რაღაცნაირი ბლოგი

Archive for აპრილი, 2010

ლეპტოპი

და კიდევ ასე:

არადა ჯერ ერთი წელი ახლა ხდება მაისში, რაც ვიყიდე და უკვე რას დავამსგავსე… ნუ კლავიატურას არაუჭირს, თუ იმას არ ჩავთვლით, რომ ერთი ცალი ბისერის ბურთულაა ჩავარდნილი და ხან რომელ კლავიშში ეჩხირება, ხან რომელში. მერე კომპიუტერს ვაყირავებ და გორდება ხოლმე :D  ამჯერად J-შია ჩასახლებული… ხელების განსათავსებელ ადგილს რაც შეეხება, დროზე არ მომაფიქრდა რამე გადასაკრავის ყიდვა  და გახდა ასეთი :| მამა მეუბნებოდა ფრთხილად იყავი, შნურებამდე არ ჩახვიდეო :D კიდევ რა არ დავმართე- ბათუმში wi-fiს ჩართვის მცდელობისას მთლიანად დავბლოკე, windows-ის საკუთარი ძალებით გადაყენება მოვინდომე და ორი ცალი ერთად ჩავწერე და ვინ მოსთვლის კიდევ… მაგრამ ერთგულად მემსახურება. პირველად ლეპტოპის ჰაერივით საჭიროება ბარკემპზე ვიგრძენი. ვკვდებოდი ისე მინდოდა ნორმალურად დამეწერა ყველაფერი რაც იქ ხდებოდა… მოკლედ, მართლა აუცილებელი ატრიბუტია… Read the rest of this entry »

დღეს რამდენჯერმე შემხვდა facebook-ზე alexa-ს ლინკი სასიამოვნო ცნობებითურთ:

ის დღე ყველაფერის მიუხედავად ბედნიერია ხოლმე, როცა მსგავს აღმოჩენებს ვაკეთებ <3

შორეული 2013, ოპტიმისტურ…არა, ნამეტანი (!) ოპტიმისტურ მოტივებზე…

"ამბობენ"-ში ჩვენი რამდენიმე წლის წინანდელი სურათი აჩვენეს. ან სად მიაგნეს...

უი, ილიაზე გამახსენდა… ორ კვირაშია ის კონცერტი, უკვე ორი წელი რომ მზადდება.

ნუ მთელმა მსოფლიომ კი იცის, მაგრამ მე მგონი დაწვრილებით არ დამიწერია:

აი თუ გახსოვთ, ნიჭიერის სულ სულ პირველ სეზონში რომ იცეკვა dangerous, ის უნახავთ mj ს პროდიუსერს და ქორეოგრაფს myvideo-ზე ორი წლის მერე და დაებადათ იდეა, რომ this is it გაეკეთებინათ, ზუსტი ანალოგია!  და ილიას უნდა ეცეკვა ყველაფერი (რამდენიმე ცეკვა საკუთარი დადგმულიც დაამატა) ხმა MJ-სი დარჩება, რა თქმა უნდა… ერთ კვირაში ჩავალ ლონდონში. თან რამდენი ხანია neverland-ში არ ვყოფილვარ ილიასთან, მომენატრა იქაურობა…

უი ხო, იმ სახლში გადავედი…აი 2010-ში რომ ვინატრე, ბლოგინგიდან შემოსავლით მინდა ავიშენო მეთქი…

წავედი ახლა, მიშას ინაუგურაციაა ხვალ და მიწვეულები ვართ ბლოგერები, ტანსაცმელი მაქვს ასარჩევი და გავივლი ერთი სადმე…

რამდენიმე დღის წინ ჯეოსელის ქსელის პარალიზება მოხდა. მე სადღაც მქონდა მიგდებული ტელეფონი და სულ ვერ გავიგებდი ამ ამბავს, რომ არა ფეისბუქზე ატეხილი საყოველთაო განგაში- ძირითადად უცენზურობების შემცველი სტატუსები ან უბრალოდ გაბრაზებული სტატუსები  და ა.შ.

მოკლედ, ამ ვითარებაში შეიძლება პირველად დავფიქრდი რატომ ვარ ჯეოსელის აბონენტი და რატომ ვაიგნორებ ასე გულმოდგინედ სხვა დანარჩენი კომპანიების იმიტომ, რომ ატყდა სხვა ქსელის აბონენტების მიერ ბრძოლა- აი, იყავით მაგთის აბონენტი და ასე არ გაგეთიშებათ არასდროს, ბილაინი ფორევერ (:D)  და მსგავსი რამეები..

PR ტექნოლოგიებში პროფესიონალურ დონეზე ვერ ვერკვევი და შეიძლება მაინცდამაინც კარგად ვერ ავხსნა რისი თქმა მინდა, მაგრამ როგორც მომხმარებელს ხომ ჩამოყალიბებული მაქვს აზრი  ამ ყველაფერთან დაკავშირებით დროთა განმავლობაში და  მგონი ჯეოსელის სწორად წარმართული მუშაობის შედეგია, რომ რაც არ უნდა კარგი შემოთავაზებები ჰქონდეთ დროდადრო სხვა კომპანიებს, ინტერესიც კი არ გამჩენია კარგად გარკვევისა…

ჯეოსელს ყოველთვის აქვს რაღაც გამორჩეული და კარგი და საერთოდაც, კარგ რაღაცეებთან ასოცირდება.   Read the rest of this entry »

“შეხვედრის მიზანი იყო გამოცდილი და წარმატებული ბლოგერებისგან ამ კუთხით საქართველოში არსებული მდგომარეობის გაცნობა და იმ შესაძლო მოქმედებების განხორციელებაზე მსჯელობა, რომელიც ხელს შეუწყობს საქართველოში ბლოგინგის განვითარებას.”

გუშინ ეკონომიკის მინისტრს შევხვდით რამდენიმე ბლოგერი. ბოლო დროს  ბლოგინგით ვინმეს დაინტერესება აღარ გვიკვირს, მაგრამ მაინც ვერ წარმოვიდგინე რაში შეიძლება დაგვხმარებოდა ეკონომიკის სამინისტრო. უფრო სწორად,

გასაგებია, რომ რესურსები აქვთ ჩვენს დასახმარებლად, მაგრამ ნათლად ვერ გამოვკვეთე  მიზნები და ცოტა სკეპტიკური განწყობით წავედი.

შეხვედრა გამოცდილებების გაზიარებით დაიწყო. მინისტრი დაინტერესდა რა შესაძლებლობები აქვს სოციალურ მედიას,რომელი რესურსები გამოიყენება ყველაზე ეფექტურად, რა არის საჭირო ბლოგინგის განვითარებისათვის და თავიანთი იდეაც გაგვაცნეს- უნდათ ქვეყნის პოპულარიზაციის მიზნით სოციალური მედიის აქტიური გამოყენება. გარდა ამისა, შეგვპირდნენ, რომ ეკონომიკის სამინისტრო ბიზნესსა და ბლოგერებს შორის შუამავლობას ითავებს.

რეალურად, ხშირ შემთხვევაში არ იციან როგორ გამოიყენონ სოციალური მედია ბიზნესისთვის და მიხარია, რომ საშუალება გვექნება დავაინტერესოთ.

თუმცა ამ მხრივ ერთი შენიშვნა მქონდა…ზურაბ პოლოლიკაშვილმა იკითხა,  რა პრობლემებიაო და როკომ ხაზი გაუსვა ფინანსურ დაინტერესებას. ანუ, ბლოგებს ქმნიან, მაგრამ ვინაიდან შემოსავალი არ უჩნდებათ, მოტივაცია უქრებათ და თავს ანებებენო.

ხოდა:

გასაგებია, რომ კორპორატიული ბლოგები იქნება ფინანსური დაინტერესების ნიადაგზე და საერთოდ არ მაქვს ლაპარაკი მაგ კუთხით. უბრალოდ, ცოტა უცნაურად ვიგრძენი თავი- ბლოგი რომ შევქმენი (და ეს არ იყო ძალიან დიდი ხნის წინ, სულ წელიწადნახევარია), საერთოდ არ მიფიქრია თუ როდისმე რამე ფინანსურ სარგებელს მომიტანდა. მე იმიტომ მაქვს ბლოგი, რომ მსიამოვნებს წერა, მიყვარს მკითხველი და ზოგადად, ჰობია ჩემი. სულ რომ 1 კაპიკი არ მქონდეს ამ საქმიანობიდან შემოსავალი ( და ასეც იყო დიდ ხანს და უფრო დიდხანს ძველი ბლოგერებისთვის ), მაინც დავწერ და მოტივაცია არასდროს გამიქრება. სისულელეა ფინანსური დაინტერესების გამო ბლოგის შექმნა იმიტომ, რომ

ბლოგი იმდენ ენერგიას მოითხოვს, შეუძლებელია მხოლოდ მაგის გამო წერო- ეს საქმე უნდა გიყვარდეს.

თუმცა, კიდევ ერთხელ აღვნიშნავ- მოხარული ვიქნები, თუ სხვადასხვა ბიზნესის წარმომადგენლები მიხვდებიან რა სარგებლობა მოაქვს ბლოგებზე რეკლამას.

დაისვა საკითხი ბლოგერების ასოციაციის შექმნისაც, მაგრამ მე სასტიკი წინააღმდეგი ვარ ამისი (დოდკაც ასევე). ახლა გეტყვით მიზეზებს:

რაც არ უნდა არაოფიციალური სახე მისცე ამ ყველაფერს, ყველა შემთხვევაში მოხდება ე.წ. “კასტების” ჩამოყალიბება: უპირატესობა მინიჭებული ბლოგერები და დანარჩენი ბლოგერები. მიზანი ასოციაციის დაახლოებით უნდა იყოს:

ტრენინგების ჩატარება დამწყებებისთვის, სხვადასხვა ივენთების დაგეგმვა და სხვა მსგავსი საკითხები, მაგრამ რეალურად ეს ყველაფერი ასოციაციის გარეშეც ხორციელდება და დიდ საჭიროებას ვერ ვხედავ.

თანაც, თუ ეს ასოციაცია შექიმნება  ეკონომიკის სამინისტროს დახმარებით,  ერთ რამეზე მეფიქრება:

მე კი დარწმუნებული ვარ, რომ საერთოდ არ ექნება გავლენა რომელიმე ბლოგერის პოლიტიკურ კურსზე ამ ყველაფერს, მაგრამ გინდა, თუ არ გინდა, დაასოცირდები მათთან და მერე რამე დადებითის დაწერა რომ მოგინდება ხელისუფლებაზე, ვიღაცა ინტრიგანი ოპოზიციონერი ან უბრალოდ ინტრიგანი რატომ უნდა მომედავოს, რომ შეკვეთილ პოსტს ვწერ?

არჩევნები ახლოვდება, პირველად მიწევს მონაწილეობის მიღება (როგორ მიხარის), ხმა უნდა მივცე გიგი უგულავას. მერე უნდა მოვიდე სახლში და დავწერო როგორი იყო პირველი არჩევნები, როგორ გამიხარდა, რომ  ჩემი მოქალაქეობრივი ვალი მოვიხადე და როგორ გამიხარდა გიგის რომ მივეცი ხმა :D  ხოდა მინდა ახლა მე ინტრიგანები?

დანარჩენ გეგმებს რაც შეეხება, ძალიან მომწონს ბლოგინგის და ზოგადად სოციალური მედიის ჩართვა ქვეყნის პოპულარიზაციაში. რეალურად, ხშირია შემთხვევები, როცა სხვადასხვა არც ისე კეთილისმყოფელი ქვეყნების მიერ ცუდი PR კამპანია მოქმედებს საქართველოს წინააღმდეგ და რატომ არ უნდა არსებობდეს მათი საწინააღმდეგო არგუმენტები და სინამდვილის ამსახველი ფაქტები ინტერნეტში?

მოკლედ, საერთო ჯამში კმაყოფილი ვარ შეხვედრით და ამ ეტაპზე დაგეგმილი მიზნებით, ველოდები  მომდევნო შეხვედრას, სადაც უფრო კონკრეტულად იქნება საუბარი ყველაფერზე.

სხვა დაწრვილებითი ინფორმაციებისთვის:

http://www.economy.ge/?category=4&lang=geo&item=321

http://www.media.ge/ka/node/36932&h=70c56a4694758884de380e47f985eac6

http://fazanda.wordpress.com/2010/04/15/ekon/

ბავშვებთან ურთიერთობა ყველაზე საინტერესო, ყველაზე სახალისო და თან ყველაზე საპასუხისმგებლო საქმიანობაა! მე მაგალითად ვხალისობ ხოლმე ჩემი დების და მათი მეგობრების შემხედვარე. ძალიან მაგარია ხანდახან რომ ვაანალიზებ ხოლმე  როგორ იზრდებოდა და როგორ ვითარდებოდა ნინი მაგალითად (ყველაზე კარგად ნინი მახსოვს), ორი წლის წინ რას აკეთებდა და ახლა რას აკეთებს. როგორ შეეცვალა ქცევები, როგორ ფიქრობს სერიოზულ რაღაცეებზე (ხო, ბავშვები ხანდახან დიდებზე მეტს ფიქრობენ :P )

ხოდა ბავშვიანებს და მათთან ურთიერთობა გამოვლილებს მე რა უნდა ვასწავლო. უბრალოდ, რამდენიმე რჩევა მინდა გავცე თუნდაც მათთვის, ვისაც შემთხვევით ერთი დღით მაინც მოუწევს მეგობრის/მეზობლის ბავშვის, დის ან ძმის დატოვება :D

ცოტა ხნის წინ, გადაცემა  “რაო რაო” გადიოდა რუსთავი2-ის ეთერში. ფორმატის მიხედვით, ბავშვები უსვამდნენ კითხვებს დიდებს და ძალიან ბევრჯერ მომხვდა თვალში ერთი ფაქტი: ბოლოს,როცა  ეკითხებოდნენ ხოლმე პატარებს  სტუმარზე აზრს, მომისმენია მათგან-  “არ გვცემდა პასუხებს კარგადო”, ისეთ სტუმრებზე, ვინც არასერიოზულად პასუხობდა და ფანტასტიკის ჟანრში იჭრებოდა.

მაგალითად, კითხვაზე “რატომ გადაშენდნენ დინოზავრები? “, პასუხი- “ერთხელაც გადაწყვიტეს რომ ცაში უკეთესი საჭმელი იშოვებოდა“- არასწორია! Read the rest of this entry »

სათაურის დარქმევისას კითხვა გამიჩნდა- ნაწილებად რომ ვაკეთებ, სადამდე ვაპირებ ასვლას o_O მომავალი პოსტიდან შევუცვლი სათაურებს..

Bogus

მიდი თინი, შენ ამას შეძლებ…

(სიტყვები,რომელსაც ახლა, პოსტის წერის დროს ვეუბნები ჩემს თავს )

2. გამოგზავნისას:

3. მერე რეისმა დაიგვიანა, როგორც აღმოჩნდა ინგლისში გაფიცვის გამო და მაშინვე მაცნობეს:

4. შემდეგ რამდენიმე დღეში რეისების შესახებ საბოლოო ინფორმაცია:

5. და ბოოოლოსს!!!

სანამ იმაზე გადავიდოდე, როგორ გავფრინდი usa2georgia ს ოფისში, როგორც კი ჩამოვიდა ამანათი, იქამდე მათთვის, ვისაც  შეკითხვები გაუჩნდა ვადებთან დაკავშირებით. ეს ახლა იყო  ლოდინის პერიოდი ხალნგრძლივი და ისიც კომპანიისგან დამოუკიდებელი მიზეზების გამო და არ შეგეშინდეთ. მე მაგალითად, ძალიან დავმშვიდდი, როცა ბლოგზე [http://blog.gls.ge/2010/03/blog-post_22.html] ვნახე ინფორმაცია იმის შესახებ, რომ რეისი ემატება usa2georgia-ს!

ანუ, იფრენს კვირაში ორი რეისი! ხუთშაბათი, პარასკევი, ორშაბათის ამანათები გამოიგზავნება ცალკე რეისად და სამშაბათი ოთხშაბათის ცალკე. ჩამოსვლის დღეებიც შესაბამისად უნდა გადანაწილდეს ალბათ ორშაბათი-სამშაბათი, ხუთშაბათი-პარასკევი.

და ის სარგებლობა, რაც რეისის დამატებას მოყვება (ვაციტირებ კომპანიის ბლოგიდან)

1. მომხმარებელს აღარ მოუწევს კვირიდან კვირამდე ლოდინი როდის გამოიგზავნება მისი ამანათი, როგორც ეს მაგალითად პარასკევს ან ორშაბათს მისულ ამანათს ეხებოდა, რადგან კვირაში 1-ის ნაცვლად 2 რეისი გამოფრინდება, ამანათებიც უფრო ხშირ-ხშირად წამოვა.

2. 300 ლარიანი შეზღუდვა, რომელიც ბევრს აბრკოლებდა რომ ერთიანად ბევრი ამანათი არ მიეღოთ – შემსუბუქდება.

3. ტვირთი შემცირდება ზომაში. ანუ შანსები იმის რომ ავია კომპანიები გადატვირთვებისას გამონახავენ თვითფრინავში ადგილს, ერთი-ორად მოიმატებს. დღესდღეობით დაგვიანებები სწორედ ავია კომპანიების მიზეზით ხდება.

მოკლედ, რომ მივიღე წერილი ავფრინდი სკამიდან და მე და მარი წავედით. ოფისში წასვლა ჩემი დანიჟება იყო, სიტუაცია მაინტერესებდა. სხვისი არ ვიცი და ჩემთვის მნიშვნელოვანია რა სიტუაციაშია ჩემი ამანათი :D ოფისი არის მიცკევიჩზე და ძაალიან დიდია (სურათზე ნახევარი ჩანს, მეტს ვერ მივწვდი და )

ლამაზად ჩაცმული პერსონალი ზის შესასვლელში და პატარა ფანჯრებიდან გამოდის ნანატრი ამანათები. ხელს აწერ ექტრონულად Read the rest of this entry »