იღებს PAY ბარათსაც : )

მოკლედ:

  • recommended Sმარტივი-ს ბარათის აღება (რომელსაც დიდი ხანია სახელის გამო ვიწუნებ, მაგრამ დიზაინი მომეწონა და სავარაუდოდ უახლოეს მომავალში ავიღებ payთურთ)
  •  რატომ არის რეკომენდირებული, ნახეთ პრეზენტაცია - http://pay.ge/Content/Files/PAYpresentation.pdf (ეს პრეზენტაცია გააკეთა ლადომ ზუსტად)
  • საიტი დაათვალიერეთ იმიტომ, რომ მე ძალიან გავერთე :D

http://pay.ge/

და ბოლოს ვიდეო…ოღონდ ვისაც ჩემნაირი წიკი სჭირს ფლომასტრის და ფურცლის ურთიერთობის ხმაზე, ხმა გამოურთეთ და ისე <3


p.s. მე და ნათია, პრეზენტაციის ყველაზე გემრიელი ნაწილის ჟამს :))) (ქეთის ბლოგიდან აღებულია ფოტო)

 

]]> http://tiny.ge/pay-ge/feed/ 1 სიახლე(ები) http://tiny.ge/news-2/ http://tiny.ge/news-2/#comments Wed, 16 Nov 2011 18:56:50 +0000 Tiny http://tiny.ge/?p=6012

ერთ მშვენიერ, რაღა დღესა და პრინციპში ღამეს, ჯეოსტარის დიადი ნათელი კონცერტების დამთავრების შემდეგ, ისეთი ამბავი გავიგე, იმ ღამეს საერთოდ არ დამეძინა ფორიაქისგან. გიორგიმ რომ მითხრა კარგი საქმე მაქვს შენთანო, კი დარწმუნებული ვიყავი, რომ კარგი მართლა კარგს ნიშნავს, მაგრამ მთლა ამდენს ვერ წარმოვიდგენდი : ))

მოკლედ და კონკრეტულად რომ ვთქვათ, რუსთავი2-ზე არსებული ყვეელა გადაცემის ფეისბუქიზირება დამევალა.
არა მარტო ფეისბუქი, მთელი ინტერნეტის ათვისებას ვაპირებთ, ოღონდ ეტაპობრივად. ბოლო კვირანახევარში უკვე იმდენი რამე მოვასწარით, პრინციპში ისიც მალე იქნება. ფეისბუქს რომ მოვაგვარებთ, მერე ტვიტერს და ბლოგს მივხედავთ. მართალია ტვიტერს მეც იშვიათად მოვიხმარ, მაგრამ ძალიან მინდა გამოყენებადი გახდეს საქართველოში.

ჯერ პირველ ეტაპზე მოვყვები, თორემ მერე იმდენი დაგროვდება, ამერევა თავი და გზაი.

რუსთავი2-ს მართლა ისეთი სახასიათო გადაცემები აქვს, რომ ყველამ იცის, ყველა უყურებს და ა.შ. ფეისბუქთან დაკავშირებითაც, დიდი გამოცდილება გვაქვს და გადაწყდა, რომ თითქმის ყველა გადაცემას უნდა ჰქონოდა თავისი გვერდი. ამ ეტაპზე, ბოლო ერთ კვირაში გაკეთებული და გაშვებული ფეიჯები:

დასაქმდი და დაასაქმე
http://www.facebook.com/dasaqmdidadaasaqme
ახალი ბიზნეს პროექტი, რომელიც ბიზნესის გარეთაცაა საინტერესო იმიტომ, რომ არაა მარტო მშრალი ბიზნეს იდეები,  არიან გიგი უგულავა და თიბისის, ლიბერთის და საქ.ბანკის გენერალური დირექტორები, რომლებიც “არაჰალსტუხიან” ვითარებებშიც აკეთებენ შეფასებებს.
კომედი შოუ
კომედი შოუ, შაბათის შოუობიდან მოყოლებული, ჩემი ძალიან საყვარელი გადაცემაა. თან, სულ მიკვირს როგორ არ უძველდებათ ხუმრობები, ყოველთვის აქვთ რამე ახალი და ახერხებენ, რომ ხალხს არ ბეზრდება ეს ყველაფერი <3

ვანოს შოუ
http://www.facebook.com/thevanosshow

ვანოს შოუს პროფილი ჰქონდა და გადავაკეთე ფეიჯად. ძალიან კარგი ფორმატია იმიტომ, რომ საშუალებას გაძლევს პირდაპირი ეთერის დროს დაასტატუსო ხუმრობები, დადო სკრინშოტები და ა.შ. ამას ვგრძნობდი პრინციპში იმიტომ, რომ ერთხელ, ნიჭიერის მეორე სეზონის დროს სტუმრად რომ იყვნენ ვანოსთან ნიჭიერები, შევყევი და გამომივიდა ტრანსლიაცია :D

პროფილი
http://www.facebook.com/talkshowprofili

პროფილს ყველაზე რთულ სამუშაოდ აღვიქვამ ახლა  მიუხედავად იმისა, რომ ალბათ ნაკლები მასალა მექნება დასადებად სხვებთან შედარებით. ნუ რთული რატომ არის კი იცით, მაგრამ არის ერთი საკითხი, რომელზეც ძალიან მინდა ყველა დაჰფიქრდეს:
“ბებია უყურებს და მეც მესმის”, “ტელევიზორი ჩართული იყო და შევყევი”, “დაასტატუსეს და დამაინტერესა” უკვე is too mainstream :D come on, რაც არ უნდა იყოს, არის ისეთი “ცხელი” თემები, რომელსაც მართლა ყველა უყურებს.

იღბლიანი ბორბალი
http://www.facebook.com/igblianiborbali

ამასთან ყველაზე ნაკლებად მქონია შეხება. სახალისო საყურებელია, დუტაა ბოლოსდაბოლოს. + ისაა კარგი, რომ სიტყვების გამოცნობაში შენც ერთვები შენდაუნებურად და it’s fun. რეიტინგიც კარგი აქვს.

ჩემი ცოლის დაქალები

http://www.facebook.com/chemicolisdaqalebi

ეს ახალი ქართული სერიალია, რომლის მხოლოდ ანონსები მაქვს ნანახი. დაინტრიგებული ვარ :D უახლოეს დღეებში მეცოდინება დაწვრილებით ყველაფერი და დავდებ მაშინვე! : ))


ნელ-ნელა კიდევ დავპოსტავ რასაც გავხსნით და შევუდგებით. აურაცხელი საქმე მაქვს, 12-1 საათიდან 8-მდე მაინც ვერ ვაღწევ ოფისიდან. თან ამ ყველაფერს დამატებული ჯეოსტარი, რომელსაც ფეისბუქის გარდა ბლოგი აქვს, რომელზეც ყოველ დღე ვპოსტავ და არ დავუშვებ ყურადღება მოაკლდეს :D    ამის მიუხედავად, სადაც ამდენი, იქაც ჩემმა ბლოგმა რა დამიშავა და მინდა ენერგიები ამისთვისაც მოვიკრიბო. ყოველ დღე ზეფილოსოფიურ პოსტებს ვერ გადმოვაფრქვევ, მაგრამ ვეცდები ყოველ შემთხვევაში ხშირად პოსტვას.

მოკლედ, შემოუერთდით ფეიჯებს, ყველა ხელთ რომ მექნება ცალკე გვერდს გავუკეთებ აქ და ადვილი იქნება ორიენტირება სადა ვარ და რას ვჩადი…

 

]]> http://tiny.ge/news-2/feed/ 3 Alcatel OT-808 http://tiny.ge/alcatel/ http://tiny.ge/alcatel/#comments Fri, 28 Oct 2011 18:16:26 +0000 Tiny http://tiny.ge/?p=5956 ერთი თვის და ცოტა მეტი ხნის წინ, დაბადების დღეზე საჩუქრად (aww <3) ბილაინის, უფრო სწორად, ალკატელის ეს ტელეფონი მივიღე:
თავიდან რომ დაარეკლამეს, გულში კი ჩამივარდა და  რამდენჯერმე დავაპირე ყიდვა, მაგრამ მე სანამ რამეს გადაწყვეტ, ცხოვრება გადის ხოლმე.

ძალიან ბევრი მეკითხება კარგი ტელეფონია, თუ არა. სხვათაშორის, ზოგჯერ სრულიად უცხო ადამიანები – ერთხელ, ავტობუსში დიდი მოწიწებით მოვიდა ერთი ბიჭი და გამომკითხა როგორ მუშაობდა. საჩუქრად უნდოდა იმასაც: )) დიზაინის გამო, ბევრს პუდრი, სარკე, ან რამე მსგავსი არსება ჰგონია.მაშ ასე, როგორია Alcatel ot –  808 , ე.წ. უნიქალური, რაც ჯობია ჩემი თანდასწრებით არ უწოდოთ :D

 

♦ პუნქტი პირველი – დიზაინი

არსებობს ორ ფერიანი – ვარდისფერი და ნაცრისფერი. ვინაიდან, მე და ვარდისფერი ერთად ვერ ვთავსდებით  და საუკუნეში ერთხელ მახსენდება, რომ რამდენიმე მაისური მაქვს ამ ფერი და ნაცრისფერი კიდევ პირიქით, ამოჩემებულივით მაქვს ყავისფერთან ერთად, ჩემი ტელეფონი ნაცრისფერია.  ამბობენ, ვარდისფერი უფრო ლამაზი და ეფექტურიაო, ასე რომ ვისაც არაპრეტენზიულობა გახასიათებთ ფერთა შეხამებასთან დაკავშირებით, ვარფისფერიც მშვენიერია :))

კლავიატურას თავიდან ჩემი თაჩსქრინიანი სამსუნგის მერე ვერ მივეჩვიე. ასე ერთ კვირაში უკვე ისე დავნარნარებდი, ახლა საერთოდ აღარ მიჭირს. მითუმეტეს, qwerty-ა:

♦ პუნქტი მეორე, ბილაინი, როგორც ასეთი:

ერთ-ერთი მიზეზი, რის გამოც გვინდოდა ბილაინი, არის ინტერნეტის ძალიან კარგი ტარიფი – ულიმიტო ინტერნეტი 7 ლარად, ერთთვიანი აქტივაციით.  გარდა ამისა, 0 თეთრიანი (ზარის ღირებულება 5 თეთრი, მერე უფასო) სალაპარაკო ტარიფი. ეს ტელეფონი ინტერნეტზე კარგად არის გათვლილი, აპლიკაციებიც აქვს ბევრი (ერთი პრობლემა: ქართულს ვერ ფლობს მაინცდამაინც კარგად). ჩემი ამოჩემებული app-ი, ამინდის პროგნოზია- აჩვენებს გრადუსს, გრადუსის real feel-ს და მოსალოდნელ მინიმუმ-მაქსიმუმ ტემპერატურას.

პრობლემა ისაა, რომ ბილაინის დაფარვის ზონა ფრიად ჭედავს. თუ გინდა, რომ ცოცხალი დარჩე, აუცილებლად უნდა ატარო სხვა ოპერატორის ტელეფონიც. წინააღმდეგ შემთხვევაში, სულ რომ სასწრაფოში დარეკო, შეიძლება გითხრას აბონენტს დროებით ვერ დაუკავშირდებითო.  მესიჯებიც ძნელად მიდის/ მოდის.  თუ არ გააუმჯობესებენ, თანაც დაუყოვნებლივ, ცუდი იქნება – ნერვებზე მოქმედებს ფრიად.

♦ პუნქტი მესამე, შესაძლებლობები:

რომ გითხრათ, ფოტოების ხარისხი ძალიან კარგია, ან კარგია მეთქი, მოგატყუებთ. აი მაგალითად:

 

თუმცა ძალიან ცუდიც არ ეთქმის.

დანარჩენი, ინტერნეტზე მორგებას, საყვარელ დიზაინს და ა.შ. სიკეთეებს თუ გავითვალისწინებთ, კარგია. რაც მთავარია, თუ რამეა და ბილაინის ტყვეობიდან დაღწევა მოგინდათ, ბლოკის მოხსნა შეიძლება.

]]> http://tiny.ge/alcatel/feed/ 1 მე და ჯეოსტარი http://tiny.ge/geostar/ http://tiny.ge/geostar/#comments Sat, 22 Oct 2011 16:37:12 +0000 Tiny http://tiny.ge/?p=5910
ბოლო 2 თვეა, დროის დიდ ნაწილს ჯეოსტარს ვუთმობ. მეგონა, რომ ნიჭიერივით კვირაში 7 დღეს და 24 საათს არ წაიღებდა, მაგრამ სამწუხაროდ დრო არ მრჩება და თუ მრჩება, სხვა მნიშვნელოვან რამეებში ვხარჯავ (ეს “მნიშვნელოვანი რამეები”, ხანდახან, უბრალოდ ჯდომა და დასვენებაა შეძლებისდაგვარად).
***

ნიჭიერის კასტინგებიდან რომ ვბრუნდებოდით, დადუ და კოლია გზის დასაწყისიდანვე მითანხმდებოდნენ, ხვალ მოდი სამსახურში და ანკეტები დავალაგოთ რაც ჩამოვიტანეთო. “ჩემი კონტრაქტი უკვე ვადაგასულია” მეთქი დავეჯღანე ორივეს და ჩავხტი მანქანაში :D რა თქმა უნდა, მეორე დღეს მივედი რუსთავი2-ში,  დავიწყეთ ანკეტების დახარისხება. იმ განწყობით ვიყავი, რომ დაახლოებით იანვრამდე (თუ თბილისის კასტინგს არ ჩავთვლიდით) ვემშვიდობებოდი იქაურობას.

შუა შრომასა და გარჯაში რომ ვიყავით, გიორგი (ჩვენი მთლა უფროსი <3 :)) )შემოვიდა და საქმეს რომ მორჩები ჩემკენ გამოდიო მითხრა. ვიფიქრე, ჩემი შთაბეჭდილებები აინტერესებს კასტინგებიდან მეთქი (თან მოუსწრიათ ჩემი მტირალობის ამბების მოხსენება  :D ) და შევაბიჯე გაბრწყინებულმა. თქვენ წარმოიდგინეთ, რა გაბრწყინებული გამოვედი კაბინეტიდან, როცა გავიგე, რომ ნიჭიერამდე ლოდინი და სხვა სამსახურის ძებნა არ იყო საჭირო…ზუსტად იქამდე, რამდენიმე დღით ადრე ვამბობდი – ფსიქოლოგიურად დამოკიდებული ვარ ამაზე და შარშან ნიჭიერი სანამ არ დაიწყო, ჩემით არც მიძებნია სამსახური, თავისით ჩნდებოდა ხოლმე რაღაც წვრილმანები.

რამდენიმე დღეში, რომ დავლაგდი კასტინგებიდან ჩამოსული და დავიწყე ფიქრი, საკმაოდ ბევრი სირთულე გამოჩნდა, დაწყების შემდეგ კიდევ უფრო მეტი…საბედნიეროდ, ყველა ასეთ სიტუაციას მეტ გამოცდილებად ვთვლი და მიუხედავად იმისა, რომ წუწუნით ტვინს ვჭამ, უკიდურესად გაბრაზებულიც კი ამაზე ვფიქრობ, რომ მომავალში ყველაფერი გამოსადეგია. თან, კაქტუსებიან მინდორზეც რომ ვიყო სარბენი, მიყვარს რასაც ვაკეთებ და კიდევ უფრო მიყვარს სადაც ვაკეთებ.

მოკლედ, სირთულეები, რომლებიც თან ახლდა ყველაფერს და რომლებიც ახლა მეტნაკლებად გადალახულია(სწორედ ამიტომ მაქვს ამაზე  სალაპარაკო ენერგია):როდესაც ნიჭიერის მაგალითზე მიჩვეული ხარ ძალიან დიდ გამოხმაურებას, უუამრავ შეარებს და ა.შ. ერთ თვეში რომ იგივე შედეგს ვერ აღწევ, პანიკას იწვევს. თან, ნიჭიერის პირველი სეზონის დასაწყისი დოდკამ ითავა და მერე მე არაფერი გამრთულებია. მართლა პანიკამდე რომ მივედი, მერე დავიწყე გაანალიზება:
  • ნიჭიერი იყო ახალი ხილი, დაწყებამდე კარგა ხნით ადრე დაიწყო ინტერნეტში გავრცელება, რაც დაგეგმილი იყო.
  • ფორმატია განსხვავებული და ისეთი, რომ განსაზღვრული აუდიტორია კი არა, ყვეელანაირი აუდიტორია უყურებს ნებისმიერი საკითხით დაინტერესებული.
  • რეიტინგში 15-20%-ით არის განსხვავება ამ ორს შორის.

ჯეოსტარი მერვე  წელია მიმდინარეობს. უკვე ჩვევაში გადაზრდილივით არის :D მართალი რომ ვთქვა, გულდასმით არც მიყურებია წინა სეზონები. რუსთავი2-ზე გადმოსვლის და პოპ აიდოლის ფორმატის ჩართვის მერე, კასტინგებს ვუყურებდი და მერე ვწყვეტდი ხშირ შემთხვევაში. წელს ბევრი სიახლეა,ახალი სისხლია,  რაც კარგია. შესაბამისად, წინა წლებთან შედარებით რეიტინგმაც აიწია და გამოხმაურებაც უკეთესია. თანაც, ფინალისტები მართლა ძალიან ინდივიდუალურები და საინტერესოები არიან. მე გამარჯვებულების, ან ბოლო სამეულის გარდა, წინა სეზონებიდან არავინ მახსოვს.

  • ამ მრავალწლიანი არსებობის გამო არსებობს უამრავი ფეიჯი რომლებიც წინა სეზონების დროს არის გახსნილი და ფეიჯები, რომლებიც 2011 წლის ჯეოსტარისთვისაა შექმნილი. ეს იმიტომ, რომ არ არსებობდა ერთი, ოფიციალური.
  • აქვე:  ჯეოსელი და თი ბი სი ბანკი რუსთავი2-თან ერთად ინაწილებენ პროექტის სადავეებს ხელებში. როგორც აღმოჩნდა, წელს ფეიჯის გააქტიურებისთვის ბევრი რამ ქონდათ დაგეგმილი ორივეს.  მე TBC-სთან ვიქენ მივლინებული, რომლებსაც ასევე ფეიჯი უნდოდათ. ორივეს ერთდროულად გააქტიურება –  კიდევ ერთი მიზეზი ხალხის გასაფანტად.anyway, რუსთავი2-ის და თიბისი ბანკის ერთობლივი ფეისბუქ გვერდი, სადაც მე ვპოსტავ პირდაპირი ეთერის დროს, ოფიციალური და იერთადერთი არის:

http://www.facebook.com/tbcgeostar

რთული იყო თავიდან თი ბი სისთან შეხვედრაზე მისვლა. არ მახსოვს ცხოვრების რომელ პერიოდში დამჩემდა საქმეებზე ლაპარაკის შიში, მაგრამ მართლა ძალიან ვნერვიულობდი. საბედნიეროდ, წასვლის წინ გიორგის ველაპარაკე და დამარიგა, გამამხნევა და ისეთი რამეები მითხრა, მეგონა მთას გადავდგამ ახლა მეთქი :D მთელი ამ ჩემი გასაჭირების დროს რომ არ ყოფილიყო ჩემ მხარეზე და არ მეგრძნო მხარდაჭერა, ყურადღება და ა.შ., ალბათ გავაფრენდი.  მარტოს რომ მიწევდა წასვლა იმიტომ ავნერვიულდი, რომ პირველად ხდებოდა, როცა ყველაფერი ჩემზე იყო დამოკიდებული.

მოკლედ, თი ბი სისთან შეხვედრის წინ საკმაოდ ბევრი ვიფიქრე, დავჯექი ერთ საღამოს და ბევრი იდეა ჩამოვყარე გვერდის სასარგებლოდ. მერე დავსხედით და განვიხილეთ ერთად. განსაკუთრებით ვღელავდი წინასაჯეოსტარე პროცესებზე და მინდოდა, რომ დაწყებამდე მინიმუმ ორი კვირით ადრე ყველა აქტივობა დაწყებულიყო. სამწუხაროდ, იდეების უმრავლესობა ვერ განხორციელდა და რა იდეებზეა ლაპარაკი,  ფეიჯი პირველ გადაცემაზე საერთოდ არ გვქონდა.

რაც შეეხება ბლოგს, geostar.ge, geostari.ge იყო დაკავებული, გადასახდელი და გათიშული. კავკაზუსსში რომ დავრეკეთ გადმოფორმებასთან დაკავშირებით, წესისამებრ გააფრთხილეს მფლობელები. ისინი დაფაცურდნენ და ერთის კიარა, მგონი 3 წლის ერთად გადაიხადეს. ავიღეთ TV დომენზე. შესაბამისად, იანვრამდე ბინა დავიდე იქ:

http://geostar.tv/

მირიანმა ეს:

გადააქცია ამად:

დაწყების შემდეგ, ფეიჯიც რომ ჩავუშვით და ბლოგიც დავიწყე, მერე წიკი დამჩემდა – გამუდმებით ვიზიტორების რაოდენობის კონტროლი (პირველ კვირაში 700-მდე რომ შემოდიოდა მგონი სასიხარულო იყო), ახლა 3000-მდე შემოდის, მაგრამ მაინც ვაკონტროლებ. თან, ძალიან ცუდია feedback-ს რომ ვერ გრძნობ. ფეიჯის გარეშე კიდევ, როგორც მანქიმ თქვა, ხელების გარეშე ხარ. ლაივების დაწყებასთან ერთად ცოტა მეშველა – ბევრი მასალაა, ყოველ დღე და ზოგჯერ დღეში ორჯერაც ახალ რამეს ვდებ ბლოგზე. შეარების რაოდენობაც საგრძნობლად გაიზარდა და კომენტარებს არ ვჩივი პრინციპში. ამ პირობებში, როცა ათასხუთასი ფეიჯია + აქ დაწერილი კომენტარი სხვასთან შეარდება და ფეისბუქზე უფრო ვრცელდება,  არ მიკვირს. ისევე ნიჭიერის მაგალითზე ვიტყვი, რომ პირველ სეზონზე ფეისბუქი არ იყო ასეთი აქტუალური და ძალიან ბევრი კომენტარი იწერებოდა ბლოგზე. მეორე წელს, უკვე იქეთ გადავიდა ეპიცენტრი.

ცოტა ხანში მაინც მივაღწიე იმას, რომ არაოფიციალური ფეიჯებიც სულ აშეარებენ ბლოგს და იზრდება ვიზიტორების რაოდენობა.  ერთი იმას ვერ ვუშველე, რომ რასაც კი დავდებ, ხშირად აკოპირებენ ხოლმე, სტატუსებსაც კი. წყაროს აწერს რამდენიმე ფეიჯი, მაგრამ  ხალხი ძალიან იფანტება ასე.
ისე, არაოფიციალური ერთ-ერთი ფეიჯისგან ძალიან სასიამოვნო იყო ერთი შეარი, სადაც მე ერთადერთს შემოქმედებითი ჯგუფი მიწოდეს :D

უნდა ვთქვა, ყველაზე მეტად ჯეოსელისგან დავიჩაგრე :D ცოტა პრეტენზიულად იყვნენ იმასთან დაკავშირებით,  რომ ჩვენ ინტერნეტში ორი კვირით ადრე ვიდეოებს ვდებდით და ძნელად გავაგებინეთ, რომ ეს აუცილებელია და კარგი მოვლენაა ზოგადად. მხოლოდ ბოლო კვირაა, რაც ბლოგზე ვთანხმდებით ნელ-ნელა, ჩემხელა ასოებით აწერია, რომ რუსთავი2-ის და ჯეოსელის ერთობლივი პროექტია და ლოგიკური იქნება –  ბლოგი ბევრ რამეშია გამოსადეგი.
ყველაზე დიდი დარტყმა,  იყო ის, რომ იდეა, რომელიც რამდენიმე კვირის წინ დამებადა და ბლოგზე დავწერე:
კიდევ ერთი აპლიკაციის მუზა გამხდარა ჯეოსელისთვის, კულისების აპლიკაციას ვგულისხმობ. მე მქონდა იდეა, რომ ვინმე ორი გამარჯვებული მიმეყვანა რომელიმე რეპეტიციაზე, გაეცნობოდა ბავშვებს, გუნდს და ა.შ. ორშაბათს მივედი ფილარმონიაში და დამხვდა გაპიწკინებული სკამები სპეციალურად ამისთვის :)) ძალიან გავნადგურდი :D აი არ ვიცი, თავს არ დავდებ, რომ  მანამდე არ ჰქონდათ ეს იდეა, მაგრამ საშინელი შეგრძნება იყო.  ხომ არაფერი ისეთი, მე არც ლაიქების ასაკრეფად მინდოდა და არც გრანდიოზულობისთვის, მაგრამ ამდენი დაძაბულობისგან დაღლილი ცოტაც და ტირილს დავიწყებდი. გადავიტანე როგორღაც და ახლა, უკეთესი მდგომარეობაა. უბრალოდ, თანამშრომლობა, ჯერჯერობით ისევ ცალმხრივია.

რაც შეეხება რუსთავი2-ის მუსიკალურ რედაქციასთან ურთიერთობას, ჩემი იდეის წყალობით, თვით მარინა ბერიძე გავაბლოგერე და სანამ უშუალოდ რეპეტიციებზე დავიწყებდით მისვლას, ცოტა მოვშინაურდი მაგ მხრივ. მონაწილეები პირველად რომ ვნახე, უხერხულად ვიყავი, მაგრამ ძალიან კარგები არიან და მეორე შეხვედრისას უკვე  გაშინაურებულები ვიყავით. ეს კარგია ისე ნიჭიერისგან განსხვავებით, იქ ყველა ნახევარფინალზე ახლიდან მიწევდა ეს უხერხულობა და აქ კიდევ, გაიცნობ ერთხელ და უყურებ მთელი სეზონი.

მოკლედ, ამ ორთვენახევრიანი სტრესების შემდეგ, ბოლო კვირაა ცოტა შვება ვიგრძენი და ამიტომაც დავწერე.

სეზონი რომ ჩაივლის, საბოლოო შედეგებზე მერე ვიმსჯელებ. ამ ეტაპზე, ვფიქრობ, კიდევ ბევრი რამ უნდა გავაკეთო. მართლა 24 საათიან რეჟიმში ვმუშაობ. კომპიუტერთან მოსვლა არ მინდა ხანდახან ძალიან დაღლილი როცა ვარ იმიტომ, რომ როცა მოვდივარ მაშინვე საქმე მეკეთებინება :D

დიდი ძალისხმევა დამჭირდა, რომ არ დავმხობილიყავი რამდენჯერმე, მაგრამ კარგი მაგალითია და თქვენც გამოგადგებათ – ბოლომდე იშრომეთ შედეგის მისაღწევად, არ დაზოგოთ ენერგია. იტირეთ, გაბრაზდით, ორი წუთით ყველაფერიც მოიბეზრეთ, მაგრამ მესამე წუთს საქმეს დაუბრუნდით :)

]]> http://tiny.ge/geostar/feed/ 6 ნამდვილი ბიზნესი http://tiny.ge/business/ http://tiny.ge/business/#comments Sat, 08 Oct 2011 16:45:05 +0000 Tiny http://tiny.ge/?p=5897 ნინის და ქეთის ახალი ბიზნესი

ვანაში შესვლა

სახლიდან გასვლა...კი არადა, კარის გაღება

დივანზე დაჯდომა

]]> http://tiny.ge/business/feed/ 7