რაღაცნაირი ბლოგი

ხანდახან ზოგ მკითხველს არ უყვარს ისეთ წვრილმანებზე როცა ვწერ, როგორიცაა- საკუთარი ფრჩხილების ყურებით ტკბობა, ან წუწუნი, რომ დღეს მე ძალიან ცუდად მქონდა თმა, მაგრამ ნათქვამია- “როცა გინდა, რომ დაწერო როგორ შეიღებე თმა, უნდა დაწეროვო! “- ხალხური..

ახლა, როცა ბოდიში მოვიხადე ერის წინაშე, შემიძლია განვაგრძო (თითქმის) მშვიდად წერა..

ოქტომბერში ჩემი უდრეკი (სრულიად ამ სიტყვის მნიშვნელობით) თმა ვაიძულე როგორმე გაყავისფერებულიყო. ბავშვობიდან მაქვს ძაალიან შავი თმა და ვერანაირად ვერ ვიცვლიდი ფერს. ერთხელაც, უკვე ძალიან გამწარებული, ავდექი და ორი ყუთი ძალიან ძლიერი გამაღიავებელი დავიდე თმაზე. ვისაც ეს ერთხელ მაინც გამოუცდია, ეცოდინება რა საშინლად აუხეშებს თმას.

ჩემი უჯანმრთელესი თმა გავაფუჭე იმის გამო, რომ ჩემი ანიჟება დამეკმაყოფილებინა.. გამაღიავებლის დადების შედეგად, გამოვიდა შედეგი, რომელმაც მეც და ჩემი გარშემომყოფებიც დაგვაფრთხო :D

უნივერსიტეტში

თან მთელი უბედურება ის იყო, რომ გამაღიავებლის დადების შემდეგ, ერთი კვირა თმის საღებავის მიკარება არ შეიძლებოდა.  დავდიოდი ერთი კვირა უნივერსიტეტში ასეთი თმით და თან გარეთ რომ გავდიოდი, მეშინოდა სადმე სახანძრო არ გამომკიდებოდა :D

ძლივს, გავიდა ერთი კვირა და დავამსგავსე “რაღაცას” :

"რაღაცას" დამსგავსებული :D

ცოტა ხანში ამ საღებავმა დაკარგა ძალა და დაეწყო ფერებში გადასვლა.. წითელიც იყო, ყვითელიც, შავიც.. დროდადრო ყავისფერიც :D

აზრზე არ ვარ რა პრინციპით იცვლიდა ფერებს ქამელეონივით :| შეღებვისას ისევ ყავისფერი ხდებოდა

ცოტა ხნის წინ (ერთი თვის წინ..) დამეწყო შავ თმებზე ფიქრი :D რამდენჯერაც ვინმე კარგ შავ თმიანს დავინახავდი, მაშინვე საღებავის ყიდვაზე ვფიქრობდი.. მერე მახსენდებოდა, რა რთული პროცედურა გავიარე  გასაღიავებლად და ვიფიქრე ” ვაი თუ ისევ მომინდეს ყავისფერი თმა, ახლიდან როგორღა გავისაწყლო თმა”-მეთქი.

მაგრამ აი აშკარად მოთხოვნილება მქონდა. თან ნელ-ნელა ხომ იზრდება და ძირები მქონდა შავი. იმათი ახლიდან გაღიავებისთვის საჭირო ნერვების რესურსი აღარ გამაჩნდა :D  ამიტომ სხვა არგუმენტებთან ერთად ესეც მოვიშველიე და დღეს შევიღებე.

სარკესთან რომ ვიდექი და რომ უნდა მიმეტანა თმასთან საღებავი ვფიქრობდი : “აჰა, ახლა ამ საღებავს რომ დაიდებ, მინუმუმ რამდენიმე წელი შავი თმით უნდა იარო..  ” :D მაგრამ სძლია შავმა და როგორც კი გადავისვი საღებავი, მაშინვე ამოვისუნთქე. გავბედნიერდი :D

ახლა ასე გამოვიყურები:

black

არ ვიცი ის ჯობდა, თუ ეს ჯობია, მაგრამ ძალიან გახარებული კი ვარ :D

პ.ს. ხვალ იწყება ნიჭიერი.. თქვენ ვერ წარმოიდგენთ როგორ ვნერვიულობ. დღეები გაანაწილეს და სამშაბათობით დაიწერება ჩემი პოსტები.  ხვალ გავა ეთერში, კურიერის შემდეგ. აი იცოდეთ, მაგ დროს მე დაძაბული ვიჯდები ტელევიზორთან- სავარაუდოდ ხელში ფურცლით და კალმით იმისთვის, რომ არაფერი გამომრჩეს :D მერე დიდხანს ვიფიქრებ  როგორი პოსტი დავწერო. მერე როგორმე დავწერ და გულის ფანცქალით დაველოდები როდის გამოქვეყნდება და  როგორი გამომივა :D თან კარგი შეგრძნებაა, თან ვნერვიულობ..

გუშინ p.s.-ში გავიდა სიუჟეტი ნიჭიერზე:

ეთერში გასვლისთანავე nichieri.ge-ზე შევიდა 5 წუთში 2000 ადამიანი :D . იქ ხომ დალინკული ვარ და გადმოდის ძალიან ბევრი. სიუჟეტი რომ დამთავრდა მოვედი კომპიუტერთან, შევედი ბლოგზე და ვხედავ:

მეგონა რაღაც გამიფუჭდა, სანამ მივხვდი რა ხდებოდა :D მოკლედ, გუშინს მერე ძალიან ბევრი გადმოდის ბლოგზე. არ ვიცი აქ გადმომსვლელები რჩებიან აქ, თუ შემოდიან და როგორც შემოდიან ისე გადიან, მაგრამ  ცოტა უცხოა ჩემთვის 600-ზე მეტი უნიკალური ვიზიტორი დღეში. სტუმრებო, welcome და მეც თქვენსავით ველოდები ხვალინდელ გადაცემას.. და კიდევ, ძალიან ვნერვიულობ იმ პოსტის გამო, თქვენთვის რომ უნდა დავწერო ნიჭიერი ბლოგზე..  : ))))   სამშაბათამდე ^_^

15 Responses to “BLACK..AGAIN..”