რაღაცნაირი ბლოგი

ერთი საიდუმლო ჩემს შესახებ- თუ ვინმეს უნდა, რომ ცხოვრების ხალისი წამართვას, პირველ რიგში ინტერნეტი უნდა მომისპოს, მეორე რიგში- კომპიუტერი. მოგეხსენებათ, ცხოვრება განსაცდელებით არის აღსავსე [ვის რა გველოდება არავინ არ ვიცით-ის თეორია] და ხშირ-ხშირად გვიწევს ათასგვარ ჭირთა თმენა ! თუმცა ამდენი ჭირთა თმენა ერთად მეტისმეტია და ჩემისთანა ზეგამძლე [!] არსებისთვისაც კი დამთრგუნველია..

გუშინ ზუსტად ერთი კვირა გახდა, რაც საქართველოს საზღვარზე მომდგარს მამცნეს- კომპიუტერი ფაფუ-ო. მე ვიფიქრე სერიოზული არაფერია, უცებ გააკეთებენთქო, მაგრამ ჰოი-ო ნათქვამია ! დათომ დაშალა კიდეც მთლიანად, მაგრამ ჩართვის ნიშან-წყალი არ ემჩნეოდა. მამას ავსტრიელი სტუმრები ჰყავდა მისახედი, მე კიდე ვიდე სახლში უმწეო სახით და ველოდებოდი როდის მოიცლიდნენ ჩემი საარსებო წყაროს დასაბრუნებლად..

ალბათ ამიერიდან მაინც გავითვალისწინებ და შევიმუშავებ სათადარიგო გეგმას უინტერნეტობა-უკომპიუტერობის ჟამს გადასარჩენად. ამჟამად კი აშკარად მოუმზადებელი ვიყავი. ერთადერთი რის გაკეთებასაც ვახერხებდი, იყო ფიქრი იმაზე, თუ რას აკეთებდნენ ხოლმე ადამიანები, როცა არ იყო ინტერნეტი. მერე დავფიქრდი და მივხვდი, რომ ინტერნეტი არც მე მაქვს დაბადებიდან და გავიხსენე მე რას ვაკეთებდი. აღმოვაჩინე, რომ ვკითხულობდი ! ბევრს ვკითხულობდი.. ერთსა და იმავე წიგნს 10-ჯერ, მაგრამ მაინც ვკითხულობდი და ვსწავლობდი. ვინაიდან ამ ეტაპზე ეგ იდეა არ მომეწონა იმიტომ, რომ სახლში არსებული წიგნების მეთერთმეტედ წაკითხვის სურვილი არ მაქვს, გეგმა B-ზე გადავედი. გეგმა B კიდევ თავის მხრივი მხოლოდ სახლში ჯდომას, საწოლში წოლას და იქედან ტელევიზორის ყურებას გულისხმობდა. ტელევიზორში “არაფრის” დროს კი ჩემი დების მრავალრიცხვოვანი მულტფილმების ყურებით ვირთობდი თავს : ბარბის სამი თავგადასავალი, მოჯადოებული, გარფილდი , მადაგასკარი 1 და 2, დიდი გამყინვარება 1 და 2.. ეს მხოლოდ არასრული ჩამონათვალია მათგან, რისი ყურებაც მოვასწარი !

გარდა ამისა :

• დავხარჯე ძალიან ბევრი სმს და მივხვდი, რომ ინტერნეტი დიიდი ეკონომიაა !

• საკუთარ თავს დავუნგრიე მითი იმის შესახებ, რომ მე ტელეფონზე ლაპარაკს ვერ ვიტან და ყოველ დღე [!] ვლაპარაკობდი sweety-სთან . საუბრის გასაოცარი ხანგრძლივობით 40 წთ.
• მეძინა ძალიან ბევრი. ვიძინებდი ადრე, ვიღვიძებდი- გვიან. ვუყურებდი ტელევიზორს, საწოლში ვჭამდი და როდის როდის მოვიფიქრებდი ადგომას და სახლის მილაგებას. [მამას გარდა ყველა სოფელში იყო წასული, მაგრამ მამა რისი მამაა თუ სახლიდან გასვლის წინ არ არია სახლი ! ]
• ვტიროდი ხანდახან. ოღონდ არა ზეცნობილი მიზეზის გამო . ჯერ იმაზე ვტიროდი – ერთ დღეს რუსთაველზე მომიწია ჩამოვლამ და უმწეობისგან ვიტირე სახლში რომ მოვედი. ბოღმა მახრჩობდა , ისე მინდოდა, რომ ის საკნები დამერბია თავის ხალხიანად .  ყველაზე მეტი მაინც მაშინ ვიტირე, აკადემიის შენობა რომ ჩამოინგრა. ახალგაღვიძებული ვიყავი, ჩავრთე ტელევიზორი და რომ ვუსმენდი გავქვავდი რასაც ქვია :| ..

• ვკითხულობდი სახალხო დამცველის პერიოდული გამოცემის, სოლიდარობის ძველ და ახალ ნომრებს.
• ასეულობით თემა მომაგონდა დასაბლოგად და ყველა დამავიწყდა
• გარეთ გავდიოდი საღამოობით ხანდახან

მოკლედ..გუშინ და დღეს დამთავრდა ტანჯვის ეპოქა. თან ძალიან საოცრად დამთავრდა. დილით დედა მოვიდა ჩემთან და რა გინდა ყველაზე ძალიან ეხლაო? სიმართლის [ :mrgreen: ] თქმა მომერიდა და კომპიუტერი მეთქი ვუთხარი. თურმე უკვე კარგა ხანია ზოგავენ ფულს იმისთვის, რომ ჩემთვის ეყიდათ ნოუთბუქი :უსერ: ხოდა გექნებაო. გავიფიქრე – ხო მეთქი, ზეგ ! მამა გამოვიდა ამ დროს და დაუწყო ჯიჯღინი- რა გინდოდა, სიურპრიზად უნდა მომეტანაო. რა

თქმა უნდა, სიურპრიზი არ იქნებოდა კარგი, იმიტომ, რომ სად ჩემი არჩეული და.. ვიარეთ, ვიარეთ და hp 550 შევარჩიე. მსუბუქია რაც მთავარია :ბის: .. ნუ დათოს დავურეკე, მონაცემები ვუთხარი და – ისეთია, რომ შენ თავზე გადაგივაო და დაჟე იაფია მონაცემებთან შედარებითო. დღეს ბოჭკოვანიც გამოვჭიმეთ, მეზობლების ინტერნეტს გავეყარეთ და ჩვენთვის ორად გავყავით ხაზი. ასე , რომ ახლა უკვე საკუთარი ინტერნეტით და კომპიუტერით ვარ აღჭურვილი და აღარავინ [!] აღარ ამაგდებს აქედან. ეხლა ერთი-ორი ტექნიკური პრობლემა მაქვს და ვინცხამ თუ იცით მითხარით :

1. ტოპ.გე-ს მთვლელს ვერ ვხედავ. ლინკის სახით ჩანს.
2. ყველა ფანჯარა ისე იხსნება, რომ სტარტი იფარება :ჩაიდან:
3. ახალი პოსტის წერისას არ ჩანს ხელსაწყოები [აი ბოლდი, ფერები და ა.შ. ]არც HTML და არც Visual .. დანარჩენი ორი ჯანდაბას, ამაზე გავწამდი. იქეთა კომპზე გადავსხი ათჯერ დესანტი :დ ..

პ.ს. ახალი იმიჯის საწყისებთან ვბინადრობ. პირველი ნაბიჯი იყო ავატარის შეცვლა. აამ ეტაპზე, უბრალოდ მელე რომ მექნა ის ჩულქებიანი ქალი დავიყენე :დ.. ნუ ჩემს ძველ,  თსუ-ს ფორუმის იმიჯს ვუბრუნდები- სექსებიანი იმიჯი მქონდა მახსოვს.. ხოდა სანამ რამე ახალს მოვიფიქრებ, დაე იყოს იმიჯი ამდაგვარი. თუ რამე სხვას შემომთავაზებთ არ დაგზარდებით :ბოლი:..

15 Responses to “Back To Net, Back To Blog”