ეს კიდევ, ძალიან cute კლიპი <3

ცოტა ვრცელი შესავალი კი გამომივიდა, მაგრამ აუცილებელი წინაპირობა იმის ასახსნელად, თუ რატომ ვარ კმაყოფილი ბერას ირგვლივ ატეხილი ბუმის გამო.ზოგადად, გადამეტებული ყველაფერი გაღიზიანებას იწვევს და ბევრს არ მოეწონა, რომ კატასტროფული სიჩქარით გაიზარდა ფეისბუქზე  გვერდის ლაიქერები…

პირველად, კლიპი რომ ვნახე (favorite things), მომეწონა- ძალიან ხარისხიანი იყო და ეტყობოდა ამერიკა. მართალია სიმღერა თვითონ არც ისეთი “სუპერ ვუპერ” არის, რომ mtv-ის რეიტინგები დაეპყრო, მაგრამ სტანდარტებს აკმაყოფილებდა ნამდვილად. მე გამიკვირდა, რომ კლიპზე იმდენად რეაქცია არ იყო.  მხოლოდ ერთ-ერთ სატელევიზიო შოუში გამოჩენის შემდეგ დაიძრა მთელი ეს აჟიოტაჟი- მას შემდეგ, რაც  “პიროვნება გაიცნეს”. and he’s really cute! ამის შემდეგ დაიწყო  მთავარი მოვლენები, ბუმის ტრადიციული ნიშნები- ავატარებზე მისი სურათების დაყენება, ბევრკოცნიანგულებიანი კომენტარები ფეისბუქზე, ფოტოშოპში  მის გვერდით თავის ჩასმა და ა.შ.

შესაბამისად, გამოხმაურებებიც იყო. წერდნენ ჟურნალებში (ეს ფეისბუქიდან ვიცი, თორემ ბეჭდურ მედიას არ ვწყალობ) და ერთ-ერთ ონლაინ გამოცემაშიც (ვეცადე მოძებნა, მაგრამ ვერ ვიპოვე ვერაფრით) იმასაც წერდნენ, რომ “მამამისის შვილობის” გამო აიტაცა ასე ყველამ, რაც ძალიან დიდი სისულელეა. შეყვარებული თინეიჯერი, ბერას რომ უყურებს და მის სურათებს ათვალიერებს, ეჭვი მეპარება მამამისი გაახსენდეს :D

მოკლედ, თავიდანვე კარგად ვიყავი განწყობილი და სავარაუდოდ ამიტომ არ ვთქვი ამ შუა გამოცდების პერიოდში კლიპის პრემიერაზე წასვლაზე უარი. გიორგიმ მითხრა, რომ რამდენიმე ბლოგერს ეპატიჟებოდნენ. (მე პირველ რიგში ის დავაზუსტე, პოსტის დაწერა სავალდებულო ხომ არ იყო – სადღაც რომ მივდივარ, როგორც ბლოგერი, თუ ემოციები საკმარისი აღმოჩნდა, ისედაც ვწერ ხოლმე).

მივედი კინოთეატრ რუსთაველში. დაგვხვდნენ ფანები მისი მაისურებით, ხელში მოსაწვევებით და აჟიტირებულები. ცოტა ვიხალისეთ (ნუ,ცოტა…) ამ სიტუაციაზე. ბერა რომ მოვიდა დაცვით და კივილი ატყდა განსაკუთრებით მაშინ, მაგრამ რომ ვთქვა დასაცინი რამე იყო მეთქი – არა. არც ნინო ჩხეიძეა და არც ბედინა, რომ გული გაგისკდეს ვინმე მისი ფანი რომ აღმოჩნდება. გულიც კი მიჩუყდებოდა რომ ეხუტებოდნენ ცრემლმორეულები :)))

კლიპის პრემიერაზე

სიტუაციის უკეთ წარმოდგენისთვის სიყვარულოვნას გადაღებული ვიდეო იხილეთ:

4:42-დან კლიპიდან მონაკვეთი

ეს იყო VIP პრემიერა კლიპისა “Hip-Hop ვალსი”.  (კურიერ პ.ს.-ის რეპორტაჟი გადაღებების პროცესზე) ერთ-ერთ მცირე დარბაზში. თავიდან კითხვები დაუსვეს, უმღერეს, უკივლეს და ა.შ.  ძალიან დადებითი მუხტი აქვს ამ ბავშვს და მომკალით:)) გახარებული და ცოტა აღელვებულიც იყო.

რაც შეეხება კლიპს და სიმღერას, ამის შესახებ დავასტატუსე:

ლოს ანჯელესის ცათამბჯენის სახურავზე რომ კლიპს გადაიღებ, თავისთავად, ამერიკული იქნება,მაგრამ აქ ეს არ არის მთავარი. მთავარია,რომ რეპი იყო ქართული და თან ამერიკული :Dქართული ტექსტები სულ ცუდად მხვდება ყურში მიუხედავად იმისა, რომ ინგლისურიც იგივენაირი ტექსტებია. განსაკუთრებით რეპი, მაინც ისეთი საკითხია…პირველივე მოსმენით/ნახვით იშვიათად ვიწონებ კლიპს- იმდენად აკვიატებადი თემა აქვს და რიტმიც დასამახსოვრებელი, მაშინვე ავმღერდით ყველა. არ ვიცი როდის აპირებს სინგლის გამოშვებას და კლიპის მასშტაბურ პრემიერას, მაგრამ მე ველოდები იმიტომ, რომ კიდევ მინდა ყურება :D

დიდი იმედი მაქვს კიდევ ბევრ რამეს გააკეთებს. საშუალება და რესურსი როცა არსებობს, მიზანმიმართულად ხარჯვას არაფერი ჯობია. მართალია უკონკურენტო იქნება ამ ბაზარზე ჩვენთან, მაგრამ აუცილებელია არსებობდეს. ასე რომ, ზემოთხსენებულ ზედმეტობას თუ არ ჩავთვლით, მე მგონი finally, გაჩნდა ისეთი ქართველი შოუბიზნესში მომუშავე,  ვისი ფანობაც არ ტეხავს.: )

ესეც საიტები (შავ ფონს თუ შეცვლიან, მთლად უკეთესი იქნება)

http://beraofficial.com/

http://bera.ge/

ზოგიერთი მათგანის მომავლით ვინტერესდები- თუ ვფიქრობ, რომ რაღაც პერსპექტივა არსებობს, subscribe-ს ვაჭერ და ვაკვირდები მოვლენების განვითარებას.

მაგალითად, Jessie J, რომელსაც ძალიან განსხვავებული და ძლიერი ვოკალი აქვს, თვითონ წერს სიმღერებს და რომელიც ასე ქავერ-ქავერ  და youtub-youtub (:D) გახდა პოპულარული ნელ-ნელა.   უკვე 2 კლიპი გადაიღო “Do it like dude” და “price tag” b.o.b-თან ერთად. გამოუშვა ალბომიც და დარწმუნებული ვარ დროთა განმავლობაში მეტს და მეტს მიაღწევს ( ასევე გავიფიქრე თავის დროზე ჯასტინ ბიბერზე, ვიდრე გავიგებდი, რომ როცა მე მისი 10 წლის ასაკში ნამღერი ვნახე და ვთქვი “ეს ბავშვი ბევრს მიაღწევს”-მეთქი, აშერს უკვე ნაპოვნიც ჰყავდა და ჩემს ჭურში ვერ შემოღწეული პოპულარულობაც მოპოვებული ჰქონდა).

დაახლოებით ერთი თვის წინ, lady gaga-მ დააშეარა ვიდეო, ახალი სინგლის, born this way-ს ქავერი:

მე არ მყავდა გაგა დალაიქებული, მეგობრებმა გადმოაშეარეს.  ვუყურე ამ ბავშვს- ძალიან ნიჭიერია!  მაშინვე დავაჭირე subscribe-ს- ძალიან მაინტერესებდა რა ბედი ელოდა 10 წლის მარიას, რომელსაც როგორღაც მიაგნო გაგამ youtube-ზე (მერე რადიოში სატელეფონო ინტერვიუში თქვა, რომ ძალიან ცუდი დღე მქონდა და მარია რომ მაჩვენებს, ცრემლებს ვერ ვიკავებდი, ძალიან ბედნიერი ვიყავიო), დალინკა თავის 30 მილიონიან  ფეისბუქის გვერდზე და გადააშეარა ძალიან ბევრმა. გაგაც დავალაიქე, რომ თვალ-ყური მედევნებინა მიაქცევდა, თუ არა მომავალშიც ყურადღებას.

ამ ამბიდან მეორე-მესამე დღესვე დაიწყო- ლიმუზინით მიაკითხა რომელიღაც რადიომ სკოლაში, წაიყვანეს თავისთან, დაალაპარაკეს გაგას ტელეფონით, იქ შეპირდა, რომ თავისი ტურის ერთ-ერთ კონცერტზე დუეტს იმღერებდნენ და მერე ასეც მოხდა. სურათებიც დადო და დუეტის ვიდეო official-ზე ატვირთა.

ელენმა თავის შოუშიც მიიწვია

(სხვათაშორის ძალიან ჭკვიანია ასაკთან შედარებით)

მოკლედ რომ ვთქვათ და ვაღიაროთ- გული ამიჩუყდა ამ ყველაფერზე: ))

ვთვლი, რომ ასეთი შემთხვევები ძალიან დიდი სტიმულია დანარჩენებისთვის. შეიძლება ზოგისთვის შურის საბაბი გახდეს, ბევრს არ მოეწონოს, მაგრამ რა მნიშვნელობა აქვს… იღბლიანობა ქვია, თუ “ბედნიერ ვარსკვლავზე გაჩენა”, 10 წლის მარიას გარანტირებული კარგი მომავალი აქვს და she deserves it.

ხანდახან ალბათ მარტო იმიტომ ღირს აშერობა, ლედი გაგობა და ა.შ. (აქ “კოლმეურნეობის თავმჯდომარე” და ყველა იმ სტარის საპატიო სია, ვინც ამდაგვარ სიკეთეს ჩაიდენს ან უკვე ჩაუდენია)-ობა, რომ შეგიძლია მაუსის ერთი დაწკაპუნებით ასეთი მომავალი შეუქმნა ვინმეს (თუმცა ყველა ვარსკლავი ვერ ტვინავს ამდენს).

შეიძლება ასეთი ამბები იმიტომ მიზიდავს, რომ ტალანტ შოუებში ვარ თავით შერჭმული, ან პირიქით- ტალანტ შოუები იმიტომ მიზიდავს, რომ იქაც ხდება ასე და ასეთი ისტორიები სტიმულს მაძლევს. იმის სტიმულს არა, რომ აი ეხლა მე დავაქავერებ რამეს, დავდებ youtube-ზე, მიპოვის will.i.am-ი და ავშენდები. უბრალოდ – ადამიანურად მიხარია მათი დამსახურებული წარმატება და ვფიქრობ რა კარგია ცხოვრება (ასევე ფეისბუქი და იუთუბი)  ხანდახან: ))

მოკლედ, შევთანხმდით, რომ მოვიფიქრებდი რა უნდა მემღერა და მივიდოდი და ჩავწერდი.
იმდენად აჟიტირება და აღელვება დამეწყო, ჯერ ხომ იმ ღამეს საერთოდ არ მეძინა, ახლა მეორე დღეს მთელი დღე ვმღეროდი, რომ მივხმვდარიყავი რომელი სიმღერა მინდოდა და ხმა ჩამიწყდა. კვირას უნდა მივსულიყავი და მთელი 2 დღე  თაფლიანი ჩაი ვსვი და წამლები ვყლაპე, მინიმუმ 6-8 ჭიქა ჩაის ვსვამდი დღეში, რეკორდია ჩემთვის.

სიმღერის არჩევა ძალიან რთული იყო.ზოგი ისეთი ავარჩიე, რასაც ქვია გუშინდელი გამოსული და ორიგინალი ინსტრუმენტალი არ იშოვებოდა. მერე კიდევ გავცხრილე , ბოლოს lady gaga- paparazzi, cheryl cole-  promise this/fight this love, rihanna- fading, stupid in love დარჩნენ. ბოლოს stupid in love შევარჩიე, არადა იქამდე მოსმენილიც  არ მქონდა და ორ დღეში უნდა ამეთვისებინა.

ახლა რატომ:
rihanna კარგი გოგოა :D
stupid in love -ს ლამაზი მელოდია აქვს და კარგი რიტმი.

მაგრამ ამაზე საიმონი ნამდვილად მეტყოდა, რომ იყო wrong song choice! :D მეგონა, რომ ადვილი სამღერიც იქნებოდა იმიტომ, რომ სახლში აშკარად ყოველგვარი სირთულის გარეშე ვმღეროდი, მაგრამ კაი მატყუარა კი ყოფილა:)))

ამ ჩემი ზედმეტი აჟიტირების და სიტუაციის გასერიოზულების გამო დამემართა ის, რასაც ველოდი! მირიანი გავაფრთხილე წინასწარ, ხმა თუ არ ამოვუშვი, შეგიძლია თავში ჩამარტყა მეთქი და ჩაწერის სადღაც შუაში  მოუწია ახალთახალი კლავიატურის გამზადება თავში სათავაზებლად.

სანამ გაიშალა მიკროფონი და სიმღერის დრო მოვიდა, სკამზე ჯდომის დროს ჩვეულებრივ ამომდიოდა ხმა და როგორც კი მიკროფონთან მივედი იქ დაიწყო ტანჯვა!

lyrics

იმდენად მეშინოდა შეცდომების, რომ ხმა მიკანკალებდა. შიშით ვერ ვმღეროდი ხმამაღლა :D და ასე ხო უფრო შეცდომები იყო? მოკლედ, ნელ-ნელა ნელ-ნელა შედარებით მოვედი აზრზე.

what the FACE :D

ამასობაში მირიანს უწევდა მთელი ახსნა-განმარტებითი ლექციების ჩატარება, რომ ნებისმიერი მომღერალი სტუდიაში ერთსა და იმავე ფრაზას წერს რაამდენჯერმე, მერე არჩვენ საუკეთესო ვარიანტს და ამუშავებენ. პრინციპში რაც MTV-ის დაჯილდოების ცერემონიალზე katy perry-ს ნამღერს ვუყურე, იმის მერე კი მჯერა მაგისი :D

და ასე მოკლედ, გავიწურე ნერვიულობით. არადა რომ არ მენერვიულა უკეთესი გამოვიდოდა. სახლში რაც მოვედი იმის მერე ვიცოფები, რამ გამადებილა მეთქი. ამ ეტაპზე ჯერ 25 წამიანი მონაკვეთი მაჩვენა ჯერ მარტო ცოტა რომ დავმმშვიდებულიყავი, დანარჩენი დასალაგებელია:)))

არადა მიუხედავად ამ სტრესისა, ისეთი სასიამოვნო პროცესი იყო! მაზოხისტი არ ვარ, მაგრამ მართლა რა, ჩემი სტიქიაა :/ და კიდევ დიდხანს დამწყდება გული, რომ ბავშვობიდან არ მივხედე ხმას და გავიფუჭე. ალბათ სახლში რომ მედგას წესიერი მიკროფონი და ვიცოდე ტრეკის გაკეთება, მეტს არაფერს აღარ ვიზამდი. უბრალოდ ძნელია იმასთან შეგუება, რომ დაუმუშავებელი ხმა მაქვს, პროფესიონალის ხელი ყოველთვის ჭირდება, სულ მინიმუმ სუნთქვის რეგულირებისთვის.

არ შეგეშინდეთ ახლა, მომღერლობას არ ვაპირებ :D აი უბრალოდ ოდესმე თუ გადაუარა მირიანს სტრესმა  და კიდევ მოინდომა ჩემთან თანამშრომლობა სტუდიამ “ როცა მე მინდა, რაც მინდა და რაფერაც მინდა ისე ჩავწერ”, დროდადრო ვჰქნამ ხოლმე, რა მოხდა:))

სტუდია “ როცა მე მინდა, რაც მინდა და რაფერაც მინდა ისე ჩავწერ”

ერთი იმას მივხვდი, რომ კონკურსებზე ცხოვრებაში ვერ გავალ. ისეთი შეგრძნება მქონდა, გეგონება საიმონი მიზის წინო და დავიფერფლე ნერვიულობით. მერე კი შედარებით შევეგუე ჩემი სუპერ ვუპერ ხმის რეჟისორის კეთილ რჩევებს და ნელ-ნელა მოვშინაურდი :D

კიდევ დავადგინე, რომ მინიმუმ 5 წელი დასჭირდება ჩემს გამოწრთობას ისეთად, როგორიც მინდა რომ ვიყო. თუმცა სტუდიაში სიმღერის ჩაწერის მეორე მცდელობა ვიცი ასეთი საშინელება არ იქნება. პატარა გამოცდილება ხო მაინც მაქვს და…

თუ ოდესმე მოგიწიათ, გაითვალისწინეთ:

• ნერვიულობა არის ყველაზე დიდი შეცდომა, რაც შეიძლება ამ დროს ჩაიდინოთ
• არ მოგერიდოთ ხმის გამოშვება (თუმცა მე საკუთარ სახლში მერიდება ხოლმე და.. :/ )
• აარჩიეთ სიმღერა, რომელიც ბოლომდე გაქვთ გათავისებული

მოკლედ ასე, ვნახოთ რა გამოვა. თუ ძალიან არ შემრცხვა დავდებ აუცილებლად:)) არ ვიცი როგორი გამოვა, რამხელა დამუშავება დაჭირდება (თუ შევამჩნიე, რომ ბევრი, ალბათ ფანჯრიდან გადავხტები :D ), მაგრამ თავს ვიმხნევებ-

არანაირი გამოცდილებით, პირველი მცდელობა, უაზროდ ნერვიულობა. ველოდები შედეგეს და can’t wait ^_^

სიმართლე გითხრათ დღეს სულ სხვა რამეზე ვაპირებდი დაწერას, მაგრამ სანამ გამოვაქვეყნებდი, რამდენიმე წუთით ადრე მარიამ კახელიშვილის საევროვიზიო კლიპი დამილინკა ნიკამ და მითხრა, ძალიან გაბრაზებული ვარ რომ ლანძღავენ ყველგანო.

სანამ კლიპს დავლინკავ ცოტა შორიდან მოვუვლი და გეტყვით- მიუხედავად იმისა, რომ ნიჭიერის ყველა მონაწილე შვილივით მიყვარს (არა,გატყუებთ :D ), მაინც ზოგი ნაკლებად მომწონს ან რადგან პიროვნულადაც ასე თუ ისე შეხება მქონდა, ნაკლებად ვცემ პატივს. ხოდა მარიამ კახელიშვილი ერთ-ერთი მათგანი იყო ზუსტად ნიჭიერის პერიოდში. რაღაც თავისებური ბავშვია, ვერ შეატყობ როდის სწყინს ან როდის უხარია. ნუ წყენას კიდე შეატყობ, მაგრამ მაგის კმაყოფილი სახე მე არ მინახავს არასდროს. სულ წუწუნებდა, ბუზღუნებდა და ა.შ. ერთი პერიოდი იმასაც ვამბობდი, რომ ყვირილი ეხერხება და დაბალ ნოტებს დახვეწილად ვერ იმღერებს მეთქი, მაგრამ მერე ვა ბანკში რომ ვნახე ანი ხანჩალიანთან დუეტისას, კარგად გამოუვიდა. (აქვე არ შემიძლია არ ვთქვა, რა ბედნიერი ვიქნებოდი ანი რომ წასულიყო ევროვიზიაზე). მართალია ბოლოს ბრავოში ძალიან არ მომეწონა, რომ ვითომდა იმპროვიზაციის ხარჯზე ძალიან ბევრი რთული ბგერა გააპარა,  ის მაინც აღსანიშნავია, რომ ნიჭი ნამდვილად აქვს.  ძლიერი ხმა და შესრულების თავისებური მანერა, რომელიც როგორც აღმოვაჩინე დაუხვეწავს ნიჭიერის მერე. იქ რაღაც ხელოვნური მეჩვენებოდა ხოლმე.

საბავშვო ევროვიზიაზე მარიამმა რომ გაიმარჯვა ეგ ვიცოდი. სიმღერაც ვნახე სადღაც ოღონდ სცენაზე იყო გადაღებული, ცოტა ცუდი ხარისხით და არ მომეწონა ,    მაგრამ   საკითხს არ ჩავღრმავებივარ , ნამდვილად არ მაინტერესებდა.

დღეს ნანახმა კლიპმა კიდევ მოლოდინს (რომელიც არც თუ ისე კარგი იყო) ნამდვილად გადააჭარბა. დიდი ხანია ქართული კლიპი ასეთი კარგი არ მინახავს. მოდი, შარს რომ გასაქანი არ მივცე, დაწვრილებით დავასაბუთებ რატომ არის კარგი და ვინც არ მეთანხმება, შეუძლია შემეკამათოს და მითხრას, იქნება მე მეშლება.

1. ჭკვიანმა (არანაირი ირონიულობა) იმიჯმეიკერებმა როგორც ჩანს გადაწყვიტეს მარიამის წონისთვის მიეხედათ. ვერ ვიტყვი, რომ მსუქანი იყო, მაგრამ ყოველ შემთხვევაში პუტკუნა- კი. რაც ხელს შეუშლიდა კარგად მოძრაობაში და ის იმიჯიც არ მოერგებოდა რაც ახლა აქვს.

მასე თუა lady gaga-ს bad romance-ს დასაწყისის ქორეოგრაფია მაიკლის thriller-იდან რომ არის გადმოკოპირებული? რა,არა? :D  (აუ ამის თქმა სულ მინდოდა, ვიცი რომ შუაში არ არის ახლა, მაგრამ…ძლივს არ მომეცა საშუალება? :D )

ასევე ლუის ცოტა არ იყოს “მოხვდა” დანარჩენი ჟიურებისგან. მოკლედ, დანარჩენი განხილვაში. სრული გადაცემის სანახავად აი  ტორენტის ლინკი

1.პეიჯი

სიმღერის პირველ წამებზე ცოტა დაბნეული მომეჩვენა, მაგრამ მალევე გამიარა ამ შეგრძნებამ. ვთვლი, რომ დენიმ სწორად შეურჩია სიმღერა. მოუხდა პეიჯის ტემბრს.  ჟიურის შეფასებები დადებითი იყო -ლუიმ თქვა, რომ უკეთესობისკენ მიდიოდა ყოველი შესრულების დროს. შერილმაც დადებითად შეაფასა. საიმონმა ჩაცმულობა გაუკრიტიკა,  აღნიშნა, რომ ეს მნიშვნელოვანია. თუმცა უთხრა, რომ ვოკალი და შესრულება აბსოლუტურად გამართული იყო მიუხედავად იმისა, რომ ის არ იქცევა სცენაზე, როგორც ვარსკვლავი.

მე ვიცი რას გულისხმობდა საიმონი და ვეთანხმები, თუმცა თუ გადავხედავთ პეიჯის დანარჩენ ჩაცმულობებს, რითაც ის გამოსულა სცენაზე, მგონი ყველაზე კარგი იყო.  დენიმ აღნიშნა, რომ სიმღერის დასაწყისიდან ბოლომდე არაჩვეულებრივი შესრულება იყო- „that’s was magic!“ – ეს არის დენის შეფასება.

პეიჯმა განაცხადა, რომ ეს მე ვარ და ასეთი ჩაცმულობა მაქვსო. ასე რომ როგორც ჩანს დიდად გულზე არ მოხვდა საიმონის პატარა კრიტიკა :))

ვიდეო:

2.ჯონი

ჯონის ეს გამოსვლა, მისი დანარჩენი ემოციური და  სევდიანი გამოსვლებისგან განსხვავებული უნდა ყოფილიყო. სწორედ ამიტომ შეურჩია ლუიმ ეს სიმღერა. ვთვლი, რომ  სტილი ცოტა ხელოვნური იყო ჯონისთვის. ალბათ იმიტომ, რომ მე შევეჩვიე მის ემოციურ მხარეს. თუმცა ისეთი ვოკალური მონაცემები გამოავლინა და ისეთ მაღალ რეგისტრში ამღერდა, რომ  ღირდა ამ სიმღერის გამოტანა. თუნდაც იმიტომ ღირდა, რომ  ის საცეკვაო ნომერი გვენახა, რომელიც თან ახლდა გამოსვლას :D ეს ცეკვა საიმონმა ძაღლების განაყოფიერების სცენას შეადარა, რაზეც დარბაზში სიცილი ატყდა :D

მოკლედ, ჯონს არაფერი და ლუის კი ბევრი „მოხვდა“ დანარჩენებისგან. საიმონმა უთხრა- ვცდილობდი კონცენტრაცია მომეხდინა ჯონის  სიმღერაზეო, როცა ასეთი ცეკვა აფორმებდაო.   ლუიმ კი პასუხი ასე უბრალოდ გასცა დანარჩენებს – ჯონ, მე მინდა უბრალოდ შევაფასო შენი ვოკალი, შენი ახალი იმიჯი- თმის ახალი ვარცხნილობა და ჩაცმულობა. შენ გამოიყურები როგორც პოპსტარიო.

ვეთანხმები, მოუხდა ეს სტილი. უბრალოდ რაც არ უნდა იცინოს ხოლმე, თვალებში რაღაცა სულ მოწყენილობას აღვიქვამ.

ვიდეო:

3. რებეკა

მე 100%-იანი დარწმუნებით ვამბობ, რომ ეს იყო რებეკას საუკეთესო გამოსვლა.  პირველ რიგში შერილს მოვუწონებდი სიმღერის არჩევანს. თანაც რეპეტიციებზე ჩანს, აშკარად ბევრი იმუშავა მენტორმა, რომ ასეთ იდეალურობამდე მიეყვანა შესრულების მანერა, თორემ რებეკას ხმას იდეალურობა არ აკლია ნამდვილად.

ლუიმ თქვა,რომ როცა გიყურებთ სცენის მიღმა, შენ ერთი მორცხვი გოგონა ხარ და როგორც კი სცენაზე გამოდიხარ, ყველაფერი იცვლებაო და დაამატა, რომ უნიკალური ხმა აქვს.

საიმონი:  რასაც მე დღეს ვგრძნობდი იყო, რომ ჩვენი პრაქტიკები დამთავრდა. მე უნდა ვთქვა,რომ ეს არის ის შესრულება, როცა შენ გახდი ვარსკვლავი. სხვათაშორის, დაურთო ერთი საინტერესო ამბავი: თურმე ელტონ ჯონს უთქვამს ერთ-ერთ ინტერვიუში, რომ გასაქანს არ აძლევს ეს  შოუ მონაწილეებსო და  შეპირდა ელტონს, რომ მეთვითონ გამოგიგზავნი რებეკას ნამღერის ჩანაწერს, თუ არ უყურებ ახლაო :D

რამ გადარია ელტონ ჯონი ვერ გავიგე.

ვიდეო:

4. შერი

მომკალით და შერის გამოსვლებს ვერასდროს ვერ ვუყურებ, როგორც  საკონკურსოს. როგორც სხვა მონაწილეებს ვოკალზე ვარ მიყურადებული, არიქა როგორ უშვებენ ბგერებსთქო და ამ გამახვილებული ყურადღების ხარჯზე ხშირად მთლიანობას ვერ აღვიქვამ, შერზე ყველაფერი სხვანაირად არის. აი უბრალოდ ვჯდები და ვუყურებ იმისთვის, რომ ვიცი სიამოვნებას მივიღებ. უნაკლო ჩაცმულობა, უნაკლო სტილი, უნაკლო შესრულება!

თან ამ ლაივზე ცოტა  გარისკა და მოძრავი დეკორაცია გამოიყენა. ვისაც უცდია სიმღერა მაგალითად საქანელაზე ჯდომის დროს, კი ექნება გამოცდილი, რომ ასე თუ ისე ძნელია ხმის დაჭერა :D ხოდა მშვენივრად მოახერხა. თან მომწონს, რომ საერთო ქორეოგრაფიაში ერთვება ყოველთვის.  ცოტ-ცოტა გარეპვებიც სტილში გაუჯდა უკვე და მე ვფიქრობ ეს მნიშვნელოვანია. ჯერ მხოლოდ 4-5 გამოსვლა გვაქვს ნანახი და  უკვე იმდენად ჩამოყალიბებული იმიჯი აქვს, რომ თავისუფლად შეგვიძლია ჩავსვათ ვარსკლავების სიაში, სადაც ნამდვილად მოაჯდებოდა თავზე ფინტიკლუშკა საირუს-გომეზებს :D

ჟიურის შეფასებებს რაც შეეხება: ლუისაც ელტონ ჯონი გაახსენდა და თქვა, რომ თუ უყურებს, ზუსტად ვიცი, მოეწონებოდიო. დენის დადებითი შეფასების შემდეგ შერმა ღრმად ამოისუნთქა დამშვიდების ნიშნად :D საიმონმა პირველ რიგში შერილი შეაქო:)) საიმონის შეფასება აბსოლუტურად დაემთხვა ჩემსას-” მე ვერ ვგრძნობდი, რომ ახლა კონკურსზე იყავი. ისეთი შეგრძნება იყო, რომ უბრალოდ შენს ახალ სინგლს ასრულებდი”.

შერმა თქვა, რომ ეს იყო პირველი კვირა, როცა კომფორტულად გრძნობდა სცენაზე თავს- that’s me… and i did me…

ვიდეო:

5. მეთი

ყველაზე დიდი მოულოდნელობა ამ ლაივში- მეთი მღერის ბრიტნი სპირსის ცნობილ  სიმღერას. არ ვიცი საიდან მოუვიდა დენის ეს იდეა, მაგრამ ფაქტია- გაამართლა.  მეთის ხმა ისეთი უნიკალურია, რომ  ალბათ ლექს-სენის სიმღერა რომ იმღეროს, ისიც  კი კარგი გამოუვა :D მოკლედ, ზედმეტის ლაპარაკი არ მინდა, must see-ა!

საიმონმა თქვა, რომ დიდი რისკი იყო და  შესანიშნავად გამოუვიდა. დენმა კი დაამატა- შენი შესრულება იქნება ამ სიმღერის ის ვერსია, რომელიც მექნება თავშიო და როდესაც ამ სიმღერას გაიხსენებს, ბრიტნის კიარა პირდაპირ მეთის ნამღერი გაახსენდება:))

6. one direction

one direction-ს საიმონმა ბოლო წუთებში შეუცვალა სიმღერა. რომ ვუყურებ ხოლმე ერთადერთი შეფასება მიჩნდება- cute! :D უკვე შეუძლიათ დაიწყონ კლიპების გადაღება და იქაურ თინეჯერებს ისე მოსწონთ უკვე, რომ არ გაუჭირდებათ…  ლუიმ  ჯასთინ ბიბერის მიერ მიღებულ აპლოდისმენტებს შეადარა  დარბაზში ატეხილი ემოციები :D

7. ტრეისი

ტრეისი სრულიად განსხვავებული იმიჯით წარსდგა ამ ლაივზე. ლედ ზეპელინის სიმღერა შეასრულა. ჩაცმულობიან-სიმღერის სტილიანად ყველაფერი შეცვლილი იყო. მე ვფიქრობ, სწორი გადაწყვეტილება იყო. სხვა თუ არაფერი, წინა გამოსვლებში საერთოდ ვერ ვამჩნევდი და ახლა აშკარად მიიქცია ყურადღება.

საიმონმა უთხრა: ამ გამოსვლას შევადარებდი, როგორც კატა გადაიქცეს ვეფხვად ერთ კვირაში :)) დაუჯერებელი ცვლილებააო.

8. მერი

სიმღერა შეცვალა და ლუიმ გადაწყვიტა ის ემღერა, რაც ქასთინგზე. ძნელია ისევ აღაფრთოვანო პუბლიკა იმით, რაც უკვე ნანახი აქვთ, მაგრამ მერის იმხელა ემოცია, ენერგია და იქს ფაქტორი აქვს, რომ ამას ნამდვილად ახერხებს. დენიმ და საიმონმა ლუის შენიშვნა მისცეს იმის გამო, რომ ერთი და იგივე სიმღერა ამღერა. ხაზი გაუსვეს, რომ ეს მხოლოდ ლუის ბრალი იყო და მერი არაფერ შუაში იყო.

9. ეიდენი

ეიდენს წინა კვირაში ბევრი შენიშვნის მიღება მოუწია. ნერვიულობდა სიმღერაში მაღალი ნოტების გამო და ძალიან დაეტყო ყველაფერი. ამ კვირაში ბევრს მუშაობდა. როგორც დენიმ თქვა- ეიდენი უნდა დაბრუნებულიყო:)

[დეკორაციით რომ არ აღვფრთოვანდე არ შემიძლია]

საერთო ჯამში, მართლა შთამბეჭდავი გამოსვლა ჰქონდა. შეფასებების შესაბამისი იყო. მხოლოდ შერილმა გააკრიტიკა ცოტათი. რაც მთავარია, საიმონმა განუცხადა-

you are back in the game…

10.

გოგოებმა გადაწყვიტეს, რომ სიმღერის არჩევანი საიმონისთვის კი არა, თავიანთი თავებისთვის მიენდოთ. საიმონიც დათანხმდა და ვთვლი, რომ კარგი გადაწყვეტილება იყო, რომ თავის ნებაზე მიუშვა.  მაგრამ ლუიმ და დენიმ გააკრიტიკეს ეს გადაწყვეტილება. შერილს  მოეწონა მხოლოდ.

ლუიმ როგორც ჩანს საიმონზე შურისძიება გადაწყვიტა და გოგოებს უთხრა, რომ მათი ხელმძღვანელი მთელ ყურადღებას ბიჭების ჯგუფს უთმობსო. საიმონის სახე უნდა ნახოთ ამის გაგონებისას :D გოგოებმა განაცხადეს, რომ აბსოლუტურად ენდობიან საიმონს და ასე არ ფიქრობენ.

ისე სტილიც კარგად იყო და თმის ვარცხნილობაში ერთნაირი დეტალებიც ძალიან მოუხდათ.

11. ვაგნერმა გადაწყვიტა ბრაზილიური კარნავალი მოეწყო სცენაზე :D  რა ვქნა, ამ კაცს ვერ აღვიქვამ კონკურსანტად. უბრალოდ როგორც ლუიმ თქვა კარგი სანახაობა და განსხვავებულია.  და შედეგებს რომ დავწერ, მერე გეტყვით ზუსტად რას ვფიქრობ, ცოტა ქვემოთ.

12. ქეითი

მახსოვს, შერილს აკრიტიკებდნენ იმის გამო, რომ ქეითი გადაიყვანა ლაივების ტურში. მე კიდევ ვიცოდი რასაც აკეთებდა და ვიცოდი, რომ ქეითის გამუდმებული ნერვიულობა და დაბნევა გამოსწორებადი იყო. ამ გოგოს გარეგნობიდან დაწყებული, ვოკალიდან დამთავრებული რაღაც განსაკუთრებული აქვს.  ყველა გააოცა ამ ლაივზე და მე ვთვლი, რომ საუკეთესოდ წარმოადგინა, თუ რა შეუძლია სინამდვილეში. მთელი სიმღერის მანძილზე სულ მოძრაობაში იყო, ქორეოგრაფია შეიტანა და ძალიან რთულ მოძრაობებსაც აკეთებდა. ხმაში არც დაღლა შეპარვია, არც ხარვეზები ჰქონდა და ყველაფერი იდეალური იყო. შესაბამისი შეფასებებიც მიიღო.

აქვე ერთი დეტალი მინდა აღვნიშნო-  ძალიან ძალიან კმაყოფილი ვარ იმით, რომ იქს ფაქტორის ოფიციალურ ბლოგს  ლაივების დროს სულ ახსენებენ და ვბრაზდები იმის გამო, რომ ნიჭიერის ბლოგი მარტო ერთხელ ახსენეს და ისიც ნიჭიერში კი არა, კურიერის სიუჟეტში უბრალოდ. ვამაყობ იმით, რომ მიუხედავად ამ “მიგდებისა” მაინც ძალიან პოპულარული იყო. ეს ისე, ჩემთვის :D

ბოლოს, ფინალისტების საერთო სიმღერა :))

პ.ს. იქს ფაქტორად კი გადავიქეცი ჩემდაუნებურად, მაგრამ ჩემი ბრალი არ არის, ასე დაემთხვა უბრალოდ რომ მეტი ვერ  მოვიცალე:/

ჭორები, რომელიც მარტო ” აი იმ მომღერლის დეიდაშვილმა მოუყვა ჩემი მეზობლის მაზლს“-ით  არ შემოიფარგლება. კიდევ  როგორც ვიცი არსებობს რაღაც ჟურნალები, რომლებიც არ წამიკითხავს და ამიტომ თავს შევიკავებ რამის დაწერისგან. (ერთადერთი ის ვიცი, რომ პრაიმ ტაიმი არ მევასება :D ფეისბუქზე რომ დიდხანს ტრიალებდა- ნანუკა ხაზარაძის  და მისი ქმრის ამბავი,დაჟინებული ჟურნალისტი რომ ეძიება, დაახლოებით მივხვდი რა საოცრებაა).

მოკლედ, აქედანვე შევთანხმდეთ, რომ არც ერთი ინტერნეტ, სატელევიზიო თუ ბეჭდური მედია საშუალება არ არსებობს შოუ ბიზნესზე რომ მუშაობდეს, მაგრამ დამსახურებულად შეუძლიათ შემომედავონ- არ არსებობს ეს ბომონდი და შოუ ბიზნესი და რა გავაშუქოთ, რა დავწეროთო :D

პირველი პრობლემა- საქართველო არის  ძალიან პატარა. ორი გამოსავალია აქედან- ან დაკარგული ტერიტორიები უნდა შემოვიერთოთ, ოღონდ აფხაზეთზე და ოსეთზე არ მაქვს საუბარი, ალბათ ნიკოფსიიდან დარუბანდამდე დაგვჭირდება ყველაფრის აღდგენა მინიმუმ :D

ან…

სინამდვილეში, საქართველოში მართლა არსებობს იმის რესურსები, რომ რაღაც შოუ ბიზნესის მაგვარი შევთხზათ. შეიძლება მარტო მე მაწუხებს ეს ენერგიები და მძაფრი სურვილი და იმიტომ მგონია ასე, მაგრამ თითქოს დარწმუნებული ვარ, რომ  ეზარებათ პროდიუსერებს, კომპოზიტორებს, თვითონ მომღერლებს, რეჟისორებს…

გახსოვთ ვინმე ისეთი მომღერალი, რომელიც ერთხელ გაფართხალების მერე ისევ გამოჩენილა? თქვენი აზრით არც ერთს არ ქონდა შანსი სცენაზე დარჩენილიყო? გინახავთ პროდიუსერი, რომელსაც იმის მაგივრად, რომ სადმე საზღვარგარეთ გაეხიზნა თავისი “ტავარი” რამე სხვაზე უფიქრია? გავიხსენოთ ხუჯაძე-თოფურიას ამბავი. დიდი არაფერი დაგვალკდა, მაგრამ ხომ ხვდებით რასაც ვგულისხმობ? კი, გასაგებია, რომ იქ მეტი პერსპექტივაა, მეტი შემოსავალი და მეტი პოპულარობა და ყველას უფლებაა, რომ უკეთესობისკენ წავიდეს. გინახავთ რეჟისორი, რომელიც მართლა დაინტერესებულა კლიპის ხარისხით? ალბათ 2-3 კლიპი თუ იქნება საერთაშორისო სტანდარტების და ისინიც არ მახსენდება, რომ ჩამოვთვალო.

ხოდა  უკვე მეათასედ ატრიალებენ: „მერაბ სეფაშვილის გარდერობი“, ქეთა თოფურიამ მკერდი დაიბერა“, ქეთა თოფურიამ კიდევ დაიბერა მკერდი“, „ქეთა თოფურიამ დაიბერა…“ „რას ჭამენ ჯგუფ “კენზოს” დამფუძნებლები“ :D (აქვე მინდა აღვნიშნო, რომ კენზო რომ კომედი შოუს ნაწარმი არ იყოს და სასაცილო ტექსტები არ ქონდეთ (რომლებიც მე პირადად  “წვიმა, სევდა-სინანულ და მონატრებებს” მირჩევნია) მელოდიები მართლა კარგი აქვთ. არ დაკვირვებიხართ? o_O ).

თინეიჯერებმა მუზიკ ბოქსის ყურება დაიწყეს, სატელიტები MTV-ის აჩვენებენ, ინტერნეტი უკვე ძალიან ხელმისაწვდომია და თავისთავად, უცხოურ შოუ ბიზნესს უფრო ადევნებენ თვალ-ყურს. უფრო ხარისხიანია, უფრო მიმზიდველია, უფრო გემოვნებიანია და ა.შ.

ბოლო დროს შემოსული ქართული ტალანტ შოუების ვარსკვლავებიც ისე იკარგებიან, როგორც ამერიკაში წასული გურამ ლომიძე :D ეგ ქე მაინც ვინმეს ახსენდება… (მე მაინც ხო გამახსენდა პოსტისთვის) და გახსოვთ ჯეოსტარის ან თუნდაც star academy-ს მონაწილეები, თვით ფინალისტები?  არა,ეს დანაშაული კი არ არის,მაგრამ  უბრალოდ ცოტა უცნაური ხომ არ არის, მე ესენი არ მახსოვს და ამ დროს იქს ფაქტორის ქასთინგების მონაწილეებიც კი  კარგად ვიცი… კარგი, ჯეოსტარს ხშირად არ ვუყურებდი. მგონი მარტო პირველი მაქვს ნანახი და ისიც აზრზე არ ვარ რა ხდება. ახლა ბოლოს ყურება დავიწყე ინტერესის გამო და ბოდიში და same shit. ოღონდაც star academy-ს და ჯეოსტარს არც იფიქროთ ვადარებდე. ყველამ ვიცით რომ ვარსკვლავების  აკადემია ჯობდა :D

მოკლედ, ბევრი რომ არ ვილაპარაკო, ცუდად არის ჩვენი საქმე. ხოდა მე, როგორც აუტკივარი თავის ატკიების ოსტატს,  ბევრი ადგილი რომ მაქვს ტვინში, სულ მეფიქრება იმ ხერხებზე როგორ  შეიძლება ეს სიტუაცია გამოსწორდეს. მაშ ასე, ჩემი გეგმით ამ ყველაფერს ჭირდება:

• არაზარმაცი პროდიუსერები, რომლებიც დაწყებულ საქმეს ბოლომდე მიიყვანენ.
• რეჟისორი, რომელთანაც ძაალიან ბევრი კრეატივშიკი და უცხოურ შოუ ბიზნესში კარგად გარკვეული ადამიანი
• ბევრი ფული, რომლის დახარჯვაც არც სახელმწიფოს არ უნდა დაენანოს და არც კერძო კომპანიას, რომელიც ამ ყველაფერს ჩაიბარებს.
• რა თქმა უნდა, პროდუქტი…

არავინ არ მითხრას “სათქმელად ადვილია”-ო, გასაკეთებლადაც ადვილია და ტყუილად არ ვლაპარაკობ მე, ვიცი რასაც ვამბობ :D თქვენ ნუ გგონიათ, რომ არაფერი გამოცდილებაა ამდენი ტალანტ შოუსთვის თვალ-ყურის დევნება… თავს კი არ ვიქებ, მაგრამ ისეთი ალღო მაქვს, ქასთინგებს რომ ვუყურებ  ზუსტად ვიცი ხოლმე ვინ გახდება სტარი და ვინ მიუხედავად კარგი ვოკალური თუ  გარეგნული მონაცემების მიუხედავად, ჩრდილს დაუბრუნდება. ვარსკვლავობა მარტო კარგი ხმით ან კარგი გარეგნობით არ განისაზღვრება, რაღაც თავისებური ქარიზმა სჭირდება.

ლირიული გადახვევა: ქართველებს რამსები გვაქვს არეული ამ ყველაფერთან დაკავშირებით. ცოტა ხნის წინ ისეთი შოკირება მივიღე ამით-

არ ვიცი რა ladygaga-ობა მოუნდა, მაგრამ ხო ფაქტია, რომ რაღაცა ერევა ამ გოგოს? როგორ არა, ვაღიარებ, რომ მომეწონა ჩაცმულობაც და ვარცხნილობაც, მაგრამ ნინო ჩხეიძე რომაა ავიწყდება?  აბა დადგეს და ის ბაიათები შეასრულოს ამ ჩაცმულობით? მესმის, ადამიანია და ისე უნდა ჩაიცვას, როგორც მოეწონება, მაგრამ როცა ასე თუ ისე პოპულარული ხარ, სატელევიზიო სივრცეში მაინც არ უნდა გამოჩნდე ასე, იმიჯის FAIL რომ ხდება  ეგ ცხადია…

ხოდა ჩემი გეგმა:

გამოცხადდება კონკურსი, ოღონდ ისეთი გრანდიოზული, ცხოვრებაში რომ არავის დასიზმრებია! ოღონდ რეალითი შოუ და  სატელევიზიო შოუები არაფერ შუაშია, უბრალოდ მთავარია ყველამ გაიგოს კონკურსის შესახებ.  (ისე რატომაც არა სატელევიზიო. ცალკე ტელევიზიას გავაკეთებდი და მაყურებელი თავის თვალით იხილავდა იმ გზას, რასაც ვარსკვლავობამდე გაივლიან. ვერც წარმოიდგინეთ რაამხელა განსხვავება იქნება before-after-ში).

პრექასთინგზე ჟიურიში  იქნებიან:

• ვოკალური მონაცემების შემფასებელი, რომლის ვაკანსია ჯერ თავისუფალია და არ გავიგო მარინა ბერიძე :D როგორც პროფესიონალს ვაფასებ, მაგრამ თუ  იქნება, მაშინ მოუწევს მონაწილეს არ დაენახოს და ისე შეაფასოს მერე შიდა თათბირზე.ნიკა მემანიშვილსაც აუცილებლად შევიყვანდი ჟიურიში.

• გიორგი ხაბურზანია, დემნა ჯაფარიძე და გეგა ფალავანდიშვილი პროდიუსერებად და არ გავიგო შედავება! :D  (ეს არაფერ შუაშია იმასთან, რომ ნიჭიერში ვმუშაობდი, ჩესტნა გავარიუ). ვთვლი, რომ კარგი პროდიუსერული ალღო აქვთ და იციან რისგან რა გამოვა.
• ავთანდილ ცქვიტინიძე და ვინმე იმიჯმეიკერი, რომელიც უბრალოდ აათვალიერ-ჩაათვალიერებს მონაწილეებს და ეცდება წარმოიდგინოს რა იმიჯი მოუხდება. მაგრამ ამას მარტო ავთანდილი არ გადაწყვეტს, იქვე იქნება ვინმე ისეთი, ვინც მთლიანად აღიქვამს ვოკალიან-სტილიან-ქარიზმიანად შემსრულებელს (მე ვიქნები რა, მე რა, მე მე… არა? კაი :D ).

პრექასთინგის შემდეგ, მე სიამოვნებით შევაწუხებდი simon cowell-ს. არ ვარ გადაკიდებული და “არიქა” ამ კაცზე, მაგრამ იმდენად ვეთანხმები ხოლმე ყველაფერში, რომ სამართლიანობის ეტალონად მიმარჩნია. არა, მთლად ასეც არაა, ერთი-ორჯერ მაგასაც აჰრევია რაღაცეები, მაგრამ…

ხოდა თუ იმის საშუალება იქნებოდა, რომ აქ ჩამოსულიყო და პირადად დასწრებოდა მეორე ტურს, მთლიანად მას  ავარჩევინებდი იმ რამდენიმეს, რომელსაც ვარსკვლავობას ლანგრით მიართმევდნენ. (საიმონს მეც მივეხმარები რა, მეც რა მეც რა, არა? კაი :/ ).

არ დაიწყოთ ახლა, ქართველებს ყველაფერში მიბაძვა გვიყვარსო, მაგრამ ფაქტია- ერთი მდედრობითი სქესის და ერთი მამრობითი სქესის თინეიჯერი სტარები გვჭირდება! ხოდა ავარჩევდი ორ ასეთს. კიდევ 2-3 ჯგუფი მაინც…თუ ვერა, ერთი მაინც o_O კიდევ ერთ შედარებით დიდ, მოწიფულ მომღერალს, რომელსაც პირდაპირ მსოფლიო ბაზარზე გასასვლელად გავთვლიდი და მინიმუმ თურქეთს მაინც ხო გასცდებოდა? :D

შემდეგი ეტაპი- კომპოზიტორები

ქავერები როდემდე ასრულონ? ან ქართული “ჩქარები და სევდიანები”. ისე, ინგლისურად ავამღერებდი უმეტესწილად. კომპოზიტორებიც ვგონებ კონკურსის სახით უნდა აირჩიონ…

მერე ამ ყველა შესაქმნელად გამზადებულ ვარსკვლავს გადავუღებდით კლიპებს. იქამდე რეჟისორებს სიამოვნებით დავსვამდი და ვაყურებინებდი ძალიან ბევრ ხარისხიან კლიპს, რომლებიც 80-იანებშიც კი გამოსდიოდათ სხვებს და ჩვენ რა გვეძგერა 2010-ში?

_იმიჯს ხელოვნურად არ შევქმნიდი, ანუ თუ მაგალითად მოცემულ პიროვნებაში არ დევს სკანდალების სიყვარული, ძალით არც დავაწყებინებდი. თუ არ უნდა ავანგარდულად ჩაცმა, ძალით არ ჩავაცმევდი.

_ყველას პერსონალურ ქორეოგრაფს ავუყვანდი. გარდა ამისა, ქორეოგრაფების ჯგუფი ცალკე იმუშავებდა კონკრეტული სიმღერისთვის ცეკვის შექმნაზე.

ხოდა მერე სადაც ამდენი ვიწვალეთ, ბათუმში ერთ პატარა ჰოლივუდს გავაკეთებდი. ან იყოს თბილისშიც, რა პრობლემაა. უბრალოდ ცოტა განკერძოებით მდგარი ადგილი (მთლიანი ქალაქი და არა ქართული ვარსკვლავების სახლი, რომელიც ჯერ ისევ აფსაითშია). ერთი დიდი გრანდიოზული სტადიონიც კონცერტებისთვის და ეგ არის…

რაც მთავარია, ყველა მათგანს თავისი პერსონალური ვებ გვერდი, ფეისბუქის პეიჯი და ტვიტერი ექნებოდა. backstage ყველას აინტერესებს :)

კიდევ  აი მაგალითად წარმოიდგინეთ ანი ხანჩალიანის და ჯასტინ ბიბერის დუეტი :D ანუ ხომ ხვდებით რას ვგულისხმობ- უკვე პოპულარობა მოპოვებულთან დუეტი ბევრს ნიშნავს, ოღონდ ეგ ყველაზე რთული საკითხია ყველა ზემოთ ჩამოთვლილთაგან. სამაგიეროდ შედარებით რეალურია უცხოური  ტალანტ შოუების თუნდაც უბრალო მონაწილეებთან ჩაწერა. youtube-ზე მაინც გახდება პოპულარული, თუ მაინცდამაინც მტვ-ზე არა.

ხოდა მე ვფიქრობ, მთელ ამ თავდადებას ორ-სამ  წელიწადში მაინც ექნებოდა შედეგი…

აქვე მოგებაზეც დაფიქრდით ინვესტორებო- შოუ ბიზნესში ბევრი ფულია :) გაეცით და მიიღებთ! :D

ახლა გინდათ დებილობად ჩათვალეთ ეს ყველაფერი და თქვით საქმე გამოელიაო, გინდათ სხვა ხერხები მოიგონეთ, გინდათ თუნდაც იდეები წაიღეთ, ოღონდ  ვინმემ რამე ქენით რა ! :D  თუ არ იზამთ, მე რომ გავიზრდები დიდი გოგო, მყარად რომ დავდგები ორივე ფეხზე, მე ვიზამ -_-

არა,  seriously, თუ მთელ ეს ჩემი მაქსიმუმები არა,  იმდენს მაინც მივაღწიოთ, რომ ქართველ თინეიჯერებში მაინც არ ტეხავდეს ვინმე ქართველის მსმენელობა.

მე მაგალითად ძალიან მინდა ისე ოცნებობდეს ვიღაცა  საქართველოში საყვარელი მომღერლის სანახავად ჩამოსვლაზე , როგორც ჩვენ გვიოცნებია. კი, მაქსიმალისტურად ჟღერს ყველაფერი, მაგრამ ჩვენც მაქსიმუმი გავთვალოთ, იქნებ  მინიმუმი მაინც გამოგვივიდეს…

ცოტა შორიდან დავიწყებ:  ძალიან ცუდად ვერკვევი შოუ ბიზნესში. უფრო სწორად, მუსიკალური არხები, მოგეხსენებათ საქართველოში არ გვაბადია წესიერი. აბა, პირველ სტერეოზე გადართავ და ციფრული ფოტოაპარატით გადაღებული ქართული კლიპები დაგხვდება, music box-ზე კიდევ ყველანაირი მუსიკაა (ოღონდ პირველ სტერეოს არ ვადარებ, გაცილებით უკეთესია) და ამიტომ  მხოლოდ მაშინ ვრთავ, როცა მაგალითად სამეცადინო მაქვს და ჩემი ჩვევის გამო, რომ რაღაც აუცილებლად უნდა ხმაურობდეს- ხმაურობს კიდეც და ისეთი მუსიკაცაა, რომ არ ვუსმენ და მეცადინეობაში ხელი არ მეშლება.

როცა არ ვუსმენ ყურადღებასაც არ ვაქცევ ვინ არიან და რა უნდათ. თან დიდად არ გამოვირჩევი შოუ ბიზნესური სიახლეების ინტერესით. ბოლო დროს დავინტერესდი, რომ მივხვდი რომ  ვაკუუმში ვიყავი მოქცეული იმდენი სიახლეა.

რამდენიმე თვის წინ youtube-ზე justin timberlake-ს რომელიღაც სიმღერის ძებნისას შემომეყარა ერთი ბავშვის ვიდეო, რომელიც რაღაც ძალიან ჩვეულებრივი სახლის ჩვეულებრივ დივანზე იჯდა გიტარით ხელში და მღეროდა ტიმბერლეიკის სიმღერის ქავერს. ისე მომეწონა ბლოგზეც დავდე ვიდეო და ფეისბუქზეც დავლინკე.

აი ახლა, დაივიწყეთ რომ ეს  “ის” ჯასთინ ბიბერია და უყურეთ ჩვეულებრივ youtube-ზე ნაპოვნი ვიღაც ბავშვის ვიდეოსავით:

ხო იტყვით, რომ საყვარელი ნიჭიერი ბავშვია?  ისეთი მელოდიაა, რომ ძალიან ძნელია საინტერესოდ იმღერო თან მარტო გიტარით. ტიმბერლეიკიც ვერ იმღერებდა ასე:D

რომ დავლინკე მერე მითხრეს, რომ ეს ბავშვი  ამ ვიდეოს მერე კარგადაც გაიზარდა და ვარსკვლავიც გამხდარა.

მერე, თუ არ ვცდები, დოდკამ მომიყვა, რომ თურმე ეს ბავშვი დებდა თავის ვიდეოებს youtube-ზე, იპოვა usher-მა, მოეწონა, ჩაწერა დუეტი და ასე ნელ-ნელა გააSTAR. უფრო სწორად, გასტარდა, თორემ რაც არ უნდა დიდმა ვარსკვლავმა გარეკლამოს, თუ ნიჭი არ გაქვს ვინ აიტაცებს?

ამ სიტუაციის გარკვევის შემდეგ უკვე მხვდებოდა თვალში FB-ზე (უეჭველი იქამდეც იყო და მე, რა თქმა უნდა, ყურადღების მიქცევა არც მიფიქრია). საქართველოშიც ძალიან ბევრი ფანი ყოლია და იმდენივე HATER-ი.

ჰეთერების ნაკლებობას არც მთელი მსოფლიოს მასშტაბით უჩივის.

მართლა ძალიან დამაინტერესა რატომ სძულდათ ასე ძალიან და ილიას ვკითხე, ხომ არ იცი მეთქი? ილიამ თქვა მგონი იმიტომ, რომ ყველგან ატენიანო :D  კარგი, დავკმაყოფილდი პასუხით, მაგრამ ბოლომდე ვერ ჩავწვდი მაინც. მერე შევიხედე სხვადასხვა ჰეით პეიჯებზე და რას ვხედავ:

[P.S. some people from foreign  (and also from georgia o_O) thinked, that i'm also hater :D no, that's not right...and if you can't reading georgian languague, that's P.S. is for you :D i just said, i   also don't like bieber and miley, but that Haters sucks, really :P ]

ამ ბოლოზე გული მომიკვდა მართლა :(

ხოდა სერიოზულად დავფიქრდი რატომ სძულთ ასე. რა თქმა უნდა, იმავდროულად საფიქრალია რატომ ყავს ფანები :D მაგრამ მართლა არ არის ისეთი, რომ გძულდეს. JB დაირქვა და gayB-ს ეძახიან, აკეთებენ აი ასეთ საშინელ სურათებს (მეტი საქმე რატომ არ აქვთ), აგინებენ ლექსიკონის ამოწურვამდე, მიდიან კონცერტზე იმისთვის, რომ თავში შუშის ბოთლი ესროლონ o_O

მიზეზი: ყველაფერი ვერ აქვთ დალაგებული თავში :D რას უშავებთ, დგას და მღერის. აბა თუ შნო აქვთ, თვითონ დადონ youtube-ზე სიმღერები და ისე კარგად იმღერონ, რომ ვინმე ვარსკვლავმა იპოვოს და “ხელი მოჰკიდოს”.

მეორე, რაღა ამომავალი და უკვე ამოსული ვარსკვლავი სულ ახლახანს გავიგე- miley cyrus და ის ის იყო მეგონა ბაზარში ყველა რვეულზე და სასკოლო ჩანთებზე გამოსახული hanna montana-ც კიდევ ერთი ახალი იყო, FB-ზე ამიხსნეს, რომ ეს ორი ერთი და იგივეა :D

შემოქმედებაზე ვერაფერს ვიტყვი, ერთი სიმღერა მაქვს მარტო მოსმენილი. ჩვეულებრივი პაპსაა ნუ… მაგრამ ამასაც ბევრი ფანი და ბევრიც მოძულე ყავს.

hate-რების ტენდენცია შევამჩნიე- ბიბერი ბიჭებს სძულთ, ეს გოგო გოგოებს.

ნამდვილად არ მომწონს ეს ახლად გამომცხვარი ვარსკვლავები (კიდევ რამდენიმეს სახელი გავიგე ბოლო დროს და რამდენიმე დღის წინ მუზიკ ბოქსს დაკვირვებით ვუყურე, რომ ცოტა გამეგო რა ხდება) და უეჭველი კიდევ იქნებიან ვიღაცეები, ვინც არ ვიცი, მაგრამ მაინც პატივს ვცემ რომ ამდენს აღწევენ.

რატომ უნდა მძულდნენ აბა. რამდენჯერ მიოცნებია (yes,ახლაც  ვაგრძელებ) საკუთარ სტუდიაზე, კლიპზე, სოლო კონცერტზე და პოპულარობაზე და აბა სად არის? :D ისე, რომ იყოს, ერთი რამე ვიცი- ფსიქოლოგთან სიარული მომიწევდა ისე დავითრგუნებოდი ამდენი მოძულე რომ მყოლოდა. შეიძლება ეს მე ვარ სუსტი და იმიტომ იმოქმედა ერთი ცინგლიანი შეყვარებული გოგოს გახსნილმა გრუფმა i hate tinatin osefashvili თავის დროზე, სადაც მერე კი მაგრად გავერთეთ მთელი ჩემი სამეგობრო, მაგრამ ხო ფაქტია ვიღაცას იმ მომენტში ისე ვძულდი მუქარის წერილებიდან დაწყებული გვერდის გახსნიანად ყველაფერი ქნა ოღონდ ბოღმა ამოენთხია :D

ხოდა ავიწყდებათ, რომ ისინიც ჩვეულებრივი ბავშვები არიან, ინტერნეტთან დაახლოებულებიც (ჯასტინი განსაკუთრებით) და ხედავენ ამ ყველაფერს. რომ არაფერი ვთქვათ საკუთარ კონცერტებზე დაშენილ მძიმე საგნებზე.  არ უარვყოფ, მეც მაღიზიანებენ ვიღაცეები ზოგჯერ ისე, რომ მზად ვარ ყურებიდან ბოლი გამოვუშვა, მაგრამ ცოტა არ იყოს მანიაკიზმია თუნდაც ასეთი სურათების გაკეთება. ასკროლეთ, კარგად დააკვირდით სურათებს  და წარმოიდგინეთ ადამიანი, რომელმაც ესენი გააკეთა როგორი არსება უნდა იყოს…

ისე კიდევ, თინეიჯერებო, ალბათ ოდესღაც გადაგივლით (თუ არ გადაგივლით არც ეგაა ტრაგედია) ამათი ფანობა  და რომ გადაგივლით, მერე გირჩევთ X factor-ის ყურება დაიწყოთ, იქ იპოვით ნამდვილ ნიჭიერებს და ნამდვილ მომღერლებს, რომლებიც უფრო იმსახურებენ პოპულარობას. აბა უყურეთ მაგალითად ამას, ხომ არის დაბადებული ვარსკვლავად :)) (ამის გარდა კიდევ ძაალიან ძალიან ბევრია, უბრალოდ ეს ბოლო დროის ფავორიტია ჩემი, გაჭედილი მაქვს დღეში 9-ჯერ ვუყურებ :D )

ბოლო დროს მივხვდი უდროობის ყველაზე მძაფრ სინონიმად თავის მოფხანვისათვის განკუთვნილი დროის არ ქონას რატომ იყენებენ ხოლმე :D (როგორ ჩავხლართე)

როგორც კი ბლოგს ყურადღებას ვაკლებ, მაშინვე ბორგვას ვიწყებ. რასაც არ უნდა ვაკეთებდე, სულ მახსოვს, რომ პოსტის დაწერა მინდა. მაგრამ როცა სხვა რაღაცას დიდ ენერგიას ახმარ, მერე აღარ გყოფნის ძალა, რომ ახალი პოსტის ფანჯარა გახსნა. ენერგიებს სიტყვის მასალად არ ვამბობ, ხანდახან ისე მძიმედ ვმოქმედებ ხოლმე, რომ “dashboard”-ზეც ვერ შევდივარ შიშისგან.

ხან განსაკუთრებით სასოწარკვეთას რომ ვარ მიცემული, ვფიქრობ ხოლმე- მორჩა, თავი ამოვწურე ბლოგინგში და მსგავსი რაღაცეები, მაგრამ ადრე უფრო მჭირდა ასე. ახლა ზუსტად ვიცი, რომ არაფერი მომსვლია. უბრალოდ, ყველა ბლოგერს აქვს “ოქროს ხანა” და “ქვის ხანა” :D ხან გონება აღარ მოგდევს, ხან სხვა რამე გაქვს საფიქრალი, ხან მუზა არ გაქვს და ასე დგება ქვის ხანა. ამ შემთხვევაში, მე ალბათ გონების სხვა რამეზე გადართვა უფრო მჭირს, ვიდრე დანარჩენები. მაგრამ არ ვწუწუნებ- ბოლოსდაბოლოს ხომ უნდა მოვიშალო ეს წუწუნი :D

თანაც, აბა სხვა რისთვის შეიქმნა კატეგორია “რასა ვიქმ”, თუ არა ქვის ხანის ეპოქისთვის..

ახალი წლის wishlist-დან ერთ-ერთი ასრულდა ფაქტიურად. წესიერი ipod-ი მინდოდა და მამამ ჩამომიტანა, მართალია ipod-ი არა, მაგრამ samsung-ის digital media player yp-ro. ძალიან მომწონს. ბეევრი ფუნქციები და კარგი ხმა-გამოსახულება აქვს.

იმედია ამის ყურსასმენები მაინც შემრჩება ცოტა დიდხანს დაუზიანებელი. აი აბსოლიტურად ყველა ყურსსმენზე  მარტო ცალი ყური მიმუშავებს ხოლმე ყიდვიდან სულ რამდენიმე დღეში o_O

___________________________________________

ხანდახან საკუთარი თავი მაოცებს, როცა უკიდურესად დროში გაჭედილი მაინც ვახერხებ ამას:

მუზა: ბარბებით თამაშის დროს ჩემი პატარა დის ღიღინი..”ვი აალ ლივინგ ინ ამეელიკაა”

რამმშტაინი ჩემი ბავშვობის ჯგუფია. რომ ვუსმენ ხოლმე პასტით გადახვეული კასეტები მახსენდება. ერთი ამოჩემებული კასეტა მქონდა, ახლაც მაქვს

ნატანჯი კასეტა

(სურათის ნატანჯობაც არ შეიმჩნიოთ, ირეკლავდა და..)

მე და მამას ძალიან მოგვწონდა და ხშირად ვუსმენდით ხოლმე. საკრალური მნიშვნელობა ჰქონდა და ცალკე რიტუალი იყო ჩემი სადმე მარტო ჩაკეტვა და ამათი მოსმენა :))  როგორც იტყვიან, მოაქვს :D

ცოტა ხნის წინ ჩემი ძმა გარდაიქმნა ნამდვილ ფანად.  შედეგად:

• 24 საათის განმავლობაში ჩართულია  მათი სიმღერები, ან ლაივები, ან უბრალოდ ვიდეოები
• ყველას განურჩევლად სქესის,ასაკის და ა.შ. ელაპარაკება ჯგუფის წევრებზე:D
• მამას გულჩვილობით სარგებლობს და რამდენჯერაც ევროპისკენ მოუწია წასვლა, იმდენჯერ დისკები ჩამოატანინა. ამ  ეტაპზე ორი აქვს პრინციპში:

• 
• ასევე მამას უწევს მათი სიმღერების ტექსტების თარგმნა :D
• ჩემი პატარა დები თავისუფლად ფლობენ ყველანაირ ინფორმაციას ყველა წევრზე

• ხშირად ღიღინებენ მათ სიმღერებს პატარები და მაგრად ვკაიფობ ხოლმე :D

(პოსტის დაწერაც, როგორც ზემოთ წერია ჩემი დის ღიღინმა შთამაგონა. ერთ ერთ ცნობილ ჰიტს, Amerika-ს მღეროდა.)

სამი ჩემი საყვარელი ჰიტი, შედარებით ახლები (რჩევა- არ უყუროთ ვიდეოებს, ისე უსმინეთ :D არაა ეს ოფიციალური ვიდეოები..)

ხანდახან მგონია, რომ ჩემს სახლში ცხოვრობენ, ჩემი ძმის ხელში :D მაგრამ ჯანდაბას, მეც მევასებიან :D