რაღაცნაირი ბლოგი

Copywriting для блоггеров – как взорвать бомбу в своем блоге?

by Gaspar Chilingarov

გუშინ სამართლიანი შენიშვნა მივიღე დოდკასგან, რომ ერევნიდან დაბრუნებულს, არც ერთი პოსტი არ დამიწერია თვითონ ბარკემპზე მიღებულ გამოცდილებაზე, იმ პრეზენტაციებზე, რომლებიც იქ მოვისმინეთ. დავჯექი და დავფიქრდი, რომელი პრეზენტაცია იყო ყველაზე კარგი. უფრო სწორად კი, რომელი პრეზენტაცია იქნებოდა ბლოგერებისთვის საინტერესო და სასარგებლო და რა თქმა უნდა, გასპარის პრეზენტაცია გამახსენდა. პრეზენტაცია – როგორ დავდოთ ბლოგზე ბომბი? ალბათ მიხვდებით, რომ ამ პრეზენტაციის სათაურშიც ის ხერხები დევს, რასაც ქვემოთ გეტყვით..

მაშ ასე, როგორ დავდოთ ბლოგზე ბომბი? რა უნდა გავაკეთოთ იმისთვის, რომ ჩვენი ბლოგი ყოველთვის სასიამოვნო წასაკითხი იყოს.  თუნდაც მაშინ, როცა ძალიან ჩვეულებრივ, არააქტუალურ საკითხზე ლაპარაკობ.. მთავარია პოსტის სტრუქტურა! ის, თუ როგორ ვაწყობთ პოსტს, როგორ ვაქცევთ ყურადღებას მის ფორმატირებას. ეფექტური პოსტისთვის რამოდენიმე ხერხი არსებობს :

1. headlines-  სათაური ბევრის მანიშნებელია. ის უნდა მეტყველებდეს პოსტზე, მის შინაარსზე და ამავე დროს უნდა შეიცავდეს პატარა ინტრიგას. მთავარია ამ ინტრიგისას მთავარ მიზანს არ ავცდეთ და თემას არ გადავუხვიოთ. აქვე მთავარია სათაურის ლაკონურობა .

2. subheaders – ყველა პოსტი წინასიტყვაობით იწყება. პოსტს ჭირდება ისეთი შესავალი, როგორიც მკითხველს “აიძულებს”  ბოლომდე წაიკითხოს პოსტი. შესავალში პოსტის მთავარი კვანძი უნდა იკვრებოდეს.

3. pictures – პოსტის ვიზუალური მიმზიდველობისთვის ძალიან მნიშვნელოვანია ტექსტში სურათების დართვა. სურათები მკითხველს ამოსუნთქვის საშუალებას აძლევს ტექსტსა და ტექსტს შორის.

4. colors- საკვანძო სიტყვების, საკვანძო აზრების უკეთ გამოსაკვეთად შეგიძლიათ გამოიყენოთ მკვეთრი ფერები- წითელი , ლურჯი.. [რა თქმა უნდა დიზაინს უნდა შეუსაბამოთ ფერები]

5. bold- ბოლდი ფერებზე არანაკლებ ეფექტურია მთავარი სათქმელის ხაზგასასმელად . შეიძლება ითქვას-მეტადაც კი!

6. Bullet lists – პოსტში ლისტების გამოყენება ზოგადად კარგია. ის ხელს უწყობს აზრის დალაგებას-სწორად ჩამოყალიბებას.  ლისტი კარგად აღიქმება ვიზუალურად და შთაბეჭდილებას ახდენს მკითხველზე. აპრობირებულია, რომ ყველაზე კარგად დასამახსოვრებელი, ლისტის სახით დაწერილი აზრებია.

7. P.S. – პ.ს. -ის საშუალებით, ფაქტიურად ახლიდან აწყებინებ კითხვას მკითხველს. თითქოს ახალი სუნთქვით იწყება კითხვა. შეიძლება” პ.ს.”  იყოს დანარჩენი პოსტის ზომის, მაგრამ ამას ვერ გრძნობს მკითხველი და განაგრძობს კითხვას.

რაც შეეხება თემებს,  რა თქმა უნდა, ბომბისთვის საჭიროა სკანდალი. სკანდალი კი შეიძლება იყოს- სელებრითებზე, სექსზე, პოლიტიკაზე, რელიგიაზე და ა.შ. .. მაგრამ მთავარია რეგულარული წერა. მაგალითად არის შემთხვევა, როცა არ გეწერინება პოსტი. გახსენი ახალი პოსტის ფანჯარა და დაიწყე ზუსტად ასე, რომ შენ დღეს არ გეწერინება.. მიაყოლე მიზეზები და პოსტიც შემდგარია !

შეიძლება ვერც შენიშნეთ, მაგრამ ბოლო პოსტებში აქტიურად ვიყენებ გასპარის ამ რჩევებს, პოსტის ფორმატირებას დროს ვუთმობ და იმჰო უფრო ადვილი წასაკითხია პოსტები, ვიდრე ჩემი ადრინდელი -სტოლბა პოსტები :mrgreen:

19 Responses to “как взорвать бомбу в своем блоге?”